🌹🌹வராஹ ஜெயந்தி

 

🌹🌹வராஹ அவதாரம் 

🍊🍊🍊🍊🍊🍊🍊🍊🍊🍊🍊🍊🍊🍊

தர்மம் ஒடுங்கி அதர்மம் தழைக்கும் காலங்களிலெல்லாம் நான் அவதாரம் எடுத்து, அதர்மத்தை அழித்து தர்மம் தழைக்கச் செய்வேன்' என்ற பகவான் கண்ணனின் வாக்கின்படி, திருமால் பல அவதாரங்களை எடுத்திருக்கிறார். அப்படி அவர் எடுத்த அவதாரங்கள் அதர்மத்தை அழித்து தர்மத்தை தழைக்கச் செய்வதாக மட்டுமின்றி, பரிணாம தத்துவத்தை உணர்த்தும் வகையிலும் அமைந்திருப்பது குறிப்பிடத்தக்கது. 

மகாவிஷ்ணு எடுத்த அவதாரங்களில், இரண்டு அசுர சகோதரர்களை சம்ஹாரம் செய்வதற்காக எடுத்த இரண்டு அவதாரங்கள் வராக அவதாரமும் நரசிம்ம அவதாரமும் ஆகும். வராக அவதாரத்தின்போது இரண்யாட்சனை சம்ஹாரம் செய்து பூமியை மீட்டார். நரசிம்ம அவதாரத்தின்போது, பக்தன் பிரகலாதனுக்காக நரசிம்ம அவதாரம் எடுத்து இரண்யகசிபுவை சம்ஹாரம் செய்தார். வராக அவதாரம் மகாவிஷ்ணுவின் மூன்றாவது அவதாரமாகும்.

பகவான் வராகமாக அவதரிக்க வேண்டிய அவசியம் ஏன் ஏற்பட்டது?

முற்காலத்தில் இரண்யாட்சன் என்ற அசுரன் பிரம்மதேவரைக் குறித்துக் கடும் தவம் புரிந்தான். அசுரனுடைய தவத்துக்கு இரங்கிய பிரம்மதேவர் அவனுக்குக் காட்சி தந்ததுடன், அவன் கேட்ட வரங்கள் அனைத்தையும் தட்டாமல் வழங்கினார். இயல்பிலேயே அவன் அசுர குணம் கொண்டவன் என்பதால், தான் பெற்ற வரத்தைத் தவறான வழிகளில் பயன்படுத்தத் தொடங்கினான். இறைவனைப் பழித்ததுடன், தேவர்களையும் பல வகைகளில் துன்புறுத்தினான். முனிவர்களின் யாகங்களை அழித்தான். தானே உயர்ந்தவன் என்ற மமதையில் அவன் செய்த அடாத செயல்களைக் கண்டு பூமிதேவியால் பொறுத்துக்கொள்ள முடியவில்லை. எனவே, பெருமழை பொழியச் செய்து பூமியை வெள்ளக்காடாக மாற்றினார். வெள்ளம் ஏற்படுத்திய சுமையின் காரணமாக அரக்கனின் பாதாள உலகம் அழுந்தியது. கோபம் கொண்ட இரண்யாட்சன் பூமியைப் பாய்போல் சுருட்டி எடுத்துச் சென்று கடலில் மறைத்து வைத்தான். தேவர்களும் முனிவர்களும் ரிஷிகளும் மனம் வருந்தி மகாவிஷ்ணுவிடம் முறையிட்டனர். அசுரனின் பிடியிலிருந்து பூமியை மீட்க நினைத்த திருமால், வராக அவதாரம் எடுத்து, இரண்யாட்சனை சம்ஹாரம் செய்து பூமியை மீட்டார். இரண்யாட்சனை சம்ஹாரம் செய்த உக்கிரம் தணியாமல் இருந்த வராக மூர்த்தியை சாந்தப்படுத்த எண்ணிய முனிவர்களும் ரிஷிகளும் தேவர்களும் அவருக்கு முன்பாக மண்டியிட்டு வழிபட்டார்கள். அவர்களின் வழிபாட்டில் மனம் குளிர்ந்த வராக மூர்த்தி, பூமி பிராட்டி சமேதராக அவர்களுக்குக் காட்சி அருளினார். 

அப்படி வராக மூர்த்தி காட்சி அருளிய தலம்தான் விழுப்புரம் மாவட்டம் திண்டிவனத்திலிருந்து சுமார் 8 கி.மீ தொலைவிலுள்ள பெருமண்டியூர் திருத்தலம். முனிவர்களும் ரிஷிகளும் மண்டியிட்டு வராக மூர்த்தியை வழிபட்டதால் இந்தத் தலத்துக்கு, 'பெருமண்டியூர்' என்ற பெயர் ஏற்பட்டதாகச் சொல்லப்படுகிறது.

 சித்திரை மாதம் தேய்பிறை பஞ்சமி திதி

 இன்றைய தினத்தில் வராக புராணம் படிப்பது, வராக நாமத்தை சொல்வது, பூமிக்கடியில் விலையும் கிழங்கு வகைகள் கடலை போன்றவற்றை சர்க்கரை சேர்த்து வேகவைத்து நிவேதனம் செய்யலாம், இதனால் வசிப்பதற்கு சொந்தமாக நாம் விரும்பும் நிலம், வீடு போன்றவை கிட்டும், மேலும் மனை வீடுகளில் பிரச்சனை உள்ளவர்களுக்கு நிரந்தரமான தீர்வு கிடைக்கும், இவை எல்லாவற்றையும் விட அனைத்து சுகங்களையும் அனுபவித்து இறுதியில் வீடு என்று சொல்லக்கூடிய மோட்சமும் கிடைக்கும்.

 அன்புடன்

 கார்த்திக் நம் பெருமாள் பக்தன்

🌹🌹 தமனாரோபணம், விஷ்ணு தமணம், தமனத்துவாதசி

 🌹🌹 தமனாரோபணம், 

🌹🌹 விஷ்ணு தமணம்,

🌹🌹 தமனத்துவாதசி

 பங்குனி மாதம் அமாவாசை முடிந்த பிறகு வரக்கூடிய துவாதசி திதி தமனாரோபணம்  என்று கூறுவர். இந்த நாளை வைஷ்ணவர்கள் விஷ்ணு தமனம் என்றும் தமன்னா துவாதசி என்றும் அழைப்பர். 

 தமணம் என்றால் மரிக்கொழுந்து என்று பெயர். இன்றைய நாளில் விஷ்ணு பகவானுக்கு மரிக்கொழுந்து இலைகளால் அர்ச்சனை செய்து வர நல்ல இல்லறம் மிக விரைவில் கிடைக்கும்.

 மேலும் ஜாதகத்தில் புதன் தோஷம் உள்ளவர்கள் இந்த வழிபாட்டை மேற்கொண்டால் புதன் தோஷம் நீங்கி பெருமாளின் பேரருள் கிட்டும்.

 இந்த துவாதசி தினம் தொடங்கும் ஒரு நாளிகை காலம் ""ஹரிவராசனம் காலம்"" என்று கூறுவர். இந்த காலத்தில் எந்த ஒரு உணவும் அருந்தக்கூடாது. இவ்வாறு ஹரிவராசனம் காலத்தில் எந்த ஒரு உணவும் உட்கொள்ளாமல் பெருமாளின் திவ்ய நாமம் ஆன ஓம் நமோ நாராயணாய எனும் மந்திரத்தை சொல்ல இல்லறத்தில் நன்மைகள் பெருகும். திருமணமாகாதவர்களுக்கு மிக விரைவில் திருமணம் நடக்கும், 

 அன்புடன்

 கார்த்திக் நம்பெருமாள் பக்தன்.

