குரு பெயர்ச்சி 2021-2022 -- தனுசு

 தனுசு ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில் ராசிநாதன்  மற்றும் 4ம் வீடாகிய சுகஸ்தானத்திற்கு உரிய குரு பகவான் தங்கள் ராசிக்கு  3ம்வீடான தெய்ரிய ஸ்தானத்தில் அமர்ந்து 5-ஆம் பார்வையால் தங்களின் ராசியின் 7ம் இடமான களத்திர ஸ்தானத்தையும், ஏழாம் பார்வையால் 9ம் இடமான பாக்கிய ஸ்தானத்தையும்  , 9-ஆம் பார்வையால் உங்கள் ராசிக்கு 11ம் இடமான இலாப ஸ்தானத்தையும் பார்க்கிறார்.

 இதுநாள் வரை தங்கள் ராசி நாதன் நீசம் பெற்று வந்த நிலையில் தற்பொழுது பெயர்ச்சியாகி சிறப்பு பார்வையால் ஏழாம் இடத்தைப் பார்ப்பது உடன் ராசிகள் சுக்கிரன் அமர்ந்து ஏழாம் இடத்தை பார்ப்பதால் திருமணம் வரம் தேடி அவர்களுக்கு மிக எளிதாகவே வரன் அமையும். நண்பர்கள் மூலம் இருந்து வந்த மனக்கசப்பு நீங்கும், நண்பர்களால் ஆதாயம் பெறுவீர்கள், சுக்கிரன் ராசியில் அமர்ந்து ஒரு பக்கம் வரனை அமைத்துக் கொடுத்தாலும் கடனையும் மிகைப்படுத்தி கொண்டிருப்பார், இரண்டாம் பாவத்தில் வக்ர சனி அமர்ந்து இருப்பது ஜாதகர் சேமிப்பின் மீது அதிக கவனத்தை செலுத்த வேண்டும், தந்தைக்கும் மகனுக்கும் இடையேயான முரண்பட்ட போக்கு நீங்கி சுமுகமாகும், சூரியன் ஒருபக்கம் பன்னிரண்டில் மறைந்தாலும் குரு ஸ்தானத்தை பார்த்து வலு சேர்க்கிறார், குருவின் மூன்றாம் இடத்துச் சஞ்சாரம் மனோதிடத்தினை உங்களுக்கு அளித்தாலும், முக்கியமான பிரச்னைகளில் எளிதில் முடிவெடுக்க இயலாது சிரமத்திற்கு உள்ளாவீர்கள். புதிய நண்பர்கள் வருகையால் உற்சாகம் அடைவீர்கள், பூர்விக ஸ்தான அதிபதி செவ்வாய் பூர்வீக ஸ்தானத்தை பார்த்து இருந்தாலும், அவரே விரையாதிபதி ஆகவும் வருவதால் பாகப் பங்கு பிரச்சனைகள் போன்றவை ஏற்படும், இந்தப் பாகப்பிரிவினை பிரச்சனை சுமூகமாக முடியும், சகோதரர்களுடன் இருந்து வந்த கருத்து வேறுபாடு நீங்கும்.உடல் அசதி போன்ற பிரச்னைகளால் அவதிப்படுவார்கள். மனதில் உண்டாகும் இனம்புரியாத கலக்கம் உடல்சோர்வாக வெளிப்படும்.ஒரு சிலருக்கு உடம்பினில் ஆங்காங்கே கொழுப்புக் கட்டிகள் உருவாகலாம். இக்கட்டான சூழலில் பெண்களுக்கு கணவரின் ஆலோசனைகள் பயன்தரும். மகான்கள் வழிபாட்டால் ஏழரை சனியின் தாக்கத்தில் இருந்து விடுபடலாம், 

 மூலம் நட்சத்திரத்தில் பிறந்தவர்கள், தங்கள் நட்சத்திர அதிபதி கேது பன்னிரண்டில் மறைந்திரப்பதால் எதிலும் கவனம் அவசியமாகிறது, ஒருபக்கம் ஞானம், இறை நம்பிக்கை வந்து கொண்டிருக்க மனதில் குழப்பமும் வந்து கொண்டிருக்கும், பூராடம் நட்சத்திரக்காரர்கள் தங்கள் நட்சத்திர அதிபதி சுக்கிரன் ராசியிலேயே அமர்ந்து ஏழாம் பாவகத்தை பார்ப்பதால் திருமண விஷயங்கள் சுமுகமாகும், ஒரு நல்ல காலம் என்றே சொல்லலாம், உத்திராடம் நட்சத்திரத்தில் பிறந்தவர்களுக்கு மூலம் நட்சத்திரத்தில் பிறந்தவர்களுக்கு சொல்லப்பட்டது பொருந்தும், குழந்தைகளின் நடவடிக்கைகளில் சிறப்பு கவனம் தேவை. நெருங்கியவர்கள் பேச்சை கேட்டால் கணவன்-மனைவிக்குள் விரிசல் ஏற்படும் ஆகவே அக்கம்-பக்கம் வீட்டாரின் பேச்சைக் கேட்காமல் இருப்பதே இந்த குருபெயர்ச்சியில் மிகச் சிறந்த பலனாகும், 

