குரு பெயர்ச்சி 2021-2022 -- துலாம்

 துலாம் ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  துலா ராசிக்கு 3ம் வீடாகிய தெய்ரிய ஸ்தானாதிபதி மற்றும் 6ம் வீடாகிய ரணம், ருண ஸ்தானத்திற்கு உரிய குரு பகவான் தங்கள் ராசிக்கு  5ம்வீடான நட்பு வீடான பூர்வ புண்ணியம் ஸ்தானத்தில் அமர்ந்து 5-ஆம் பார்வையால் தங்களின் ராசியின் 9ம் இடமான தந்தை ஸ்தானத்தையும், ஏழாம் பார்வையால் 11ஆம் இடமான இலாப ஸ்தானத்தையும்  , 9-ஆம் பார்வையால் உங்கள் ராசியையும் பார்க்கிறார்.

இதுநாள் வரை தங்கள் ராசிக்கு 4-ல் அமர்ந்த குரு பகவான் பூர்வ புண்ணிய ஸ்தானத்தில் அமர்ந்து தங்களது பாக்கிய ஸ்தானத்தையும் ராசியையும் பார்ப்பது மிகுந்த உயிர் உச்சத்தைத் தொடும் காலமாக அமைகிறது, தொட்டதெல்லாம் துலங்க போகிறது. தந்தையுடன் ஏற்பட்டு வந்த முரண்பட்ட போக்கு முடிவு பெறுகிறது, உங்கள் ராசியில் குரு பெயர்ச்சியின் போது செவ்வாய் அமர்ந்து குருவின் பார்வையில் இருப்பதால் திருமணம் ஆகாதவர்களுக்கு இனி கெட்டிமேளம் தான், குருவின் சிறப்புப் பார்வையும் ராசியின் மீது விழுவதால் மனதில் தோன்றும் நல்லெண்ணங்களை உடனுக்குடன் செயல்படுத்தி வெற்றி காண்பீர்கள். ராசிநாதன் சுக்கிரன் பாவ கிரக தொடர்பு இல்லாமல் குரு வீட்டில் அமர்வது மேலும் ஒரு சிறப்பாகும், ஆதலால் தங்களுக்கு மதிப்பு மரியாதை கௌரவம் வெகுவாக உயரும், குலதெய்வ பிரார்த்தனைகள் பூர்த்தியாகும், சாதுக்கள், சந்யாசிகள், அறிவிற் சிறந்த சான்றோர்களுடனான சந்திப்பு உண்டாகும். குருவும் சுக்கிரனும் தங்களின் ஒன்பதாம் இடத்தைப் பார்ப்பதால் புதிதாக வண்டி வாகனம் சொத்து மற்றும் வீடு வாங்கும் யோகம் ஏற்படும், நிச்சயம் ஏதாவது புதியதாக ஒரு மாற்றம் உங்கள் குடும்பத்தில் நிலவும், ஆறாம் அதிபதியாக குரு வருவதால் தொழிலில் மிகுந்த கவனம் அவசியம், எதையும் துணிச்சலுடன் சாதிக்கும் வல்லமை இருந்தாலும் சற்று நிதானித்து செயல்படுவது அவசியமாகிறது. 

 சித்திரை நட்சத்திரத்தில் பிறந்தவர்களுக்கு இந்த குரு பெயர்ச்சியில் குரு செவ்வாய் சாரத்தில் பயணிப்பதால் ஆரம்பமே அமர்க்களமாக அமையும் காலமாக அமைகிறது, சுவாதி நட்சத்திரத்தில் பிறந்தவர்களுக்கு சனியின் பார்வையும் குருவின் பார்வையும் சேர்ந்து இருப்பதால் சற்றுப் எதையும் போராடி பெற வேண்டிய சூழ்நிலை ஏற்படும், போராடினாலும் நிச்சயமாக கிடைக்கும், விசாக நட்சத்திரக்காரர்களுக்கு இது ஒரு பொன்னான காலம் என்றே கூறலாம், காரணம் குரு தனது நட்சத்திர காரக மக்களை காண போகிறார். 