🌷🌷சர்வ காமதா ஏகாதசி.

 

🌷🌷சர்வ காமதா ஏகாதசி.

ஏகாதசியில் வரும் சூர்ய, சந்திர தூர வித்யாச கிரஹ ஆகர்ஷண சக்தியால் மன அமைதிக்கான விரத அம்சப் பலன்கள் மிகுகின்றன. ஏகாதசியில் அன்னதானம் செய்திடலாம். ஏகாதசியில்., இளநீர், தேன் அபிஷேகத்திற்குக் காரிய சித்தி பலன்கள் அதிகம்!
தமிழ் வருடம் ஒன்றிற்குள் ஏறக்குறைய 25 ஏகாதசிகள் வருகின்றன அல்லவா ஒரு மாதத்திற்கு இரண்டாக! உண்மையில் திதி என்பது சந்திர கிரகத்திற்கும், சூரிய கிரகத்திற்கும் இடையே உள்ள இடைதூரமாக ஜோதிட கணிதத்தில் குறிக்கப்படுகின்றது. எனவேதான், ஒவ்வொரு திதிக்கும் தினசரியாக சூரிய, சந்திர மற்றும் ஏனைய கிரகங்களின் ஆகர்ஷண சக்திகள் வேறுபடுகின்றன . எந்தெந்தத் திதியில் சூரிய, சந்திர கிரகங்களின் சக்தி மிகுந்துள்ளதோ, ஏனைய கிரகங்களின் ஆதிக்கமும் கூடுகின்றதோ அதற்கேற்றவாறு தான் நம்முடைய உணவுப் பழக்க வழக்கங்கள், தியான யோக பூஜை முறைகளையும் நம்முடைய பெரியோர்கள் நமக்கு வகுத்துத் தந்துள்ளனர். இவ்வகையில் ஏகாதசி தினமானது நாம் மிகவும் போற்றிக் கடைபிடிக்க வேண்டிய முக்கியமான விரதங்களுள் ஒன்றாகும்.

அதிலும், ஒவ்வொரு மாதத்திலும் எந்த ராசியில் சூரியன் பிரவேசிக்கின்றாரோ அதனைப் பொறுத்து ஏகாதசியின் மகத்துவங்கள் மாறுகின்றன. ஒவ்வொரு மாதத்திலும் வருகின்ற இரண்டு ஏகாதசிகளின் பலாபலன்களும் வெவ்வேறாகும். இதன்படி பங்குனி/சித்திரை மாத சர்வகாமதா ஏகாதசி என்பது மனித வாழ்க்கையில் மிகவும் முக்கியமானது ஆகும்.. காமம் என்றால் பொதுவாக ஆசை என்பது பொருள். சாதாரணக் குடும்பத்தைச் சார்ந்த ஒருவர் ஒரு பெரிய காரை வாங்குவதற்காகப் பேராசை கொண்டால் அதுவும் காமம் என்றே அழைக்கப்படும். எனவே, நமது தகுதிக்கு மீறிய ஆசைகளை, அகற்றுவதற்காக ஏற்பட்ட ஏகாதசி வழிபாடே சர்வகாமதா ஏகாதசியாகும். மேலும் இறைச் சாந்தியத்தைப் பெருக்குவதற்காக அமைந்துள்ள முக்கியமான திதிகளுள் ஒன்றாக சர்வகாமதா ஏகாதசி விளங்குகின்றது.

பொதுவாக இன்று ஆலயங்களில் விக்கிரகப் பிரதிஷ்டையும் அன்னதானம் செய்வதும் விசேஷமானதாகும். நிதி வசதியின்மை காரணமாக உடனடியாக கும்பாபிஷேகம் நடத்தப்பட இயலாத இடங்களில் நூதன அஷ்டபந்தன மருந்து சாற்றுதல் ஆகிய வைபவத்தை இந்நாளில் கொண்டாடுவது மிகவும் சிறப்பானதாக விளங்குகிறது..‘ சர்வகாமதா ஏகாதசியான இன்று ஏகாதசி திதி தொடங்கும் நேரத்தில் இருந்து முடிகின்ற நேரம் வரை உண்ணாநோன்பு ஏற்பது மிகவும் புனிதமானதாகும். நீர், துளசி, அல்லது வில்வ நீர் மட்டும் அருந்துவது, மூன்று வேளைகளில் இரண்டு வேளை மட்டும் விரதமிருந்து மூன்றாவது வேளையில் பழமோ அல்லது சிற்றுண்டியுடனோ விரதத்தை மேற்கொள்வது இவ்வாறான பலவிதமான விரத முறைகள் உண்டு. ஒவ்வொரு முறைக்கும் வெவ்வேறான பலன்களாம்!

சர்வகாமதா ஏகாதசிப் பண்டிகையின் மகிமையாக, பலாபலன்களாக விட்டுப்போன குல தெய்வ வழிபாடு மற்றும் இறைச் சாந்நித்யத்தைப் பெருக்குவதற்கான விசேஷ வழிபாடுகளை மேற்கொள்வதற்கும், திருமஞ்சன அபிஷேகத்திற்குரிய விசேஷ நாளாகவும் சர்வகாமதா ஏகாதசி பண்டிகை விளங்குகின்றது.

விசேஷ விரத முறைகள் :- பங்குனி மாதம் வருகின்ற ஏகாதசியை வழிபடும் விசேஷ முறை ஒன்று உண்டு. இது சற்றுக் கடினம் போல் தோன்றினாலும் கடைபிடிப்பதற்கு மிகவும் எளிமையானதே இதுவே. உடலையும், உள்ளத்தையும் பரிசுத்தப்படுத்துகின்ற ஒரு பட்சகால (15 நாட்கள்) சர்வ காமதா ஏகாதசி பூஜையாகவும் விளங்குகின்றது.. அமாவாசைக்கு மறுநாள் பிரதமை திதியிலிருந்து தொடங்கி பதினோராம் நாள் திதியாக விளங்குவதே ஏகாதசி. சர்வ காமதா ஏகாதசி விரத முறையில் ஒரு நாள் முழுதும் ஒரே வகையான உணவை மட்டுமே உட்கொள்ள வேண்டும். இயன்றோர் ஒரு வேளையோ, இரு வேளையோ உபவாசம் இருந்திடலாம். ஒருநாள் முழுதும் ஒரு வகைப் பழம், கீரை, காய்கறி, பால், மோர், வில்வம்/துளசி/அருகம்புல் தீர்த்தம் – இவ்வாறாக, வாழைப்பழம் எனில் அன்று முழுவதும் வாழைப்பழம் மட்டுமே ஆகாரமாகவும், கீரை எனில் கீரையை மட்டுமே உணவாகவும், பால் எனில் அன்று முழுவதும் பால் மட்டுமே உணவாகும்.
இவ்வாறாக பங்குனி பிரதமை திதியிலிருந்து முதல் சர்வகாமதா ஏகாதசி நாள் வரை தினந்தோறும் மேற்கூறிய முறையில் ஒரே வித உணவை ஏற்று 15 தினங்களும் 15வித உணவையே ஏற்க வேண்டும். முந்தைய கிருத, திரேதா, துவாபர யுகங்களில் ஏகாதசி நாள் முழுவதும் உண்ணாநோன்பிருந்து மறுநாள் காலை நெல்லிக் காயுடன், அகத்திக் கீரை சேர்த்து துவாதசி பாரணையாக ஏகாதசி விரதத்தை நிறைவு செய்வார்கள். தற்காலத்திலோ, காலண்டரைப் பார்த்தவுடன் ஏகாதசியா என்று ஏகாதசி விரதத்தை மேற்கொள்ளும் முறையே நிலவுகிறது.

