குரு பெயர்ச்சி 2021-2022 -- விருச்சிகம்

விருச்சிகம் ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  விருச்சிகம் ராசிக்கு 2ம் வீடாகிய குடும்ப ஸ்தானாதிபதி மற்றும் 5ம் வீடாகிய பூர்வ புண்ணிய ஸ்தானத்திற்கு உரிய குரு பகவான் தங்கள் ராசிக்கு  4ம்வீடான சுகஸ்தானத்தில் அமர்ந்து 5-ஆம் பார்வையால் தங்களின் ராசியின் 8ம் இடமான ஆயுள் ஸ்தானத்தையும், ஏழாம் பார்வையால் 10ம் இடமான தொழில் ஸ்தானத்தையும்  , 9-ஆம் பார்வையால் உங்கள் ராசிக்கு 12ம் இடமான விரய ஸ்தானத்தையும் பார்க்கிறார்.

 இந்த குரு பெயர்ச்சி மூலம் தங்களுக்கு வாழ்வியல் சுகம் மேலோங்கும்,, அடிக்கடி பிரயாணங்கள் செய்வீர்கள், இரண்டாம் பாவகம் குரு 4-ல் அமர்வதால் வீட்டிற்குத் தேவையான அத்தியாவசியப் பொருட்கள் மற்றும் வண்டி வாகனம் வீடு சிலருக்கு அமையும், குரு தனது ஐந்தாம் பார்வையால் தங்களின் ஆயுள் ஸ்தானத்தைப் பார்ப்பதால் பல நாள்கள் தீராத நோய்கள் தீரும்,, எந்த சூழ்நிலையும் போராடியே கிடைக்கப்பட்ட செயல்கள் யாவும் எளிதில் வெற்றி அடையும், சிலர் தங்களின் குழந்தைகளுக்கு மருத்துவம் சார்ந்த செலவுகள் மேற்கொள்ள வரும், தங்கள் குழந்தைகளின் ஆரோக்கியத்தில் அக்கறை தேவை, 10-ஆம் இடத்தை குரு பார்ப்பதால் தேங்கிக் கிடந்த பொருட்கள் விற்பனை ஆவதடன், வாடிக்கையாளர்களை கவர்வதற்காக புதிய யுக்திகளை மேற்கொள்வீர்கள்,, ஏழரைச்சனி முடிந்த பிறகும் சனி தங்கள் 12 ம் பாவத்தை பார்ப்பதால் இதுநாள் வரை செலவுகள் கட்டுக்கடங்காமல் போய்க் கொண்டிருந்த நிலையில் குருவின் பார்வையால் செலவுகள் யாவும் கட்டுக்குள் வரும், ஒருபுறம் சனி பகவான் தங்கள் 5-ஆம் இடத்தைப் பார்த்துக் கொண்டிருக்கும் நிலையில், ஏழாம் அதிபதி சுக்கிரன் ராசிக்கு இரண்டில் அமர்ந்து குடும்பத்தை பூர்த்தி செய்வார் அதாவது திருமணமாகாதவர்களுக்கு விரைவான திருமணமும், எதிர்பாராத குழந்தை பாக்கியமும் கிடைக்கும், பேச்சினில் தடுமாற்றத்தை உணர நேரிடும். முக்கியமான விவாதங்களுக்குச் செல்வதற்கு முன்னால் குறிப்பெடுத்து வைத்துக் கொள்ள வேண்டியது அவசியம். உங்களுக்கு இந்த நேரத்தில் ஆடை, ஆபரணங்கள் சேரும். சுக சௌகர்யங்கள் நிறைந்திருக்கும். உங்கள் உதவியை நாடி வருபவர்களின் எண்ணிக்கை உயர்வடையும். கால்நடைகள், வளர்ப்புப் பிராணிகள் மீது அதிகமாக ஈடுபாடு கொள்வீர்கள். அக்கம்பக்கத்தார் பேச்சைக் கேட்டால் நிச்சயம் கணவன்-மனைவிக்குள் சண்டை தான் வரும, ஆகவே நீங்கள் மற்றொருவர் பேச்சைக் கேட்காமல் இருப்பதே நன்மையை தரும், 

 விசாகம் நட்சத்திரத்தில் பிறந்தவர்களுக்கு இந்த குருப்பயர்ச்சி தங்களின் நட்சத்திர நாதன் பெயர்ச்சி என்பதால் சற்று நன்மைகள் கூடுதலாகவே இருக்கும்,  அனுஷம் நட்சத்திரத்தில் பிறந்தவர்களுக்கு கால்நடைகள் சார்ந்த விவசாயத்தில் கவனத்தை செலுத்தினால் இந்த நன்மையை எதிர்பார்க்கலாம், கேட்டை நட்சத்திரத்தில் பிறந்தவர்கள் குரு பெயர்ச்சி காலத்தில் தங்கள் நட்சத்திர அதிபதி விரய ஸ்தானத்தில் இருப்பதால் முடிவு எடுப்பதில் சற்று யோசித்து நிதானித்து எடுப்பது சிறந்தது, 

