குரு பெயர்ச்சி 2021-2022 -- கன்னி

 கன்னிராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  கன்னி ராசிக்கு 4ம் வீடாகிய சுகஸ்தானாதிபதி மற்றும் 7ம் வீடாகிய களத்திரஸ்தானத்திற்கு உரிய குரு பகவான் தங்கள் ராசிக்கு  6ம்வீடான ரணம், ருண ஸ்தானத்தில் அமர்ந்து 5-ஆம் பார்வையால் தங்களின் ராசியின் 10ம் இடமான தொழில் ஸ்தானத்தையும், ஏழாம் பார்வையால் 12ஆம் இடமான விரய ஸ்தானத்தையும்  , 9-ஆம் பார்வையால் தனஸ்தானமாகிய 2ம் இடத்தையும் பார்க்கிறார்.

 இதுநாள் வரை தங்கள் ராசியை ஐந்தாம் இடத்தில் அமர்ந்து சிறப்பு பார்வையால் பார்த்து வந்த குரு பகவான் இனி ஆறாமிடத்தில் அமர்ந்து சற்று சிரமங்களை அள்ளித் தரப் போகிறார், என்றாலும் ஆறாம் பாவத்தில் குருவின் அமர்வு நல்ல ஞானத்தைத் தரும். வேகம் நிறைந்த உங்களுக்கு நிதானத்தைக் கற்றுக்கொடுக்கும். மறைவில் இருந்து உங்களுக்கு தொல்லைகள் கொடுத்து வந்த எதிரிகளை அடையாளம் காண்பீர்கள். இதுநாள் வரை எனக்கு நண்பனாக இருந்து இன்று துரோகம் செய்தவன் நீயா என அடையாளம் கண்டு கொள்வீர்கள், மனைவி வழியில் செலவுகள் மிக அதிகமாக உருவாகும், குருவின் பார்வை 2-ஆம் இடத்தில் பதிவதால் சேமிப்பில் பஞ்சமிருக்காது, புதிதாக தொழில் அமையும், உத்தியோகத்தில் பதவி உயர்வு ஏற்படும், மனநிலையில் நம்பிக்கையை இழந்தது போல் உணர்வீர்கள்.உடல் ஆரோக்யத்தில் கூடுதல் கவனம் செலுத்துவது நல்லது. ரத்தசோகை, உடல் அசதி போன்றவற்றால் பாதிப்பிற்கு உள்ளாகும் வாய்ப்பு உண்டு. 

 உத்திரம் நட்சத்திரக்காரர்கள் பல தடைகள் ஏற்பட்டுக் கொண்டுதான் இருக்கும், இருப்பினும் முயற்சி ஒன்று இருப்பதை மறந்து விடாதீர்கள், நிச்சயம் முயற்சிக்கு ஏற்ற பரிசு உங்களுக்கு கிடைக்கும், அஸ்தம் நட்சத்திரக்காரர்கள் பெற்றோருடன் அணுகுமுறை சிறப்பாக அமையும் அதே சமயம் தாய் வழி உறவுகளில் விரிசல் உருவாகம், சித்திரை நட்சத்திரக்காரர்கள் குடும்பத்தை நிலையாக நிறுத்திக்கொள்ள நிறுத்திக் கொள்ளப் போராடும் காலமாக அமைகிறது, இந்த குருப்பெயர்ச்சி தங்களுக்கு பொருளாதாரத்தை எவ்வளவுதான் அள்ளிக் கொடுத்தாலும் மனதளவில் சுமைகளையும் கூடுதலாகவே தரப்போகிறது

