குரு பெயர்ச்சி 2021-2022 -- மகரம்

 மகர ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில் 12ம் மற்றும் 3ம் வீட்டிற்கு உரிய குரு பகவான் தங்கள் ராசிக்கு  2ம்வீடான குடும்ப ஸ்தானத்தில் அமர்ந்து 5-ஆம் பார்வையால் தங்களின் ராசியின் 6ம் இடமான ரணம், ருண ஸ்தானத்தையும், ஏழாம் பார்வையால் 8ம்  இடமான ஆயுள் ஸ்தானத்தையும்  , 9-ஆம் பார்வையால் உங்கள் ராசிக்கு 10ம் இடமான ஜீவன ஸ்தானத்தையும் பார்க்கிறார்.

 தங்கள் ராசிக்கு சனிபகவான் ராசிநாதனாகவும் வருவார் மாரக அதிபதியாகவும் வருவார், இருப்பினும் சனி பகவான் தங்கள் ராசியில அமர்ந்து ராசிநாதனாக செயல்பட்டாலும் மாரகாதிபதி ஆகவும் செயல்படுவார், பொதுவாகவே ராசிநாதன் தனது ராசியில் ஆட்சி பெறும் காலங்கள் சிறப்பானதாக இருக்கும், அந்த வகையில் தங்களுக்கு கடந்த ஓராண்டு காலமாக ராசிநாதன் உடன் நீசம் பெற்ற கிரகம் குரு இருந்து பலவகையில் தங்களுக்கு இன்னல்களை அள்ளித் தந்துள்ளார், இருப்பினும் இந்த குரு பெயர்ச்சி மூலம் ஏழரை சனி ஒரு பக்கம் இருந்தாலும் குரு தனது பார்வையை ஆறாமிடத்தில் செலுத்துவதால் வெகுநாட்களாக நோய்வாய்பட்டு அவர்களுக்கு ஒரு நல்ல முடிவுக்கு வரும், அதேசமயம் குரு ஆயுள் பாவத்தை பார்ப்பதால் கடந்து வந்த துன்பங்களுக்கு ஒரு நிச்சயம் ஒரு நல்ல முடிவு கிடைக்கும், மேலும் ஜீவன ஸ்தானத்தை பார்ப்பதால் புதிய தொழில் மாற்றங்கள் உருவாகலாம், உங்கள் ராசிக்கு 12ல் சுக்கிரன் அமர்ந்து இருப்பதால பெண்கள் வகையில் எச்சரிக்கையாக செயல்பட வேண்டும், குடும்ப ஸ்தானத்தில் குரு அமர்ந்து புதியதொரு வாழ்க்கைக்கு அத்தியாயமாக வரனை சிறப்பாக அமைத்து தருவார், இந்த குருப்பெயர்ச்சி தங்களின் தாய்மாமன்களக்கு நல்ல முன்னேற்றத்தை ஏற்படுத்தும், தங்களுக்கு தாய்மாமனின் ஆதரவு பெருகும், உங்களுக்கு மிதுன ராசி மற்றும் மிதுன லக்கினக்காரர்கள் ஏதேனும் ஒரு வகையில் உதவி பரிந்து கொண்டே இருப்பார்கள், செவ்வாய் திக் பலம் பெறுவதால் அரசு உத்தியோகத்திற்கு முயற்சி செய்தவர்கள் நல்ல பலனை எதிர்பார்க்கலாம், அதே சமயம் தங்கள் ஐந்தாம் அதிபதி சுக்கிரன் 12ல் மறைவு என்பது பங்காளி உறவுகளுக்கிடையே பாகப் பிரிவினையை ஏற்படுத்தும், குரு பெயர்ச்சி காலத்தில் தங்களின் ஏழாம் அதிபதி சந்திரன் உச்சம் பெற்று இருப்பதால் திருமண வரன்கள் தடையின்றி நடைபெறும், சிலருக்கு பெண் குழந்தைகள் பிறக்க அதிக வாய்ப்புகள் உண்டு, சேமிப்பு உயரும் குருபயர்ச்சி ஆக தங்களுக்கு அமைந்தாலும் சுபச்செலவுகள் ஒரு பக்கம் இருந்து கொண்டே இருக்கும், ராகுவுடன் சந்திரன் சேர்ந்து இருப்பதும், சூரியனுடன் கேது சேர்ந்து இருப்பதும் இந்த குருப்பெயர்ச்சி காலத்தில் முன்னோர்களையும் குல தெய்வத்தையும் தவறாது வழிபட்டு வரவேண்டும், சிலரில் தங்கள் சகோதர சகோதரிகளுக்கும் திருமண வாய்ப்புகள் உருவாகும், தங்களுக்கு ராசிநாதன் சனி ஆட்சி பெற்று குடும்ப ஸ்தானத்தில் குரு அமர்வதால் எதிலும் சற்று நிதானித்து செயல்படுவதே சிறந்தது, அவசர முடிவுகள் எதுவும் வேண்டாம், கணவன் என்றால் மனைவியும் மனைவி என்றால் கணவனும் சற்று தங்கள் களத்திரனை அனுசரித்து செல்லுங்கள், வண்டி வாகனத்தில் செல்லும் பொழுது மிக அதிக எச்சரிக்கையுடன் செல்ல வேண்டும், சிறிது கவனம் சிதறினாலும் சிலருக்கு விபத்து நேரிடலாம்,, முடிந்தவரை அசைவத்தை தவிர்ப்பது நல்லது.