ஏகாதசி விரதம் எனில் தசமி திதி முடிந்து ஏகாதசி எப்போது துவங்குகிறதோ அப்போதே விரதத்தை மேற்கொண்டு துவாதசி தொடங்கும் வரை விரதம் இருந்து முடிக்க வேண்டும்.. இதுவே உண்மையான ஏகாதசி விரதமாகும். மீண்டும் வலியுறுத்துகிறோம், ஏகாதசியன்று அன்னதானம் கூடாது என்பது கலியுகத்திற்குச் சற்றும் பொருந்தாது, ஏனெனில் நூற்றுக்குப் பெரும்பாலும் நூறு சதவிகித மக்கள் ஏகாதசி விரதத்தை மேற்கொள்ளாத போது இந்நியதி ஏற்புடையதல்ல! வேண்டுமானால் ஏகாதசி விரதம் இருப்பவருக்கு அன்னதானம் அளித்திடாது ஏனையோர்க்கு அன்று அன்னம் அளிப்பதில் எவ்விதத் தவறுமில்லை. எனவே, கலியுக நியதிப்படி ஏகாதசியில் அன்னதானம் சிறப்பானதே.  

மேற்கண்ட முறையில் சர்வ காமதா ஏகாதசியை மேற்கொள்வோர்க்கு இது வரைத் தடங்கலாகி வந்துள்ள பலவித நற்காரியங்கள் நன்கு கைகூடும். சர்வ காமதா ஏகாதசி திதியன்று அமர்ந்த நிலையிலுள்ள ஸ்ரீபெருமாள் தரிசனம் மிகவும் விசேடமானதாகும். காஞ்சீபுரத்தில் ஸ்ரீபாண்டவ தூத ஸ்ரீகிருஷ்ணனன் கோயிலில் (குமரக் கோட்டத்திற்கு எதிர்ப்புறப் பகுதியிலுள்ள) வேறு எங்கும் காணக் கிட்டாத தரிசனமாக ஸ்ரீகிருஷ்ண பகவான் அமர்ந்த கோலத்தில் அருள்பாலிக்கின்றார். சர்வகாமதா ஏகாதசி அன்று இக்கண்ணபிரானை தரிசிப்போர்க்கு உறவு வியாபார, அலுவலகப் பகைமையால் ஏற்பட்டுள்ள நிலபுல, சொத்து, கடன், கஷ்டங்கள், நாள்பட்ட கோர்ட்டு வழக்குகள் நன்முறையில் தீர்வு பெறும்.

திருச்சி திருநெடுங்களத்திலுள்ள வரதராஜப் பெருமாள், ஸ்ரீஹயக்கீரிவர், நரசிம்மர் போன்ற அமர்ந்த நிலையில் அருள்புரியும் தெய்வ மூர்த்திகளும் இந்நாளில் வணங்க வேண்டிய தெய்வ மூர்த்திகளாவர்.. சர்வ காமதா ஏகாதசியின் மிகச் சிறப்பான வழிபாடுகளுள் ஒன்றாக விளங்குவதே சர்வேஸ்வரனாம், ஸ்ரீமந் நாராயண மூர்த்தியை நின்று, இருந்து, கிடந்து, நடந்த நான்கு அவதார நிலை மூர்த்திகளாக இந்த ஏகாதசி நாளில் தரிசிப்பதாகும். காஞ்சிபுரம், கும்பகோணம் ஆகிய திருத்தலங்கள் மேற்கண்ட பெருமாளின் நான்கு நிலை அவதார தரிசனங்களை நமக்குப் பெற்றுத் தரக்கூடிய உத்தம தெய்வீகத் தலங்களாகும்.

சென்னை திருநீர்மலையில், நின்று (ஸ்ரீராமர்) இருந்து (ஸ்ரீநரசிம்மர்) கிடந்து (ஸ்ரீரங்கநாதர்) நடந்து (ஸ்ரீஉலகளந்தப் பெருமாள்) அருள்பாலிக்கின்ற மூர்த்திகளின் அற்புதப் பெருமாள் தரிசனத்தைப் பெற்றிடலாம் சர்வ காமதா ஏகாதசி அன்று! பொதுவாக, வசிப்பதற்கு சிறு இல்லங்கூட இல்லாமல் வாடுகின்ற குடும்பங்கள் பல உண்டு. பணவசதி இருந்தும் வீடு கை கூடாதோரும் உண்டு. நல்ல வாடகை வீடு கிடைக்காமல் அவதியுறுவோரும் உண்டு! இத்தகையோர் மேற்கண்ட முறையில் சர்வகாமதா ஏகாதசியை மேற்கொண்டு பரம்பொருளாம் ஸ்ரீமந் நாராயணனின் நின்று, இருந்து, கிடந்த, நடந்த கோல தரிசனத்தைப் பெற்று, பெருமாளுக்குப் ப்ரீதியான சர்க்கரைப் பொங்கலைப் படைத்து அன்னதானம் அளித்திடப் பெருமாளே நல்வழி காட்டுவார், ஆழ்ந்த நம்பிக்கை கொண்டிடில்.!

 அன்புடன்

 கார்த்திக் நம்பெருமாள் பக்தன்

🌹🌹 தர்மராஜா தசமி

 🌹🌹 தர்மராஜா தசமி

ஸ்ரீஎமதர்மராஜ பகவானும் நாம் வழிபட வேண்டிய மூர்த்திகளில் ஒருவரே! மகம், தசமி திதிகள் ஸ்ரீஎமதர்ம பகவானுக்குரித்தான நாட்களாகும். ஸ்ரீஎமனை வழிபட்டால் தான் எமபயம் நீங்கும்.
ஸ்ரீஎமபகவான், ஸ்ரீகுபேரன், ஸ்ரீசித்திரகுப்தன், ஸ்ரீதுவாரபாலக மூர்த்திகள் போன்ற தெய்வ மூர்த்திகளை நாம் வழிபட்டாக வேண்டும். எமன் என்றால் அஞ்சுதற்குரியவர் என்று எண்ணுதல் வேண்டாம்.
எமபயம் நீங்குதல் என்பது முக்திக்கும் மோட்சத்திற்கும் தேவையான முதல்படியாகும்.. எமனை அஞ்சுதல் கூடாது என்றால் எம பகவானை எதிர்த்து நிற்பது என்று பொருளல்ல. ஸ்ரீஎம மூர்த்தியானவர் நம்முடைய ஆத்ம ஜோதியை, கர்மவினைக்கேற்ப ஒரு உடலிலிருந்து மற்றொரு தேகத்திற்கு மாற்ற உதவும் ஆதார இறை மூர்த்தியாக விளங்குகின்றார். எனவே, மரணம் என்பது மற்றொரு பிறவியின் தொடக்கமாகவோ அல்லது மிகச் சிறந்த உத்தம நிலையில் பிறப்பு, இறப்பின் முடிவாகவோ அமைகின்றது. இதற்குரிய தெய்வீக சக்தியை அனுக்கிரகமாகத் தருபவரே ஸ்ரீஎம மூர்த்தியாவார். எனவே தான், எமதீபம், எம தர்ப்பணம் போன்ற விசேஷ தினங்கள் மிகவும் முக்கியமான வழிபாடுகளாக நமக்கு விதிக்கப்பட்டுள்ளன. ஸ்ரீஎமபகவானுக்கு உரித்தான சந்நிதிகள் ஒரு சில ஆலயங்களிலேயே மிகவும் அரிதாகக் காணப்படுவதால் மக்களும் ஸ்ரீஎம வழிபாட்டை அவ்வளவாக சிரத்தையுடன் தற்காலத்தில் எடுத்துக் கொள்வத்தில்லை.. இது மிகவும் தவறானதாகும். ஸ்ரீஎமனை வழிபட்டால் தான் எமபயம் தரும் நோய்களும் தீரும்.

