குரு பெயர்ச்சி 2021-2022 -- சிம்மம்

 சிம்மம் ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  சிம்மம் ராசிக்கு 5ம் வீடாகிய பூர்வ புண்ணியம் ஸ்தானாதிபதி மற்றும் 8ம் வீடாகிய அட்டமஸ்தானத்திற்கு உரிய குரு பகவான் தங்கள் ராசிக்கு  7ம்வீடான களத்திர தானத்தில் அமர்ந்து 5-ஆம் பார்வையால் தங்களின் ராசியின் 11ம் இடத்தையும் , ஏழாம் பார்வையால் தங்களின் ராசியையும் , 9-ஆம் பார்வையால் சகோதர ஸ்தானமாகிய 3ம் இடத்தையும் பார்க்கிறார்.

 தங்களுக்கு பூர்வ புண்ணியம் அதிபதியாக இருந்து ராசியை பார்ப்பதால் மிகுந்த நன்மையை எதிர்பார்க்கலாம், மனைவி வழியில் வருமானம் சிறப்பாக இருக்கும், எண்ணிய காரியங்கள் எல்லாம் நிறைவேறும், இதுவரை திருமணமாகாமல் தடைபட்டு வந்தவர்களுக்கு திருமணம் சுமுகமாக முடியும், சகோதரர் வழியில் வந்த சிறு சிறு மன சஞ்சலங்கள் நீங்கி புத்துணர்வு பெறும் காலமாகும், சிலருக்கு உத்தியோக வகையில் டிரான்ஸ்பர் கிடைக்கும், ராசிக்கு சனி ஆறில் இருந்து குரு ஏழில் இருப்பது தங்களுக்கு மேலும் பலத்தை ஊக்குவிக்கும் வகையில் அமைந்துள்ளது. சந்திரனின் அவ்வப்போதைய சாதகமான சஞ்சார நிலையும் உங்களுக்கு தொடர்வெற்றியைத் தந்து கொண்டிருக்கும். இதுநாள் வரை பொறுமையாய் காத்திருந்ததற்கான பலனை தற்போது அனுபவிக்க உள்ளீர்கள்.குருவின் நேரடிப் பார்வையின் மூலம் புதிய உற்சாகத்துடன் செயல்படுவீர்கள். நீண்ட நாட்களாகக் காத்திருந்த வாய்ப்பு ஒன்று கையில் கிடைக்கக் காண்பீர்கள். சிலர் இரண்டாம் திருமணம் செய்யாமல் இருந்தவர்களுக்கு கூட இந்த குரு பெயர்ச்சி காலத்தில் மறுமணம் சிறப்பாக நடைபெறும், உங்கள் ராசியைப் பார்த்து ராசிநாதன் என் நட்பு வீட்டில் சுக ஸ்தானத்தில் அமர்ந்து சந்திரனைத் பார்ப்பது பௌர்ணமி யோகத்தை தந்து சிறப்பானதாக அமைகிறது. குரு 8ஆம் அதிபதியாகவும் வருவதால் தங்கள் மனைவியின் உடல் நலனில் அக்கறை அவசியமாக தேவைப்படுகிறது,, இதுநாள்வரை ராகுவிற்கு குருவின் பார்வை கிடைக்கப் பெற்ற நிலையில் சிலரின் தந்தையுடன் முரண்பட்ட போக்கு ஏற்படும், அதேசமயம் சகோதர வழியில் ஆதரவு பெருகும்,, விலகிச் சென்ற நண்பர்கள் அனைவருமே திரும்பி வருவார்கள், 

 மகம் நட்சத்திரத்தில் பிறந்தவர்களுக்கு இந்த குருபெயர்ச்சி தடைகளைத் தாண்டி சாதிக்கும் வல்லமையை தருகிறது, தங்கள் நட்சத்திர அதிபதியுடன் ராசிநாதன் அமர்ந்து நாளில் இருந்தாலும் அவ்வப்போது உடல் நலனில் அக்கறை அவசியமாகிறது, பூரம் நட்சத்திரத்தில் பிறந்தவர்களுக்கு மழலைச் செல்வத்தால் மகிழ்ச்சி பொங்கும் காலம் இது, உத்திரம் நட்சத்திரத்தில் பிறந்தவர்களுக்கு தொட்டதெல்லாம் பொன்னாகும் காலமாக அமைகிறது, வரும் வாய்ப்புகளை அனைத்து நட்சத்திரக்காரர்களும் பயன்படுத்திக் கொண்டால் இந்த குருபயர்ச்சி தங்களுக்கு அபரீத வளர்ச்சியைக் கொடுக்கும், 