 குடும்பம் நிதி மற்றும் பொருளாதாரம்

 தங்கள் குடும்ப ஸ்தானத்தில் கேது மற்றும் சூரியன் ஆகிய பாவ கிரகங்கள் இருப்பதால் குடும்பத்தாருடன் சண்டை சச்சரவுகள் இல்லாமல் அனுசரித்துச் செல்வதே சிறந்தது, எட்டாமிட ராகுவின் தொடர்பு வயிறு மற்றும் உறுப்பு சார்ந்த பிரச்சனைகளை ஏற்படுத்தும், ராசியில் செவ்வாய் இருப்பதால் பூமி லாபத்தை அடையலாம், ராசியில் புதன் இருப்பதால் பொன் போன்ற நவரத்தினங்கள் வாங்கும் அமைப்பும் உருவாகும், ஐந்தாம் இடத்தில் வந்து அமர உள்ள குருவின் அனுக்ரஹத்தால் கடந்த காலத்தில் திருமணத்தடை கண்டவர்கள் இந்த நேரத்தில் மணவாழ்வினில் அடியெடுத்து வைப்பார்கள். குருபலத்தின் காரணமாக இல்லத்தில் திருமணம் முதலான சுபநிகழ்ச்சிகள் நடைபெறத் துவங்கும். முக்கியமாகப் பிள்ளைப்பேற்றிற்காகக் காத்திருப்போருக்கு குருவின் அருளால் குழந்தை பாக்கியம் கிட்டும். நேரம் நல்ல நேரமாக அமைந்து இருப்பதால் சேமிப்பினை உயர்த்திக் கொள்ளலாம்.

 மாணவர்கள், 

 இதுவரை நான்கில் இருந்த குரு விலகி ஐந்தாமிடம் செல்வதாலும் நான்கில் சனி இருப்பதாலும் கல்வியில் சிலருக்குத் தடை ஏற்படும், இருப்பினும் ஐந்தாமிடம் குருவால் சுமுகமான சாதகமான பலனை எதிர்பார்க்கலாம், ரசாயனம் மற்றும் கெமிக்கல் சார்ந்த பிரிவுகள், டெக்ஸ்ஸ்டைல் சம்பந்தப்பட்ட படிப்புகள், பொறியியல் சார்ந்த படிப்புகள் மேலோங்கும், குறிப்பாக உயர்கல்வி படிப்பவர்களுக்கு இந்த குருபெயர்ச்சி மிகுந்த நன்மையை ஏற்படுத்தும், குரு 9-ஆம் இடம் புதனையும் 9-ஆம் இடத்தையும் பார்ப்பதால் அக்கவுண்டன்சி மற்றும் வணிகவியல் சார்ந்த மாணவர்களுக்கும் மற்றும் அறிவியல் சம்பந்தமாக ஆராய்ச்சி இருப்பவர்களுக்கும் மிகவும் சாதகமாக அமைகிறது, 

 தொழில்

 இதுவரை தொழில் ஸ்தானத்தை பார்த்து வந்த குரு பகவான் விலகி தற்பொழுது சனி பகவான் மட்டுமே தொழில் ஸ்தானத்தைப் பார்க்கப் போகிறார். தொழிலில் பல பல தரப்பட்ட தடை மற்றும் தாமதங்கள் இருந்தாலும் சற்று நிதான போக்கை கடைபிடித்தால் நல்ல லாபத்தை பெறலாம், டெக்ஸ்டைல் சார்ந்த தொழிலாளர்களுக்கு நல்ல முன்னேற்றத்தை ஏற்படுத்தும், மளிகை கடை ஜெராக்ஸ் கடை நல்ல லாபத்தை எதிர்பார்க்கலாம்,, போட்டோஷாப் பணியாளர்கள் தங்கள் பணி திறமையை நிரூபித்துக் கொள்ள ஒரு வாய்ப்பாகும், உத்யோகஸ்தர்களுக்கு அலுவலகத்தில் பணிச்சுமை அதிகரிக்கும். பதவி உயர்வின் பேரில் இடமாற்றத்தினை சந்திக்க நேரலாம். வெற்றியைப் பெற்றுத் தரும் 11ம் இடத்தின் மேல் குருவின் நேரடிப்பார்வை விழுவதால் எடுத்த காரியங்கள் அனைத்திலும் நல்ல வெற்றியைக் காண்பீர்கள்

 பரிகாரம்

 திருச்சி சேலம் சாலையில் முசிறி அருகே இருக்கும் வெள்ளூரில் கோவில் கொண்டுள்ள ஐஸ்வர்ய லட்சுமியை வழிபட்டு வர இந்த குரு பெயர்ச்சியால் சகல செல்வங்களும் பெறலாம்

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்