 குடும்பம் நிதி மற்றும் பொருளாதாரம்

 இக்காலத்தில் இரண்டாம் பாவகத்தில் சுக்கிரன் வந்து அமர்ந்து தங்களுக்கு ஆடை ஆபரணங்கள் மற்றும் குடும்பத்தில் மகிழ்ச்சி போன்றவை வந்து சேரும் காலமாகும், இருப்பினும் ராசியில் கேது இருப்பதால் அக்கம்பக்கத்தார் ஏதாவது ஒன்றைக் கூறிக் கொண்டே இருப்பர் அவற்றையெல்லாம் கேட்காமல் இருந்தால் நிம்மதியாக வாழலாம், குடும்பத்தில் சிலர் தங்களை சார்ந்து இருப்பார்கள் அவர்களுக்கும் இது பொற்காலமாக அமையும், அதே சமயம் தாங்கள் எந்த செலவுகளையும் வெளிவட்டாரத்திற்கு செய்யாமல் இருப்பதே நல்லது, குரு 10-ஆம் இடத்தை பார்வை செய்வதால் இருந்தாலும் பத்தாம் அதிபதி சூரியன் கேதுவுடன் அமர்ந்து இருப்பது சில தடைகளை தந்தாலும் ராகு கேது பெயர்ச்சிக்கு நிலைமை சீராகும்.புதிதாக வீடு, மனை வாங்க முனைபவர்கள் மூலப்பத்திரம், வில்லங்கம் ஆகியவற்றில் அதிக கவனம் செலுத்து வேண்டியது அவசியம். உடன்பிறந்தோருடன் இணைந்து பூர்வீக சொத்தில் இருந்து வந்த பிரச்னைகளுக்கு முடிவு காண்பீர்கள்.

 மாணவர்கள்

 நல்ல மதிப்பெண்கள் பெற மனம் தளராது கடினமாக உழைக்க வேண்டும், பயாலஜி பாட்டனி, உணவு சம்பந்தப்பட்ட கல்வியில் முன்னேற்றம் ஏற்படும், ஆசிரியரிடம் நல்ல பெயர் வாங்கிய மதிப்பெண் பெற முயற்சி செய்ய வேண்டும், அதாவது நான்காம் அதிபதி சனி ஆட்சி பெற்றாலும் தன் வீட்டுக்கு பன்னிரண்டில் மறைவதால் கூடுதல் முயற்சி அவசியமாகும், ஆரம்பத்தில் உயர்கல்வி மாணவர்கள் சற்று தடுமாற்றமான சூழலை உணர்ந்தாலும் அதனை சரி செய்து கொள்கிறீர்கள்,, அறிவியல், பயோ டெக்னாலஜி ஆகிய துறைகளைச் சார்ந்த மாணவர்கள் சிறப்பான முன்னேற்றம் கண்டு வருவார்கள்.

 தொழில்

 குரு 10-ஆம் இடத்தைப் பார்ப்பதால் தொழிலில் முன்னேற்றம் ஏற்படும் விரிவாக்கம் செய்யும் சூழ்நிலை உருவாகும், சிலருக்கு புதிய உத்தியோகம் கிடைக்கும், அரசு துறையில் பணிக்கு முயற்சி செய்பவர்களுக்கு இது ஒரு நல்ல காலம் என்றே கூறலாம், ராசியில் கேது இருந்தாலும் தடைகளை தாண்டி வெற்றி பெறும் காலமாகும், தொழில் முறையில் வெளிநாட்டு தொடர்பு உடையவர்கள், டிராவல்ஸ் நடத்துபவர்கள், பழைய பொருட்களை வாங்கி விற்பவர்கள் ஆகியோர் நன்மை காண்பார்கள்.வரவினை விட செலவுகள் கூடுதலாக அமைந்திருக்கிறது. என்றாலும் விரய ஸ்தானத்தின் மீது குருவின் பார்வை விழுவதால் சுபசெலவுகளாக அதிகரிக்கும். மனதிற்கு மகிழ்ச்சி தரும் விஷயங்களில் செலவுகள் அதிகரிக்கும். புதன் 12-ல் மறைவதால் வட்டி தொழில் மற்றும் ஷேர் மார்க்கெட்டில் எச்சரிக்கை அவசியம், தங்கள் ராசிநாதன் செவ்வாய் பன்னிரண்டில் மறைந்தாலும குருவின் பார்வையால் தடைகளைத் சந்தித்த பிறகே நன்மைகளைப் பெறுவீர்கள். ஏற்றுமதி இறக்குமதி தொழில் செய்பவர்களுக்கு தங்கள் நிறுவனத்திற்கான நல்ல முகவரி கிடைக்கும், 

 பரிகாரம்

 கரூர் திருச்சி சாலையில், லாலாப்பேட்டை அருகே ஒரு கிலோ மீட்டர் தொலைவிலுள்ள கருப்பத்தூரில் அமைந்துள்ள தமிழகத்திலேயே முதல் முதலாக பிரதிஷ்டை செய்யப்பட்டுள்ள ஐயப்பனை வழிபட இந்த குரு பெயர்ச்சி மூலம் தாங்கள் கண்ட கனவுகள் எல்லாம் பலிதமாகும், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்