குரு பெயர்ச்சி 2021-2022 - கும்பம்

 கும்பராசி நண்பர்களுக்கு அன்பான வணக்கங்கள். 

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில் 11-ஆம் வீட்டுக்குரிய லாப ஸ்தான அதிபதி மற்றும் 2ம் வீடாகிய தனஸ்தானத்திற்கு உரிய குரு பகவான் தங்கள் ராசியில் ஜென்ம குருவாக அமர்ந்து 5-ஆம் பார்வையால் தங்களின் ராசியின் 5ம் இடமான பூர்வபுண்ணிய ஸ்தானத்தையும், ஏழாம் பார்வையால் 7ம் இடமான களத்திரஸ்தானத்தையும்  , 9-ஆம் பார்வையால் உங்கள் ராசிக்கு 9ம் இடமான பாக்கியஸ்தானத்தையும் பார்க்கிறார்.

 கடந்த ஒரு வருடமாக தங்கள் குடும்ப ஸ்தானாதிபதி குரு நீசம் பெற்று குடும்பத்தில் பல்வேறு சண்டை சச்சரவுகளை கொடுத்தாலும், இந்த குரு பெயர்ச்சியில் உங்கள் ராசிநாதன் சனி பகவான் விரய ஸ்தானத்தில் அமர்ந்து ஏழரைச் சனியாக இருப்பதாலும்,, குருவின் பார்க்கும் இடங்களான ஐந்தாம் பாவகம் மற்றும் 7, 9 மிகுந்த நன்மைகளை அடையலாம், சொத்துப் பிரச்சினைகள் சுமுகமாக முடியும் வழக்குகள் வெற்றியாகும, குழந்தையிலலாதவர்களுக்கு மழலைச் சத்தம் கேட்கும் காலம் இது, குருவின் நேரடி ஏழாம் பார்வை களத்திர ஸ்தானத்தில் மீது பதிவதால் திருமணமாகாதவர்கள் தடையை தாண்டி திருமணம் நடக்கும், ஏனெனில் சூரியனுடன் கேது இருக்கிறார், தந்தை உடன் ஏற்பட்ட வாக்குவாதங்கள் சொல நல்ல முறையில் அமையும், கடந்த ஆண்டில் தற்கொலை முயற்சிக்கு மேற்கொண்டவர்கள் இந்த குரு பெயர்ச்சி நன்மையை தரும், தங்களால் தங்கள் குடும்பத்தினருக்கு அவமானம் சேர்ந்த பொழுதும் இந்த குரு பெயர்ச்சி தங்களால் குடும்பத்தினருக்கு புகழை பெற்று தரும், காதல் செய்பவர்களுக்கு இது ஒரு நல்ல காலமாகும், பொதுவாக ஜென்ம குருவினால் ஒரு சில சிரமங்களை சந்திக்க நேர்ந்தாலும், மனதில் நீதி, நேர்மை, நியாயம் போன்ற குணங்களுக்கு இடமளிப்பீர்கள். குறுக்கு வழிகளைப் பின்பற்ற மனம் ஒப்பாது என்பதால் சற்று சிரமத்துடன்தான் முன்னேற்றம் காண்பீர்கள். சனியை ராசி அதிபதி ஆகக் கொண்டிருப்பதால் எந்த ஒரு விஷயத்திலும் அவசரப்படாது நிதானத்துடன் சிந்தித்து செயல்படுவீர்கள். பிறந்த வீட்டிற்கும், புகுந்த வீட்டிற்கும் இடையே இருந்த இடைவெளி குறையும். பிள்ளைகளின் வாழ்வில் சுபநிகழ்வுகள் இவ்வருடத்தில் உண்டாகும். குடும்ப விசேஷங்களில் உறவினர்களை அதிகம் நம்பாது தனித்து செயல்படுவீர்கள். 

 அவிட்டம் நட்சத்திரக்காரர்களுக்கு, குரு செவ்வாய் சாரத்தில் செல்வதால் மிகுந்த நன்மைகளும் எதிர்பாராத அதிர்ஷ்டங்களும உருவாகும், சதயம் நட்சத்திரக்காரர்கள் தங்கள் ராசிக்கு 4-ல் சந்திரனுடன் ராகு பயணம் செய்வதால் மன உளைச்சல் ஏற்பட்டாலும் போராடும் குணத்தால் வெற்றி பெறுவீர்கள், பூரட்டாதி நட்சத்திரத்தில் பிறந்தவர்கள் தங்கள் நட்சத்திர நாதன் குரு உங்கள் ராசியிலேயே அமர்ந்து சிறப்பு சேர்ப்பதால் எதிர்பாராத திருப்பங்களும் ஏற்படலாம், 