எமபயம் என்றால் என்ன?............... நல்ல இளமையும், திடகாத்திரமும் இருக்கும் போது எது வந்தாலும் ஏற்பேன் என்ற ஒரு போலியான மன உறுதி ஏற்படும்.. ஆனால் நோயோ, முதுமையோ வந்தவுடன் எப்போது உயிர் பிரியுமோ என்ற அச்சம் தான் நம்மைச் சூழ்ந்து ஆசாபாசங்களில் ஆழ்த்தி விடுகிறது.. எனவே மரணம் வரும் போது மரணபயமின்றி, எம பயமின்றி அதனை எதிர்கொள்வது தான் எம பயம் நீங்குதலாகும்.

ஏனெனில் மரணப் படுக்கையில் இருக்கும் போதுதான் மாயையாக, கர்மவினைகளின் தொகுப்பாக, மீண்டும் வாழ வேண்டும். இன்னும் வாழ வேண்டும் என்ற ஆசை தொடர்ந்து கொண்டே இருக்கும்.. இந்த ஆசைகளிலேயே மனதைச் செலுத்துவதால் தான் இறக்கும் போது எந்தவிதச் தெய்வீகச் சிந்தனையும் ஒருவனை அண்டாது போய் விடுகிறது.

இறைச் சிந்தனையுடன் இறைநாமத்தை ஜெபித்தவாறே இறத்தல் என்பது பலர் மிகவும் பெறுதற்கரிய பாக்கியமாகும்.. ஏனெனில் எப்போதுமே இறை நாமத்தை, ஸ்ரீகாயத்ரீ ஜபத்தை விடாது ஜெபிக்கின்ற பழக்கம் இருந்தால் தானே மரணத் தறுவாயில் கூட இறைநாமம் உள்ளத்தில் ஒலித்துக் கொண்டிருக்கும். இதற்கும் உதவுவதே எம வழிபாடு!  எனவே, உங்களுடைய வாழ்வில் மாதத்திற்கு ஒரு முறையாவது ஸ்ரீஎமபகவான் அருள்பாலிக்கின்ற விசேஷமான தலங்களுக்குச் சென்று ஸ்ரீஎம மூர்த்தியைத் தக்க முறையில் வழிபட்டு வாருங்கள். அப்போது தான் எமபயம் தீருவதோடு மட்டுமல்லாமல் நோய், நொடியின்றி ஆரோக்கியமான வாழ்க்கை வாழ்வதற்கும் ஸ்ரீஎம வழிபாடு அருள்பாலிக்கும்.

திருச்சி அருகே உள்ள திருப்பைஞ்ஞீலி, கும்பகோணம் அருகே உள்ள ஸ்ரீவாஞ்சியம், சென்னை வேளச்சேரி ஸ்ரீதண்டீஸ்வரர் ஆலயம், திருக்கடவூர், திருவைகாவூர் போன்ற இடங்கள் ஸ்ரீஎம மூர்த்திக்கு மிகவும் விசேஷமான தலங்களாகும். இத்தகைய தலங்களில் ஸ்ரீஎம பகவானின் இறைப் பெரும் சக்தியிருப்பது மட்டுமட்டுமல்லாமல் பல இடங்களில் ஸ்ரீஎமபகவானுக்குச் சந்நிதி இல்லாவிட்டாலும் கூட அவ்விடத்தில் எமவாதனையின்றி ஸ்ரீஎமபகவானின் அருட்சக்தி பரிணமித்து விளங்குவதை நம் பெரியோர்கள் எடுத்துரைத்து உள்ளார்கள். அமாவாசை தோறும் நாம் அளிக்கின்ற தர்ப்பணப் பூஜையின் ஒரு பங்கு எமலோகத்திற்குத் தான் செல்கின்றது. உண்மையில் நாம் தினந்தோறும் நம் பித்ருக்களுக்குத் தர்ப்பணம் அளித்தாக வேண்டும்.. அக்காலத்தில் நம் மூதாதையர்கள் நித்தியத் தர்ப்பணத்தை, அதாவது தினந்தோறும் தர்ப்பணம் அளிக்கின்ற வழக்கத்தைக் கொண்டிருக்க இதுவே  ஒரு மாதாந்திர அமாவாசைத் தர்ப்பணமாக மாறிவிட்டது கண்டு நாம் வேதனையுறுகின்றோம்..
பூஜையைச் சுருக்குவதா? என்னே கேவல வாழ்க்கை! எம வழிபாட்டைத்தான் தினந்தோறும் செய்ய வேண்டிய சந்தியா வந்தனம், காலை, மதியம், மாலை இம்மூன்று வேளைக்குரித்தான சந்தியா வந்தனம் வழிபாடுகளில் எமத்தர்ப்பணம் என்ற மிகச் சிறப்பான துதி ஒன்று சேர்க்கப்பட்டுள்ளது. ஆனால் யார் இதனை முறையாகச் செய்கின்றார்கள்! நீங்கள் வேறு ஒன்றும் செய்ய வேண்டாம். காலையில் எழுந்து நீராடியவுடன் “ஸ்ரீஎமமூர்த்தி தர்ப்பயாமி, ஸ்ரீஎமமூர்த்தி தர்ப்பயாமி, ஸ்ரீஎமமூர்த்தி தர்ப்பயாமி” என்று ஓதி 3 முறை நீரால் அர்க்யம் வார்த்து எமத்தர்ப்பணம் செய்வீர்களேயானால் இது மிகச் சிறந்த எமப்ரீதியாக தினசரி பூஜையாக அமைகின்றது. நம் மூதாதையர்க்கு நாம் அளிப்பது தர்ப்பணமாகின்றது.. ஆனால் தெய்வமூர்த்திகளுக்கு அளிப்பது அர்க்யமாக மாறுகின்றது.
இதேபோன்று ஸ்ரீஎமம் தர்ப்பயாமி ; ஸ்ரீகிருஷ்ணம் தர்ப்பயாமி ; ஸ்ரீவிஷ்ணும் தர்ப்பயாமி என்று அனைத்து மூர்த்திகளுக்கும் நாம் தினந்தோறும் அர்க்யம் அளிப்பது மிகவும் சிறப்புடையதாகும். எந்தெந்த மூர்த்திகளின் வழிபாடெல்லாம் விடப்பட்டிருக்கின்றோ, உதாரணமாக ஸ்ரீசித்ரகுப்தர், ஸ்ரீஎமபகவான், ஸ்ரீகுபேரன், ஸ்ரீஇந்திரன், ஸ்ரீவாயு பகவான் போன்ற பல மூர்த்திகளையும் உங்களுடைய தினசரி பூஜை வழிபாட்டில் சேர்த்துக் கொண்டு, ஸ்ரீசுக்ரமூர்த்தி தர்ப்பயாமி ; ஸ்ரீசித்ரகுப்தம் தர்ப்பயாமி ; ஸ்ரீகால மூர்த்தி தர்ப்பயாமி என்று அனைத்து மூர்த்திகளுக்கும் நீங்கள் அர்க்யம் அளித்திடலாம். இவையெல்லாம் ஜல பூஜை எனப்படும் மிகச் சிறந்த வகையான பூஜையாகும்.

