குரு பெயர்ச்சி 2021-2022 - மீனம்

 மீனராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில் ஜென்மராசி மற்றும் 10ம் வீடாகிய தொழில் ஸ்தானத்திற்கு உரிய குரு பகவான் தங்கள் ராசியின் 12ம் வீட்டில் அமர்ந்து 5-ஆம் பார்வையால் தங்களின் ராசியின் 4ம் இடமான வித்யா ஸ்தானத்தையும், ஏழாம் பார்வையால் 6ம் இடமான ரணம், ருண ஸ்தானத்தையும்  , 9-ஆம் பார்வையால் உங்கள் ராசிக்கு 8ம் இடமான ஆயுள் ஸ்தானத்தையும் பார்க்கிறார்.

 இதுநாள் வரை தங்கள் ராசிநாதன் குரு நீசம் பெற்று கஷ்டங்கள் கொடுத்து வந்த நிலையில் தற்பொழுது பன்னிரண்டில் மறைந்தாலும் இடம் கொடுத்த சனி பகவான் லாப ஸ்தானத்தில் ஆட்சி பெறுவது சிறப்பாகும், குரு தங்கள் ராசிக்கு தனம் மற்றும் பாக்கிய  அதிபதியாக விளங்கும் செவ்வாய் சாரத்தில் கும்பத்தில் நுழைவது உடன் குருவின் பார்வை செவ்வாய்க்கு கிடைப்பது நன்மையைத் தருகிறது. வெற்றியைத் தரக்கூடிய 11ம் இடத்தில் அமர்ந்திருந்த குரு தற்போது அங்கிருந்து இடம் பெயன்று 12ம் இடத்திற்கு வந்து அமர்வது சற்று சிரமத்தினைத் தரக் கூடும். நினைப்பது ஒன்றாகவும் நடப்பது ஒன்றாகவும் இருக்கும் என்பதால் எதையும் திட்டமிட்டு செய்ய முடியாது. ஓய்வற்ற நிலையின் காரணமாக உடலில் சுகவீனம் தோன்றும். வாந்தி, தலைசுற்றல், பித்த மயக்கம், ஏற்படும்.. குடும்பத்தில் உள்ள பெரியவர்களின் உடல்நிலையில் கவனம் செலுத்த வேண்டியது அவசியம். குடும்பத்தில் உள்ள பெரியவர்களின்குருவின் விரய ஸ்தான சஞ்சாரத்தினால் ஆன்மிகம் சார்ந்த பணிகளுக்காக அதிகம் செலவழிப்பீர்கள். ஆன்மிக ரீதியாக தொலைதுாரப் பிரயாணங்கள் செல்ல நேரிடும். தத்துவ சிந்தனைகள் மனதினை அதிகம் ஆக்கிரமிக்கும். ஆலோசனை கேட்காமல் எடுக்கும் எந்த ஒரு முடிவும் தோல்வியையே தரும், வீணான கற்பனைகளால் தேவையற்ற பயமும் இருந்து வரும். ராசிக்கு எட்டில் களத்திர ஸ்தானாதிபதி புதன் மறைந்தாலும் புதன் மீது குருவின் பார்வை பதிவதால் சிலருக்கு எதிர்பாராத வகையில் திருமணம் நடக்கும், மொத்தத்தில் இந்த குருப்பெயர்ச்சி விரய ஸ்தானத்தில் இருந்தாலும் குரு பயணம் செய்யும் நட்சத்திரங்கள் சாதகமாக இருப்பதால் சுபங்கி இயற்கையை அதிகம் எதிர்பார்க்கலாம், உங்கள் ராசியின் மீது சனியின் பார்வை பதிவதால் எந்த ஒரு முடிவும் தீர்க்க ஆலோசனை செய்யாமல் அவசரமாக செயல்பட வேண்டாம், தந்தையுடனான முரண்பட்ட போக்குகளை அவ்வப்போது இருந்தாலும் தந்தையால் எதிர்பாராத சந்தோசத்தை அடையலாம், 

 பூரட்டாதி நட்சத்திரக்காரர்களுக்கு இந்த குருபெயர்ச்சி மிகுந்த நன்மையை தருவதுதான் ஆன்மீகத்தில் அதிக நாட்டம் ஏற்பட்டு தாங்கள் தேடிய வினாக்களுக்கு விடை கிடைக்கும், உத்திரட்டாதி நட்சத்திரத்தில் பிறந்தவர்களுக்கு தங்கள் நட்சத்திராதிபதி சனி ஆட்சி பெற்று உங்கள் ராசியைப் பார்ப்பதால் தொழிலில் வெற்றி பெற கடுமையாக உழைக்க வேண்டிய சூழல் ஏற்படுகிறது, சமயம் செலவுகள் கட்டுக்குள் வரும், ரேவதி நட்சத்திரக்காரர்கள் ராசிநாதன் புதன் மீது குருவின் பார்வை பதிவது சிலருக்கு புத்தி சாதுர்யம் நிரூபிக்கும் காலமாக அமைகிறது, கல்வியில் மிகுந்த முன்னேற்றம் உண்டு