 உத்திராடம் மற்றும் திருவோணம் நட்சத்திரத்தில் பிறந்தவர்கள், தங்களின் நட்சத்திர அதிபதிகளுடன் சர்ப்ப கிரகங்களான ராகு கேது சேர்ந்து இருப்பதால் புற்று மாரியம்மன் அல்லது புற்று கோவிலுக்கு பொங்கல் வைத்து வழிபடுவது மிகச் சிறந்தது, அவிட்டம் நட்சத்திரத்தில் பிறந்தவர்களுக்கு குருவுக்கு நட்பான செவ்வாய் திக் பலம் பெறுவதால் சற்றுக் கூடுதல் நன்மை பெறும் காலமாகவே அமைகிறது, 

 குடும்பம் நிதி மற்றும் பொருளாதாரம்

 பெண் குழந்தைகள் பிறப்பதால் குடும்பத்தில் மகிழ்ச்சி உண்டாகும், பெற்றோருடன் இருந்து வந்த கருத்து வேறுபாடு நீங்கும். அவர்களது ஆதரவுடன் சொத்துப் பிரச்னைகளுக்குத் தீர்வு காண்பீர்கள். உடன்பிறந்தோருக்கு உதவி செய்ய நேரிடும். சனி தனித்து இருப்பதால் நண்பர்கள் தலையீட்டை அனுமதிக்காதீர்கள், நீண்ட நாட்களாக விற்க நினைக்கும் சொத்து ஒன்று நல்ல விலைக்குப் போகும். பெண்கள் ஆடம்பர செலவுகளை கட்டுக்குள் கொண்டுவந்து கணவரின் மனநிலைக்கு ஏற்றவாறு நடந்து கொள்ளுங்கள், ஆண்கள் மகர ராசிக்காரர்கள் ஆக இருந்தால் தங்கள் மனைவிக்கு மதிப்பளியுங்கள், உங்கள் ராசிக்கு செவ்வாயின் பார்வை வேறு இருப்பதால் கணவன்-மனைவி இருவரும் வெளியே சென்று வந்தால் ஆராத்தி என்னும் திஷ்டி சுற்றிப் போடுங்கள், தனம் தாங்கள் எதிர்பார்த்ததற்கு ஏற்ப உயரும், குடும்பத்தில் உள்ளவர்கள் தங்களை புகழ்வார்கள், அதன் மூலம் தங்களை காரியத்தையும் சாதிப்பார்கள், இந்த குருபெயர்ச்சியில் தங்களுக்கு பொருளாதாரத்தில் பஞ்சமிருக்காது, 