உங்கள் குல தேவதையின் பெயரைச் சொல்லியும் அர்க்யம் அளிப்பது மிகச் சிறந்த தினசரி பூஜையாகிறது. நம் உடலானது பஞ்சபூதம் எனப்படும் நிலம், நீர், ஆகாயம், அக்னி, வாயு போன்ற ஐந்து விதமான பஞ்சபூதத் தத்துவங்களால் ஏற்படுத்தப்பட்டிருப்பதால், ஐவிதமான பூஜைகளை (அர்க்யம், தர்ப்பணம், ஹோமம், தீபம், அர்ச்சனை) நாம் தினந்தோறும் செய்து வர வேண்டும். ஆனால் கலியுகத்தில் கோயிலுக்குப் போய்விட்டு வருவது என்பது மட்டுமே ஒரு பெரிய பூஜையாக பலருக்கும் ஆகி விட்டது. வழிபாடுகளை மறந்ததால் தான் என்ன வசதிகள் இருந்தாலும் இன்றைக்கு நம் கலியுக வாழ்க்கையானது துன்பங்கள் நிறைந்ததாக விளங்குகின்றது என்பதை நாம் மறந்து விடலாகாது.

எனவே, நாம் மறந்து விட்ட பலவிதபூஜைகளுக்கு நிவர்த்தியாகத்தான் இன்றைக்கும் நம் பஞ்சாங்கத்திலேயே பலவிதமான விசேஷ தினங்களைக் காணுகின்றோம். தர்மராஜ தசமி, எம தர்ப்பணம், எம தீபம், சித்திர குப்த பூஜை, வசந்த பூஜை, இந்திர பூஜை போன்ற விதவிதமான விசேஷ தினங்களைக் குறிப்பிடக் காரணம், நாம் எந்த வித தெய்வ மூர்த்திகளின் வழிபாட்டை மறந்து விட்டோமோ அவற்றுக்கு நிவர்த்தியாகவே பல ஆலயங்களிலும் இத்தகைய பூஜைகள் சமுதாய பூஜையாக பூலோக மக்கள் அனைவருக்குமாக இத்தகைய பூஜைகள் நடத்தப்படுகின்றன என்பதை உணர்த்திடவே!
எனவே உங்கள் உள்ளூர் ஆலயத்தில் பஞ்சாங்கத்தில் காணப்படுகின்ற அனைத்து விசேஷ தினங்களையும் கொண்டாடுவதற்கு நீங்கள் ஆவன செய்வீர்களேயானால் உலக நாடுகளில் உள்ள அனைத்து மக்களின் நலனுக்காகவும், நீங்கள் செய்கின்ற மிகச் சீரிய சமுதாய சேவையாக விளங்கும் என்பதை நீங்கள் மறந்து விடாதீர்கள். உதாரணமாக தர்மராஜ தசமி என்கின்ற இந்த விசேஷ தினத்தை உங்கள் உள்ளூர் ஆலயத்தில் கொண்டாடுவதற்கு உடனே ஏற்பாடு செய்யுங்கள்.. எமபகவானுடைய உருவம் ஆலயங்களில் இல்லாவிடினும் கூட ஸ்ரீஎம தர்மராஜானின் திருஉருவத்தை வரைந்தோ அல்லது திருப்பைஞ்ஞீலி, ஸ்ரீவாஞ்சியம் போன்ற இடங்களில் காணப்படுகின்ற ஸ்ரீஎமதர்மராஜாவின் உருவத்தை வைத்தோ அல்லது ஒன்றுமே இல்லாவிடில் எள் உருண்டையில் மஞ்சள் பிள்ளையார் போல் வெற்றிலையில் பிடித்து வைத்து ஸ்ரீஎம தர்மராஜாவாக பாவித்து தர்மராஜ தசமியை மிகச் சிறப்பாகக் கொண்டாடுவீர்களேயானால், உள்ளூர் மக்களுக்கு மட்டுமின்றி, தமிழ்நாட்டு மக்களுக்கு மட்டுமல்லாது, பாரத தேசத்திற்கு மட்டுமன்றி, உலக நாடுகளில் உள்ள அனைத்து மக்களுக்கும் நன்மை பயக்கும் வகையில் மிகச் சிறந்த சமுதாய சேவையாக தர்மராஜ தசமியை மிகச் சிறப்பாகக் கொண்டாடிடலாம்.

இதை விட மகத்தான இறைச் சேவை வேறு என்ன இருக்க முடியும்? இதற்காகத் தானே உடலை நாம் பெற்றிருக்கின்றோம் நமக்கென சுயநல பூஜை செய்வதற்காகவா இந்த உடல் நமக்கு தரப்பட்டுள்ளது? இத்தகைய பூஜைகளை மிகச் சிறந்த சமுதாயப் பணியாக ஏற்று நடத்துவதில்தான் உங்களுடைய வாழ்க்கையின் லட்சியமே அடங்கியிருக்கிறது. தர்மராஜ தசமியான இன்று ஸ்ரீஎமதர்ம பகவானுக்கு அர்க்யம் அளிப்பது மிகச் சிறந்ததாகும் என்று கண்டோமல்லவா!
ஸ்ரீகாலதேவமூர்த்தி தர்ப்பயாமி
ஸ்ரீதர்மராஜ தேவமூர்த்தி தர்ப்பயாமி
ஸ்ரீகால மூர்த்திம் தர்ப்பயாமி
ஸ்ரீஎம தேவமூர்த்தி தர்ப்பயாமி
ஸ்ரீதண்டீஸ்ர மூர்த்தி தர்ப்பயாமி
என்று எமபகவானுடைய பலவித நாமங்களைச் சொல்லி ஸ்ரீஎமபகவானுக்கு அர்க்யம் அளித்தல் வேண்டும்.. இன்று அதிதி வழிபாடு என்று சொல்லப்படுகின்ற  நுனி வாழையிலையிட்டு ஏழைகளுக்குழ் அன்னம்பாலிப்பது மிகவும் சிறப்புடையதாகும்.