 குடும்பம் நிதி மற்றும் பொருளாதாரம்

 குடும்பத்தில் ராகு கேது பெயர்ச்சி அதாவது பங்குனி மாதம் இறுதி வரை நன்மையை எதிர்பார்க்கலாம், வீட்டில் சுப நிகழ்ச்சிகள் உருவாகும், குழந்தைகளால் மகிழ்ச்சி காண்பீர்கள், இருப்பினும் இந்த குருபெயர்ச்சி பிற்பாதியில் ராகு குடும்ப ஸ்தானத்தில் அமர்வது அதிகப்படியான குடும்பத்திற்கான விரயச் செலவுகளை ஏற்படுத்தும், தன ஸ்தானாதிபதி செவ்வாய் வீட்டில் குருவின் பார்வையில் இருப்பதால் சேமிப்பு பெருகும், பொருளாதாரமும் உயரும், எதையும் மனதில் வைத்துக்கொள்ளாது உடனுக்குடன் சம்பந்தப்பட்டவர்களிடமே நேரடியாக வெளிப்படுத்திவிடுவது நல்லது. உங்கள் குடும்ப பிரச்னைகளை உறவினர்கள் மத்தியில் வெளிப்படுத்தாதீர்கள். உங்கள் வீழ்ச்சிக்காகக் காத்திருக்கும் உறவினர்களுக்கு சாதகமான வாய்ப்பாக உருவாகிவிடும். சிலரின் சகோதர சகோதரிகளுக்கு திருமணம் மிக விரைவில் நடைபெறும்.எவரையும் நம்பி ஜாமீன் பொறுப்புகளை ஏற்றுக்கொள்வது கூடாது. கொடுக்கல், வாங்கல் மற்றும் பணம் சம்பந்தப்பட்ட விவகாரங்களில் மிகவும் கவனத்துடன் இருந்து கொள்ள வேண்டியது அவசியம்.

 கல்வி

 குருவின் பார்வை 4ஆம் பாவத்திலும், நான்காம் பாவகம் அதிபதி புதன் மீதும் பதிவதால் மாணவர்களுக்கு கல்வியில் எதிர்பாராத வளர்ச்சி தரும், புதனுடன் வாக்கு ஸ்தானாதிபதி செவ்வாய் அமர்ந்திருப்பதால் ஆசிரியர் மற்றும் வக்கீல் தொழில் சார்ந்தவர்களுக்கு நல்ல முன்னேற்றம் காண்பீர்கள்,, ஆசிரியர் பணிக்கு முயற்சி செய்பவர்களுக்கு இது ஒரு நல்ல காலம் எனலாம், உங்களுடைய அசாத்தியமான ஞாபக சக்தி உங்களுக்கு துணை நிற்கும். ஆயினும் கூடுதலாக எழுத்துப் பயிற்சியில் ஈடுபட்டு வேகமாக எழுதும் கலையையும் வளர்த்துக் கொண்டீர்களேயானால் சிறப்பானதொரு வெற்றி நிச்சயம். பொதுவாக இந்த குருபெயர்ச்சி பள்ளி கல்லூரி மற்றும் ஆராய்ச்சி மாணவர்களுக்கு நன்மையை மட்டுமே தருவதில் எள்ளளவும் சந்தேகமில்லை, 

 தொழில்

 குருவே தங்களுக்கு பத்தாம் அதிபதியாக வந்து தொழிலை நிர்ணயம் செய்வது உடன் 12-ல் மறைவதால் தொழில் சார்ந்த பிரச்சினைகளில் அதிக கவனம் இருக்க வேண்டும், தொழில் சார்ந்த அக்ரிமெண்ட் புதுப்பிக்க வேண்டும், ஒருபுறம் சுக்கிரன் 12ல் இருந்து ஆடை சார்ந்த ஏற்றுமதி இறக்குமதி தொழிலாளர்களுக்கு நல்ல முன்னேற்றத்தை தந்து கொண்டிருப்பார், வட்டிக்கு பணம் கொடுப்பவர்கள் சற்று கவனத்துடன் இருக்க வேண்டும், பணம் திரும்பப் பெறுவது கடினமாகும், எந்த காரியமாக இருந்தாலும் பிறரை நம்பாமல் தாங்களாகவே செய்து முடிப்பது நன்மையை தரும், சக பணியாளர்களுடன் அனுசரித்துச் செல்வது நல்லது, வரிகளை சரியாக கட்டுங்கள், அலுவல் பணிகளில் மேலதிகாரிகளின் உதவி கிட்டாது போகும். வங்கி ஏஜென்சிஸ், இன்சூரன்ஸ் போன்ற நிறுவனங்கள் சத்தி சிரமத்தையும் சந்திக்கும், பத்தில் குரு வீட்டில் இருக்கும் சுக்கிரபகவான் தயவால் பால், கூல்டிரிங்ஸ், மினரல் வாட்டர், தின்பண்டங்கள், பெட்டிக்கடை போன்ற சில்லறை வணிகம் செய்பவர்களுக்கு சிரமங்கள் இருந்தாலும் தொழில்
சிறக்கும். தசா புத்தி நன்றாக இருக்கும் பட்சத்தில்  சிலருக்கு தொழில் மூலம் கிடைத்த லாபத்தில் வீடு மனை வாங்கும் யோகம் ஏற்படும், இந்த எதிலும் பிறரை நம்பாமல் செயல்பட்டால் நன்மையைப் பெறலாம்

 பரிகாரம்

 பிரதி ஏதாவது ஒரு வியாழக்கிழமை திருச்செந்தூர் முருகனை வழிபட்டு பிறகு அங்கிருக்கும் மூவர் சமாதி, பெருமாள், பஞ்ச லிங்க மூர்த்தி ஆகியோரை வழிபட்டு வர நடக்கும் விரயங்கள் யாவும் சுப விரயமாக அமையும், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்