 குடும்பம் நிதி மற்றும் பொருளாதாரம்

 குடும்பம், தனஸ்தான அதிபதியான குரு தங்கள் ஜென்ம ராசியில் பயணம் செய்வதால் குடும்பத்திற்காக அதிகம் உழைக்கும் சூழல் உருவாகும், குழந்தைகளால் மகிழ்ச்சி அடைவீர்கள், குடும்ப பொருளாதார நிலை உயர்ந்து தேவையான அனைத்தும் பூர்த்தி அடையும்,  திருமணத்திற்காகக் காத்திருப்போருக்கு குருவின் இந்த ஒரு வருட சஞ்சாரத்திற்குள் நல்ல வரன் அமையும்.குடும்பத்தில் நிலவி வந்த பிரச்னைகள் தீர குலதெய்வ வழிபாட்டினை வற்புறுத்தி செய்து முடிப்பீர்கள். அக்கம்பக்கத்தில் உள்ளவர்களால் இருந்து வந்த வீண்வம்பு பிரச்னைகள் விலகும். முக்கியமாக இவ்வருடத்தில் கணவரின் முன்னேற்றத்தில் மட்டுமல்லாது குடும்ப உறுப்பினர்களின் வெற்றியிலும் உங்களது பங்கு பிரதானமாக இருக்கும்.பொருளாதார நிலையில் லேசான சிரமத்தினைத் தவிர குறிப்பிடத்தக்க சிரமமான சூழ்நிலை ஏதும் வராது. குருவின் பார்வையில் ஐந்தாம் அதிபதி புதன் இருப்பது முன்னோர்கள் ஆசீர்வாதத்தையும் குலதெய்வ ஆசீர்வாதத்தையும் சிறப்பாக பெற்றுத்தரும், குலதெய்வம் தெரியாதவர்களுக்கு குலதெய்வம் தெரியவரும், 

 மாணவர்கள், 

 நான்காம் பாவத்திற்குரிய சுக்கிரன் குரு வீட்டில் அமர்ந்து கல்வியில் புதிய முன்னேற்றத்தை ஏற்படுத்துவார், அதேசமயம் நான்கில் ராகு மற்றும் சந்திரன் அமர்ந்து இருப்பதால் கல்வியில் மனத்தடுமாற்றம் ஏற்பட்டுக்கொண்டே இருக்கும், எலக்ட்ரிக்கல் எலக்ட்ரானிக்ஸ் மற்றும் கம்யூனிகேஷன் படிப்பு சார்ந்தவர்களுக்கு நல்ல மதிப்பெண்ணை பெறுவர், அதேசமயம் நான்காம் பாதத்திற்கு திரிகோணத்தில் சனியும் இருப்பதால் கல்வியில் தடை இருந்தாலும் சிறிது கஷ்டப்பட்டு முயற்சி அடைய நேரிடும், ஞாபகமறதி முற்றிலும் காணாமல் போகும். பாடங்களை வேகமாகப் படித்து முடித்துவிடுவீர்கள். அதே நேரத்தில் அவசரத்தை கைவிட்டு கேட்கப்படும் கேள்வியினை சரியாகப் புரிந்துகொண்டு சரியான பதிலை தேர்ந்தெடுத்து எழுத வேண்டியது அவசியம். 

 தொழில்

 குருபெயர்ச்சி ஆரம்பத்திலேயே குருபகவான் தங்கள் ஜீவன காரகனான செவ்வாயை பார்ப்பதும், ஆரம்பத்திலேயே செவ்வாய் சாரத்தில் பயணம் செய்வதும் தசா புத்தி சரியாக அமைந்தால் தொழிலின் சிலருக்கு கொடிகட்டி பறக்கும் யோகத்தை தருவார், அதேசமயம் லாப ஸ்தானத்தில் சுக்கிரன் அமர்ந்து இருப்பதால் பர்னிச்சர் கடை வைத்திருப்பவர்களுக்கு நல்ல காலம் எனலாம், தொழில் ஸ்தானத்தில் சூரியன் கேது அமர்ந்து தடைகளை தந்தாலும், உயர் அதிகாரிகள் மற்றும் சக வியாபாரிகளுடன் அனுசரித்து செல்வது நல்லது, சுயதொழிலில் குளிர்பான பொருட்கள், உணவு சம்பந்தப்பட்ட பொருட்கள் வியாபாரம் செய்வோர், பொன், வெள்ளி போன்ற ஆபரணத் தொழில் செய்பவர்கள், ஜவுளி, வாசனாதி திரவியங்கள், பேன்சி பொருட்கள் விற்பனையாளர்கள், ஆகியோர் சிறப்பான தனலாபத்தினைக் காண்பார்கள். அலைச்சல் கூடினாலும் லாபம் கிட்டும்.அயல்நாட்டுப் பணிக்காகக் காத்திருப்போருக்கு நேரம் சாதகமாக இருக்கும்.  உத்யோக ரீதியாக இருந்து வந்த மறைமுக எதிரிகள் காணாமல் போவார்கள். தொழிலில் நல்ல லாபத்தை அடைந்தாலும் நல்ல பெயரை சம்பாதிக்க கூடுதல் முயற்சி அவசியமாகிறது, 

 பரிகாரம்

 கோவில் கட்டுமான பணிகளுக்கு நிதி மற்றும் ஏனைய உதவி செய்வதுடன் அருகில் இருக்கும் ஆஞ்சநேயர் கோவிலுக்கு பிரதி சனிக்கிழமை தோறும் துளசி மாலை சாற்றி ராம பக்தர்களுக்கு உதவி செய்ய நீங்கள் நினைக்காததைத் தாண்டி நன்மை பெறுவீர்கள், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும் 

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்