பிரண்டைத் துவையல், எள் சாதம் அல்லது எள்பொடி கலந்த சாதம், உளுந்து வடை போன்றவற்றை வயிறு நிறையும்படி ஏழைகளுக்கு அன்னம் பாலித்திட வேண்டும். எமபகவான் தம்முடைய குடும்ப சகிதமாகப் பரிவாரத்துடன் எழுந்து அருள் பாலிக்கின்ற மிகச் சிறப்பான தலமே திருச்சி அருகே உள்ள திருப்பைங்ஞீலி ஆகும். பலரும் இதனைப் பற்றி நன்கு அறியாமையினால் இங்கு இச்சந்நிதி சற்று பிரபால்யமின்றி உள்ளது. இன்று இச்சந்நிதியை நீரால் கழுவி, நன்கு சுத்தம் செய்து பச்சரிசி மாவினால் கோலமிட்டு மாவிலை, தென்னைச் சரங்களால் அலங்கரித்து ஸ்ரீஎமதர்ம ராஜர், அவர்தம் பத்தினி தெய்வ மூர்த்திகளுக்குச் செம்பருத்தி, தேங்காய் எண்ணெய், பொன்னாங்கண்ணித் தைலம் ஆகிய முக்கூட்டுத் தைலக்காப்பிட்டு, நிறைந்த சாம்பிராணி தூபமிட்டு, எள்வகை உணவு, 10 வகையான உணவுப் பண்டங்களைப் படைத்து அன்னதானம் அளித்து , ஸ்ரீகால பைரவ துதிகளை ஓதி இச்சந்நதியை அடிப்பிரதட்சிணமாக வலம் வருதல் மிகவும் சிறப்புடையதாகும்.
எமபயம் தெளிதல் என்பது மரணம் பற்றிய பயத்தைப் போக்குவதோடு மட்டுமல்லாமல் நோய், நொடியிலிருந்து நிவாரணம் பெறுதலும் ஆகும். ஏனெனில் மனிதனுக்கு பெரும்பாலும் நோய், விபத்துகள் போன்றவை மூலமாகத் தானே மரணம் அவனைத் தழுவுகின்றது. எனவே, நோய்களிலிருந்து விடுதலை பெறுவது மட்டுமல்லாது நோய்களால் பாதிக்கப்படும் போது உடல், மனம் தளர்ச்சியடையாது தெய்வீக சிந்தனை பெறுவதற்கும் எமபூஜை பெரிதும் உதவுகின்றது. எம தர்மராஜ மூர்த்திக்குச் செய்ய வேண்டிய ரட்சை பூஜை ஒன்றும் உண்டு. ஒவ்வொரு தெய்வ மூர்த்திக்கும் உரித்தான ப்ரீதி தரக் கூடிய பல பூஜைப் பொருட்களுண்டு அன்றோ! இவ்வகையில் ஸ்ரீஎமதர்ம மூர்த்திக்குப் ப்ரீதியாக இருப்பவை பொன்னாலான வாழைக்குலை, கலசச் செம்பு, ருத்ராட்சம், துளசிமணி மாலை, பவழத்தாலான சிவலிங்கம், விநாயக மூர்த்தி ஸ்படிக மற்றும் சாளக்கிரம மூர்த்திகள் சந்தனக் கட்டையாலான விக்கிரகம்.
வசதியுள்ளவர்கள் இத்தகைய 10 பொருட்களையும் ஒரு வாழையிலையில் வைத்து, வசதியற்றோர் இந்தப் பத்தில் ஏதேனும் ஒன்றை பச்சரிசி பரப்பிய ஒரு நுனி வாழையின் மேல் வைத்து ஸ்ரீமார்க்கண்டேயர் அருளியுள்ள ஸ்ரீசந்திர சேகர அஷ்டகத்தை பத்து முறை குடும்பத்தோடு சேர்ந்து ஓதி, பிரசாதத்தை மிகவும் நோய்வாய்ப்பட்டிருக்கின்ற கணவன், மனைவி, தந்தை, தாய், சுற்றம், நட்பு போன்றவர்க்கு இதனை அளித்தால், அவர்கட்கு விரைவில் நோய், நொடியிலிருந்து நிவாரணம் கிட்டுவதோடு அவர்களும் பலவிதமான வறுமைத் துன்பங்களில் இருந்தும் மீள்வர். எனவே, எமவழிபாடு என்பது எமபயத்தை நீக்குவது மட்டுமின்றி, தீர்க்க ஆயுளைத் தருவதோடு மட்டுமல்லாது நோய், நொடியில்லா ஆரோக்யமான வாழ்க்கையையும் தந்து வறுமையையும் நீக்க வல்லது என்பதை அறிவீர்களாக.

தர்மராஜ தசமியாகிய இன்று செய்ய வேண்டிய இன்னொரு முக்கியமான வழிபாடு என்னவென்றால் சென்னைத் திருவொற்றியூரில் 27 நட்சத்திர லிங்க மூர்த்திகள் அருள்பாலிக்கின்றார்கள் அல்லவா? உங்கள் நட்சத்திரத்திற்குரிய லிங்கமூர்த்திக்குத் திருவொற்றியூரில் உள்ள சிவாலயத்திலும் திருவிடைமருதூர் சிவாலயத்தில் உள்ள நட்சத்திர லிங்க மூர்த்திக்கும் சதய நட்சத்திர வழிபாடு செய்து வருதல் சிறப்புடையதாகும். சதய நட்சத்திரத்திற்குரிய அதிதேவதா மூர்த்தியாக ஸ்ரீஎமபகவான் விளங்குவதால், தர்மராஜ தசமியாகிய இன்று திருவொற்றியூரிலும், திருவிடைமருதூரிலும் உள்ள சதய நட்சத்திர லிங்க மூர்த்திக்கு எள், நல்லெண்ணெய் தைலம், சந்தனக் காப்பிட்டும், ஆயுள் விருத்திக்கு நல்வழி காட்டுகின்ற தேனை, தேன் கலந்த உணவுப் பண்டத்தினை (சர்க்கரைப் பொங்கல்) கேசரி, மற்றும் இயன்றவற்றை ஏழைக் குழந்தைகளுக்குத் தானமாக அளித்தலால் பலவருடங்களாக நீடித்திருக்கும் நோய்களுக்குத் தக்க நிவாரணம் கிட்டும். இதனை மாதந்தோறும் ஸ்ரீஎமனுக்குரிய சதய நட்சத்திரத்தில் செய்து வருவது சிறப்புடையதாகும்.

🌿🌷🌿 அன்புடன்

🌿🌷🌿 கார்த்திக் நம் பெருமாள் பக்தன்

🌹🌹ராம நவமி

 🌹🌹ராம நவமி. 

ராம ராஜ்ஜியம் வெல்லும். 

நாமெல்லாம் பிறந்த தேதியையும் நட்சத்திரத்தையும் கொண்டாடுகின்றோம். மகான்களுடைய பிறந்த திதியையும், ஜீவசமாதி பூண்ட மகான்களின் திதியையும் கொண்டாடும் வழக்கும் நிலவுகிறது. ஸ்ரீகிருஷ்ண பரமாத்மா பிறந்த அஷ்டமி திதி “ஸ்ரீகிருஷ்ண ஜெயந்தி” அல்லது கோகுலாஷ்டமி யாக அமைய, ஸ்ரீராமர் பிறந்த நவமி திதி, ஸ்ரீராம நவமியாகப் பிரசித்தி பெற்றுள்ளது. புராணங்களின்படி ஸ்ரீகிருஷ்ணரும், ஸ்ரீராமரும் தாங்கள் ஏற்ற மனித  சரீரங்களுக்கான முடிவைச் சாதாரணமாக ஏற்றுக் கொண்டிருப்பினும், தெய்வ மூர்த்திகளின் இத்தகைய லீலானுபூதிகள், ஜீவன்களுக்குப் பாடம் புகட்டும் வகையில், வழிகாட்டும் திருநிகழ்ச்சியாக சர்வேஸ்வரனால் ஏற்படுத்தப்பட்டுள்ளன என்பதை மறந்து விடலாகாது.