 குடும்பம் நிதி மற்றும் பொருளாதாரம்

 குரு மூன்றில் அமர்ந்து, இரண்டாம் ஸ்தான அதிபதி சனி ஆட்சி பெற்றிருப்பதால் குடும்பத் தேவைகளை போராடியது பூர்த்தி செய்வார், சூழ்நிலை காரணமாக பிரிந்து வாழும் தம்பதியர் ஒன்றிணையும் நேரம் இது. உடன்பிறந்தோர் உதவிகரமாய் செயல்படுவார்கள்.வாழ்க்கைத்துணையோடு இணைந்து செய்யும் செயல்களில் வெற்றி காண்பீர்கள். முக்கியமான பணிகளுக்குச் செல்லும்போது வாழ்க்கைத் துணையையும் உடன் அழைத்துச் செல்வது நல்லது. சேமிப்பில் ஒருவிதமான தேக்கநிலையினை அனுபவ பூர்வமாக உணர்வீர்கள். பெரிதாக செலவு செய்யாதது போல் தோன்றினாலும் அவ்வப்போது செய்துவரும் சிறு சிறு செலவுகள் சேமிப்பில் தடையினை உண்டாக்கும். செலவு செய்வதற்கு முன் சிந்தித்து பார்ப்பது அவசியமாகிறது, 

 கல்வி

 தங்கள் ராசிக்கு வித்யாகாரகன் ஆகிய குரு மூன்றில் அமர்ந்து இருப்பதாலும் கல்விகள் புதிதாக கற்கும் மனதைரியம் உருவாகும், அதேசமயம் அது சனியின் வீடாக இருப்பதால் ஞாபகமறதி ஏற்படும், ஆகவே அன்றாட பாடங்களை தினசரி எழுதிப் பார்ப்பது அவசியமாகிறது, நன்கு பயிற்சி எடுத்தால் முயற்சியால் நல்ல மதிப்பெண் பெறலாம், புதனும் செவ்வாயும் பதினொன்றில அமர்ந்து கல்விக்கு புதிய அத்தியாயத்தை தொடங்குவார்கள்,, இருப்பினும் தாங்கள் ஞாபக மறதியை மறந்து விடக்கூடாது.  பொருளாதாரம், வணிகவியல் மாணவர்கள் நல்ல முன்னேற்றம் காண்பார்கள். சட்டம் மற்றும் மருத்துவத் துறை மாணவர்கள் கூடுதல் கவனம் செலுத்தினால் நல்ல முன்னேற்றம் அடையலாம்.

 தொழில்

 லாப ஸ்தான அதிபதி சுக்கிரன் லக்னத்தில் அமர்ந்து, குருவின் பார்வை பெறுவதால் நல்ல லாபம் கிடைக்கும், நகை வெள்ளி கடை தொழிலாளர்களுக்கு முன்னேற்றத்தை நன்கு காணலாம், சிலருக்கு திடீர் அதிர்ஷ்ட வாய்ப்புகள் தொழிலில் உருவாகும், கூட்டுத்தொழில் லாபகரமான முறையில் இருந்தாலும், பங்குதாரர்களோடு கருத்து வேறுபாடு தோன்றாமல் இருக்க அக்ரிமெண்ட் சிறப்பாக பராமரிக்கப்பட வேண்டும், மருந்துக்கடை, வேளாண்மை உரம், எரிபொருள் வியாபாரம் செய்பவர்கள் நல்ல லாபத்தினைக் காண்பார்கள்.  ரத்தப் பரிசோதனை நிலையம் மற்றும் ஆய்வுக் கூடங்கள் வைத்திருப்பவர்களுக்கு நல்ல காலம் என்றே கூறலாம், ஏற்றுமதி இறக்குமதி தொழிலாளர்களுக்கு கூடுதல் கவனம் அவசியமாகிறது, தனியார்துறை பணியாளர்களுக்கு பணிச்சுமை அதிகரிப்பால் மன உளைச்சல் ஆளாக நேரிடும், ஆகவே சக பணியாளர்களிடம் நட்பு பாராட்டும் வகையில் பேசி பழகினால் மன உளைச்சலில் இருந்து மீளலாம், சுயதொழில் செய்பவர்கள் கூடுதல் முதலீடு செய்ய வேண்டாம், 

 பரிகாரம்

 பிரதி வியாழன் தோறும் ஸ்ரீரங்கத்தில் அமைந்துள்ள ராமானுஜரை வழிபட்டு, தினசரி ஓம் நமோ நாராயணாய என 108 முறை சொல்லி வர இந்த குருபயர்ச்சியால் தங்கள் குடும்பத்தில் மங்களம் உண்டாகும், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும். 

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்,