 குடும்பம் நிதி மற்றும் பொருளாதாரம்

 தாங்கள் இந்த குருப்பெயர்ச்சி காலத்தில் குடும்பத்திற்காக உழைக்க வேண்டிய சூழ்நிலை உருவாகும், எவ்வளவு உழைத்தாலும் குடும்பத்தினர் தங்களை புரிந்துகள்ள மாட்டார்கள், அதைப்பற்றி எல்லாம் கவலைப்படாமல் இருப்பதை நல்லது.பெற்றோர்களிடம் கொண்டிருந்த கருத்து வேறுபாடு நீங்கும். நீண்ட நாட்களாக நிலுவையில் இருந்து வந்த பித்ரு கர்மா, குலதெய்வ வழிபாடு ஆகியவற்றை தடையின்றி செய்திட கால நேரம் சாதகமாக அமையும். தம்பதியராக இணைந்து செயல்பட்டு சுபநிகழ்ச்சிகளை வெற்றிகரமாக நடத்திக் காட்டுவீர்கள். உடன்பிறந்தோர் பக்கபலமாகத் துணையிருப்பார்கள்.பிள்ளைகளின் செயல்கள் பெருமை தேடித் தரும் வகையில் அமையும். உறவினர்களுக்கு உதவி செய்வதன் மூலம் மனநிம்மதி காண்பீர்கள்.குடும்பத்தில் சலசலப்புகள் தீர்ந்து அமைதி நிலவும் என்பதை குருவின் பார்வைநிலை உறுதி செய்கிறது.. தங்கள் வருமானத்தில் ஒரு பகுதி ஏழை எளியவர்களுக்கு தானம் செய்ய முற்படுவீர்கள், பொருளாதாரம் சீராக இருந்தாலும் அதிக அளவு வருமானம் இருந்தாலும் குடும்பத்தினருக்கு அதிகம் செலவு செய்யும் சூழல் உருவாகும், 

 மாணவர்கள்

 நான்காம் பாவகத்தில் சூரியன் கேது என இரு பாவகரகங்கள் அமர்வதால் கல்வியில் நிதானம் அவசியமாகிறது எதையும் யோசித்து பரீட்சை எழுதுவது சிறந்தது, தேர்வின்போது இதை மறந்து விட்டோமே என்று வருத்தப்படாதே எழுதி பார்த்து பயிற்சி எடுப்பது நல்லது, உயர்கல்வி மற்றும் ஆராய்ச்சி படிப்புகள் மேற்கொள்பவர்கள் நன்மையை பெறுவார்கள், காவல்துறை மற்றும் அரசு பணி சார்ந்த படிப்பினை மேற்கொள்பவர்களுக்கு இது காலமாகும். வெளிநாடு சென்று உயர்கல்வி பெற முயற்சி செய்பவர்கள் பலிதமாகும்,, சக மாணவர்களை நம்பாமல் சுய முயற்சியுடன் தேர்வு எழுத சற்று கொண்டு செல்வது மிக அவசியமானதாகிறது

 தொழில்

 இதுவரை தங்களின் தொழில் ஸ்தானத்தை பார்த்து வந்த குரு விலகுவதால் தொழிலில் சிறிது சறுக்கல் ஏற்படும், ராகு பத்தில் தனித்து அமர்வதால் தொழிலில் அதிக முதலீடு செய்யாமல் இருப்பதே நல்லது,, இருப்பதை திறம்பட செயல்பட முயற்சி மேற்கொண்டால் இந்த குருபெயர்ச்சி உங்களுக்கு நன்மையை தரும், தொழில் காரகன் சுக்கிரன் ஐந்தில் அமர்ந்து நகை மற்றும் ஜவுளி சம்பந்தப்பட்ட தொழிலாளர்களுக்கும் முன்னேற்றத்தை ஏற்படுத்தும், எலக்ட்ரிக்கல் மற்றும் எலக்ட்ரானிக்ஸ் சம்பந்தப்பட்ட தொழில்கள் செய்பவர்கள் மற்றும் தொழிலாளர்களுக்கு இந்த காலங்கள் மிகுந்த லாபத்தை ஏற்படுத்தும், 10-ஆம் இடத்தை கேதுவுடன் சூரியன் பார்க்க, அவ்வப்போது தொழிலில் சிறுசிறு தடைகள் வந்தாலும் ராகுவின் பேராசையால் உங்கள் எண்ணம் ஈடேறும், அதற்கு குரு உங்கள் ராசியைப் பார்த்து வலு சேர்க்கிறார், 

 பரிகாரம்

 பிரதி ஞாயிறு தோறும் சிவாலயம் சென்று சிவனை குடும்பத்துடன் அதாவது சிவன் பார்வதி விநாயகர் முருகன் என அனைவரையும் வழிபட குடும்பத்தில் குதூகலமாக மகிழ்ச்சி பொங்கும் குரு பெயர்ச்சியாக அமைகிறது.

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்