தெய்வாம்சமான ஸ்ரீராமர் மனிதர்களுள் மாணிக்கமாக வாழ்ந்து, மனித சரீரத்திற்குரிய முடிவை ஏற்றுக் கொண்டாலும் அன்னவரை உற்ற தெய்வமாய்ப் பூசித்த அன்றும் இன்றும் என்றும் சர்வேஸ்வரனின் அம்சமாய் அருள்புரியும் ஸ்ரீராமர், ஸ்ரீகிருஷ்ணர் அவதரித்த திதிகளே முக்கியமானவை ஆகின்றன. இன்றும் ஸ்ரீராமா என்று உள்ளன்புடன் அழைத்திடில் ஓடோடி வருபவன் ஸ்ரீராமன். ‘ஸ்ரீகிருஷ்ணா’ என்று அழைத்திடில் நம்மிடம் பறந்தோடி வருபவன்தானே ஸ்ரீகிருஷ்ணன். முடிவில்லாத பரம் பொருளாய் ஆதியும் அந்தமுமாய் விளங்கும் தெய்வ மூர்த்திகளுக்கு எல்லையையா நிர்ணயிக்க முடியும்! அழகிய ஸ்ரீராமனே சர்வேஸ்வரன், அற்புதமான ஸ்ரீகிருஷ்ணனே பரம்பொருள்.
திதி விளக்கம் :- விஞ்ஞானப் பூர்வமாகவும் பஞ்சாங்க ரீதியாகவும், சூரிய கிரகத்திற்கும் சந்திர கிரகத்திற்கும் இடையிலுள்ள விண்வெளி தூரத்தையே திதியாகக் கணக்கிடுகிறார்கள்.. ஈஸ்வரனின் வலது கண்ணே சூரியன், இடது கண்ணே சந்திரன் என்று புராணங்கள் கூறுகின்றன. அனைத்து ஜீவன்களுக்கும் ஒளி தந்து உய்விக்கும் சூரிய பகவானே பரமாத்மா! மனம்தனை ஆட்டி வைத்து மனோபாவங்களை முறைப்படுத்துகின்ற சந்திரனே ஜீவாத்மா! இறைவனின் இரு நேத்திரங்களான பரமாத்மாவும், ஜீவாத்மாவும் இணைந்து கிட்டுவதே முக்தி என்ற தெளிந்த நிலை! இரு கண்களின் ஒருமித்த பார்வையே நல்ல தெளிவைக் கொடுக்கும்.

எனவேதான் சூரியனும் சந்திரனும் இணைகின்ற அமாவாசை தினம் மிகவும், புனிதமானதாக, ஜீவாத்மா, பரமாத்மா ஐக்ய நிலையைத் தருகின்ற உத்தம தினமாகக் கொண்டாடப்படுகின்றது. அமாவாசையன்று பித்ருக்கள் சூர்ய சந்திர கிரஹ சங்கமத்தில் பல அற்புதமான தவங்களையும், பூஜைகளையும் மேற்கொள்கின்றனர். அமாவாசை பித்ரு தர்ப்பணத்திற்குரிய நாள் என்பதை மட்டுமே நாமறிவோம். ஆனால் அமாவாசை மஹிமை என்று விவரித்திடில் அதைக் கேட்டு ஆனந்திக்கவே பல ஜென்மங்கள் எடுத்திட வேண்டும். அத்தகைய உத்தம நிலைகளைத் தரவல்லது அமாவாசையாகும். சூரிய, சந்திர சங்கமத்தில் ஏற்படும் ஒளிப்பிழம்பை நம்மால் காண இயலாது. பளிச்சென்று வானில் தோன்றும் மின்னலைக் கண்டு நம் கண்கள் இருண்டு விடுவது போல, நம் கண்களால் காண இயலாத அளவிற்குத் தோன்றும் இந்த ஜோதியில் தான் தேவாதி தேவர்களும், தெய்வமூர்த்திகளும், தேவதைகளும், விண்ணுலக உத்தம ஜீவன்களும், பித்ருக்களும் புனித ஒளியில் நீராடுகின்றனர். அதே நேரத்தில் தான் நாமும் கடலில் புனித நீராடலை மேற்கொள்கின்றோம். சூர்ய, சந்திர மூர்த்திகள் இணைந்து அருள் பாலிக்கின்ற அற்புதத் திருநாளன்றோ அமாவாசை!

இவ்வாறாக மனித வாழ்விற்கு உத்தம நிலைகளைத் தரவல்லதாகத் திதி பூஜை அமைவதால்தான் மஹான்கள், யோகியர் ஜீவசமாதி பூண்ட திதி நாட்களை விசேஷமானதாகக் கொண்டாடுகின்றோம். எந்த ஒரு மஹானும் பிறந்த நாளிலேயே தம் தெய்வ அருள் நிலையை உடனடியாக உணர்த்திடுவதில்லை. மக்களோடு மக்களாக வாழ்ந்து இன்பதுன்பங்களை அனுபவித்து மக்களுடைய தீவினைக் கர்மங்களைத் தாமே ஏற்று, நோய்களாக, விரயங்களாகத் தாமே அனுபவித்து தம் தெய்வீக சக்திகளை வெளிக்காட்டிடாது மக்களே அதனை உணரும் வண்ணம் நடமாடுந் தெய்வமாய் வாழ்ந்து மனித உடலைச் சட்டையெனக் கழற்றி ஜீவசமாதி ஏற்கின்ற நாள்தான் அவருடைய திதியென நாம் அழைக்கின்றோம். அவர் பிறந்தபோது மஹான் என்று அறியாத நாம் அவருடைய வாழ்க்கையின் தெய்வானுபூதிகளின் மூலம் உய்த்துணர்ந்து ஜீவஸமாதி பூணுகின்ற பொழுதுதான் மஹானின் முக்கியத்துவத்தை உணர்ந்து அவருடைய திதியை விசேஷமாகக் கொண்டாடுகின்றோம். தினசரி பஞ்சாங்க சிரவண பலன்களாகத் திதித்து துதியால் ஐஸ்வர்யமும், நட்சத்திரத் துதியால் பாபநிவர்த்தியும் கிட்டிடுமெனவும் அறிகின்றோம். இது நித்யபூஜா பலன்கள்.. ஆனால் பிறந்த திதி, பிறந்த நட்சத்திரம், இறந்த திதிப் பூஜைகளினால் கிட்டும் பலன்கள் வேறு.
பொதுவாக சாதாரண மனிதர்கள் இறந்த திதியில் செய்யப்படும் தர்ப்பணம், திவசம், அன்னதானம் போன்ற தான தர்மங்கள், ஹோமங்களுக்கு ஆயுள்விருத்தி தரும் சக்தியுண்டு. இறந்தவர்களுக்கு ஆயுள்விருத்தியா? ஆம், ஆயுள் என்பது பூலோக வாழ்வோடு முடிவது என்பது கிடையாது. மேலும் ஆயுள் விருத்தி என்றால் ஆயுளை, ஆரோக்யமாக, நல்மனதுடன் இறை நெறியில் செலுத்தி வாழ்வதாகும். இறந்த மனிதன் 80, 90 ஆண்டுகளாக நீண்ட வருடங்கள் வாழ்ந்திருப்பினும் அதனை ஆயுள்விருத்தியென ஏற்க இயலாது. ஏனெனில்... நோய், தீய எண்ணங்கள், முறையற்ற காமக்குரோத தகாத கார்யங்களில் தாம் ஆயுளில் எத்துணை ஆண்டுகளை அவர் வீணே விரயம் செய்திருப்பார். இதற்குரிய பிராயச்சித்தத்தை அவர் எப்பிறவியிலேனும் செய்தே ஆக வேண்டும். எவ்வாறாக மறு பிறவி எடுப்பினும் நன்முறையில் மேற்கண்டவாறான ஆயுள் விருத்திக்கும், உத்தமமான பித்ரு நிலையை அடைவதற்கும் திதி தேவதையே அருள்புரிவதால் ஒருவருடைய இறந்த திதியே முக்யத்துவம் பெறுகின்றது.