 குடும்பம் நிதி மற்றும் பொருளாதாரம் 

 குடும்பத்தில் நிதி சார்ந்த நன்மைகள் மிகுந்து காணப்படும்,, உழைப்பிற்கு ஏற்ற ஊதியம் வெகுவாக கிடைக்கும், பணியில் மனநிம்மதி கிடைக்கும் இருந்தாலும் பணி முடிந்து வீட்டுக்கு வந்த பிறகு குடும்பத்தில் சில சச்சரவுகள் ஏற்படும், இதனால் மன உளைச்சல் ஏற்பட வாய்ப்புண்டு, குழந்தைகள் நலனில் அக்கறை காட்ட வேண்டும், மனைவி மற்றும் குழந்தைகளுக்கு தேவையில்லாத விரயச் செலவுகள் ஏற்படும, சேமிப்பு ஒருபக்கம் உயர்ந்துகொண்டே இருக்கும் அதேசமயம் செலவும் கட்டுக்குள் இருக்கும், குரு 12-ஆம் இடத்தைப் பார்ப்பதால் சுபம் சார்ந்த செலவுகள் உருவாகும், அதேசமயம் சனி 11-ஆம் இடத்தைப் பார்ப்பதால் லாபமும் கணிசமாக குறையும், இந்த குரு பெயர்ச்சியின் மூலம் சேமிப்பு என்பது தங்களுக்கு மிக அவசியமாக இருக்கிறது, 

 மாணவர்கள்

 4 உரிய குரு 6-ல் மறைவதால் கல்வியில் கூடுதல் கவனம் அவசியமாகிறது, எதையும் எழுதிப் பார்த்து, மனப்பாடம் செய்ய வேண்டும், தேர்வு நேரத்தில் தாங்கள் படித்த ஞாபகம் வருமே தவிர விடைத்தாளில் எழுத வராது, ஆகவே பயிற்சி மிக அவசியமகிறது,அறிவியல் பாடங்கள் சரிவர புரியாமல் ஆசிரியர் மேல் பழி சொல்வீர்கள். மனப்பாடத்திறன் குறைவதாக எண்ணுவீர்கள். குருட்டு மனப்பாடம் செய்வதைவிட பாடங்களை புரிந்து படிப்பது நல்லது. குருவின் ஆறாம் இடத்துச் சஞ்சாரம் உங்களை சற்றே சிரமத்திற்கு உள்ளாக்கும் என்பதால் தேர்வு நேரத்தில் சிறப்பு கவனம் தேவை. சக மாணவர்களுடன் கருத்து வேறுபாட்டை தவிர்ப்பது நல்லது. எலக்ட்ரிக்கல் எலக்ட்ரானிக்ஸ் துறையில் நல்ல முன்னேற்றம் ஏற்படும், விளையாட்டு துறை மாணவர்கள் தங்கள் உடல் நலனில் அக்கறை மிக அவசியமான ஒன்றாகிறது, 

 தொழில்

 குரு தொழில் ஸ்தானத்தை பார்ப்பதால் புதிதாக தொழில் தொடங்குபவர்களுக்கு இது ஒரு நல்ல காலமாக அமைகிறது, புதிய தொழிலை தொடங்குவது அல்லது புதிதாக தொழிலை விரிவாக்கம் செய்வது போன்ற எதுவாக இருந்தாலும் மேற்கொள்ளலாம், ஏற்பக் ஒருவன் தனது சிறப்பு பார்வையால் 2-ஆம் இடத்தைப் பார்ப்பதால் பொருளாதாரம உயரும், சுயதொழில் செய்வோர் புதிய யுக்திகளைப் பயன்படுத்தி வியாபாரத்தை பெருக்க முயற்சிப்பர். தொழிலதிபர்கள் அதிகளவில் முதலீடு செய்யும்போது நிதானத்துடன் செயல்படவும். வெளிநாடு சார்ந்த ஏற்றுமதி, இறக்குமதி தொழில்கள் வளர்ச்சி பெறும். உத்யோகஸ்தர்கள் அலுவலகத்தில் பொறுப்புகள் உயரக் காண்பார்கள். அரசுத்தரப்பில் வேலையை எதிர்பார்த்துக் காத்திருப்போருக்கு கால நேரம் சாதகமாக அமையும், 

 பரிகாரம்

 திருச்சி அருகே குணசீலதில் இருக்கும் திருப்பதி ஏழுமலையானின் அம்சமாகிய வெங்கட பிரசன்ன பெருமாளை பிரதி சனிக்கிழமை தோறும் ஆளுயர துளசி மாலை சாற்றி வழிபட இந்த குருபெயர்ச்சி தொழில் மூலம் லாபத்தையும் கௌரவத்தையும் ஏற்படுத்தி தரும். 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்