 மாணவர்கள்

 நான்காம் அதிபதி செவ்வாய் ஸ்தானத்தையும் ராசியையும் பார்ப்பதால் பொறியியல் மற்றும் கட்டிடம் சார்ந்த கல்வியில் நல்ல முன்னேற்றத்தை எதிர்பார்க்கலாம், மாணவர்களின் கல்வி நிலை நல்ல வளர்ச்சியைக் காணும். மதிநுட்பம் கூடும். ஆராய்ச்சியில் ஈடுபட்டுள்ள மாணவர்கள் வெற்றி பெறுவார்கள். இயற்பியல், புவியியல் துறையைச் சார்ந்தவர்களும் சாதனைகள் புரிவார்கள். தேர்வு நேரத்தில் குரு பகவானின் அருளால் பொது அறிவு வளரும். ஏழரை சனி தங்களுக்கு நடப்பதால் தேர்வு எழுதும் பொழுது சிறு சிறு தயக்கங்கள் வராமல் இருக்க மனப்பாடம் செய்து எழுதிப் பார்த்துப் பழகிக் கொள்ள வேண்டும், பிறகு வருத்தப்படக்கூடாது, போட்டித்தேர்வின் போது சரியான விடையினைத் தேர்ந்தெடுக்கும் சமயத்தில் உண்டாகும் குழப்பத்தினைப் போக்க தீவிரப் பயிற்சி மேற்கொள்ள வேண்டியது அவசியம்.

 தொழில்

 குரு தங்கள் தொழில் ஸ்தானத்தைப் பார்ப்பதால் தொழிலில் அமோக வளர்ச்சி ஏற்படும், செவ்வாயும் புதனும் சேர்ந்து இருப்பதால் ரியல் எஸ்டேட் தொழிலாளர்களுக்கு இது ஒரு நல்ல காலம் எனக் கூறலாம், சில காவல்துறையினருக்கு ப்ரமோஷன் ஏற்படலாம், ஐடி தொழிலாளர்களுக்கு கூடுதல் பணிச்சுமை இருந்து கொண்டே இருக்கும், டென்ஷன் ஆகும் அளவிற்கு பணியிருந்தாலும் சம்பளம் மற்றும் சேமிப்பு மனநிம்மதியை தரும், மனைவி வழியில் ஆதாயம் உண்டு, சிறுகுறு தொழில் செய்பவர்கள் அதனை பெரிதாக மாற்றிக் கொள்ளும் முயற்சியில் வெற்றி காண்பார்கள்.சுயதொழில் செய்வோர் நல்ல தன லாபத்தினைக் காண்பார்கள். ஜோதிடம், புரோஹிதம், வைதீகம், கோவில் பூஜை சார்ந்த தொழிலைச் செய்து வருபவர்கள் மதிப்பும் மரியாதையும் உயர்வடையக் காண்பார்கள். தொழிலதிபர்கள் தங்கள் கிளைகளை விரிவுபடுத்தலாம், எக்காரணத்தைக் கொண்டும் தொழிலில் கூட்டணி மட்டும் இருக்கக்கூடாது, அதாவது பங்குதாரரை கொண்டு தொழில் செய்யக்கூடாது, மிதுன ராசியினர் மூலம் தங்களுக்கு ஏதேனும் ஒரு வகையில் நன்மை அடைய கூடும், கடந்த சில வருடங்களாகக் காண இயலாத வளர்ச்சி அடுத்து வரும் காலத்தில் உண்டாகும். சம்பாதிக்கும் பணம் புதிய சொத்தாக உருமாறும். வீடு, மனை வாங்க முயற்சிப்போருக்கு நேரம் சாதகமாக அமையும். சிலருக்கு இடமாற்றம் தொழிலில் ஏற்படும்

 பரிகாரம், 

 சஷ்டி மற்றும் கிருத்திகை நாட்களில் பழனி முருகனையும் மற்றும் அடிவாரத்தில் இருக்கும் திருவாவினன்குடி முருகனையும் வழிபட இந்த குருப்பெயர்ச்சி தங்களுக்கு அன்பையும் சுயமரியாதையையும் பெற்றுத்தரும், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும், 

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்,