நக்ஷத்ர பூஜை நித்ய பூஜையாக அமைந்தால் பாபங்களை நிவர்த்தி செய்யும். ஆனால் பிறந்த நக்ஷ்த்ர பூஜை வாழ்க்கைக்குத் தேவையான இக, பர சுகங்களைத் தரவல்லது. எனவேதான் நம் வாழ்க்கையில் முறையான சுகபோகங்களுடன் வாழ்வதற்காகப் பிறந்த நட்சத்திரத்தைக் கொண்டாடுகின்றோம்.

இராமாவதாரத்தின் சிறப்பு

இறைபக்தி உன்னதமாக விளங்கிய திரேதாயுகத்திலேயே மனிதனோடு மனிதனாக வாழ்ந்து தன்னுடைய அவதாரத்தன்மையைச் சற்றும் வெளிக்காட்டாது சாதாரண மனிதனைப் போல் இன்ப துன்பங்களை அனுபவித்து அனைத்து ஜீவன்களுக்கும் வழிகாட்டியாக இருப்பவரே ஸ்ரீராமராவார்.
ஸ்ரீராமர், ஜடாயு என்ற கழுகிற்கும் சாதாரண மனிதனைப் போல் தகனக் கிரியைகள் செய்த இடமே வைத்தீஸ்வரன் கோயிலாகும். இன்றும் இக்கோயிலில் பிரசித்தி பெற்றுள்ள ஜடாயு ஹோமகுண்ட சாம்பல், இறைவனுக்குச் சார்த்தப்பட்ட நேத்ரபடி சந்தனம், வில்வ தளம் மூன்றும் சேர்ந்த உருண்டையே இங்கு தெய்வத் திருப்பிரசாதமாக அளிக்கப்படுகின்றது.  ஸ்ரீராமச்சந்திர மூர்த்தியே ஆஹுதிகள் அளித்து அக்னி வளர்த்து ஹோமம் செய்த குண்டம் என்றால் என்னே அதன் மஹிமை

சர்வேஸ்வரனாக விளங்கும் ஸ்ரீராமச்சந்திர மூர்த்தியே ஹோமங்களை நிகழ்த்தி சாதாரண மனிதரைப் போல் வாழ்ந்தாரெனில் நமக்குக் கிட்டும் அனுபவங்கள் எத்தனை எத்தனை! ஹோமம் என்பது ஒவ்வொரு இல்லத்திலும் குறைந்தது மாதம் ஒரு முறையேனும் நிகழ்த்தப்பட வேண்டிய இறை பூஜையாகும். ஹோமத்தைப் பற்றி அறியாத சாதாரண பாமர மக்களும் தம் குடும்பத்தினருடன் தாமே ஹோமத்தை எளிதில் நிகழ்த்துகின்ற வழிமுறைகளை எமது ஆஸ்ரமத்தின் வெளியீடான ‘அருகம்புல் அற்புதனின் மகிமை’ (ஹோம வைராக்யம்) என்ற நூலில் காணலாம்.

ஸ்ரீராமச்சந்திர மூர்த்தி வனவாசத்தை ஏற்றபோதுதான் தசரதரின் பூதவுடல் பூவுலகை நீத்த செய்தி வந்தது. அப்பொழுதே முறையான கிரியைகளை, தர்ப்பண முறைகளை ஸ்ரீராமர் செய்யத் தொடங்கினார். பரதர் தகன முறைகளை ஸ்ரீராமரின் அருளாணைப்படி நிறைவு செய்தார்.

தசரதர் பெற்ற உத்தம நிலை

கலியுக மக்களுக்கு ஸ்ரீராமரின் வாழ்க்கைச் சரிதமே நிறைய ஆன்மீகப் பாடங்களைப் புகட்டுகின்றது.
1. “தந்தை சொல் மிக்க மந்திரமில்லை” என்ற திருவாக்கியத்தின் உண்மைப் பொருளாய் வாழ்ந்து காட்டியவர்.
2. ஏகபத்னி விரதனாய் வாழ்ந்து சீதாபிராட்டியை அன்றி வேறெவரையும் சிந்தனையில் கூட தீண்டாதவர்.
3. நீதிநெறி தவறாத பேரரசனாக இறைநினைவோடு ஆட்சி புரிந்தவர்.
4. தெய்வாவதார மூர்த்தியாக இருந்த போதும் அவதாரத் தன்மையை வெளிக்காட்டாது சாதாரண மனிதனாக சகல இன்ப துன்பங்களையும் அனுபவித்து வாழ்ந்தவர்.
5. பேரரசனாக விளங்கியும், அவதார புருஷனாக இருப்பினும் பெரியோர்களுக்கும், மகரிஷிகளுக்கும், தலைவணங்கி பாமர மக்களின் மேல் பரிபூர்ண அன்பைச் செலுத்தி வாழ்ந்து காட்டியவர்.
இத்தகைய தெய்வத் திருஅவதார மூர்த்தியான ஸ்ரீராமரின் திருக்கரங்களில் தர்ப்பணங்களைப் பெறும் பாக்யத்தை தசரதர் பெற்றாலுங்கூட, தசரதருடைய ஆன்மா உய்வு பெற பல ஆண்டுகள் ஆயினவாம். கேட்பதற்கே மிகவும் வியப்பாக இருக்கின்றதல்லவா? இதற்குரிய காரணமென்ன? ஸ்ரீராமர் நினைத்திருந்தால் தந்தையான தசரதருக்கு எத்தகைய உத்தம நிலையையும் தந்து அருள் செய்திருக்க முடியும். ஆனால் தந்தையாயினும் கூட அவரவர்க்குரிய கர்ம வினைகளை அனுபவித்தே ஆக வேண்டும் என்ற நியதிக்கு உட்பட்டு ஒரு வழிகாட்டியாக வாழ்ந்து காட்டியவரே ஸ்ரீராமர். தசரதர், வனத்திற்கு வேட்டையாடச் சென்றபோது, குருடரான தன் தந்தையின் தாகம் தீர்க்க, தடாகத்தில் நீர் எடுக்கச் சென்ற சிராவணன் என்ற சிறுவனை, நீரின் சலசலப்பில் மான் எனத் தவறாக எண்ணி அம்பெய்து கொன்று விட்டார். மாமன்னராயினும் தசரதர் அடக்கத்தால் பணிவன்புடன் குருடரான பெரியவரிடம் சென்று நடந்ததை விளக்கினார்.
அவரோ, “என்னைப் போல் புத்ரசோகத்தால் நீ துன்பமடைவாய்”, என்று சாபம் அளித்ததும் அதனால்தான் ஸ்ரீராம, லக்ஷ்மணரின் வனவாசத்தால் தசரதர் துன்பமடைந்தார் என்பதையும் நாம் நன்கறிவோம். இங்கு தசரதர் சாபத்தின் விளைவுகளைப் பற்றிய அச்சத்தால்,, சிறுவனாகிய சிராவணனுக்கு நடைபெற வேண்டிய தகனக் கிரியைகளுக்கு முறையாக ஏற்பாடு செய்யத் தவறி விட்டார். மேலும் சிரவணச் சிறுவனை இழந்த குருடரான தந்தையும், அவர்தம் பத்னியும் புத்திரனை இழந்த சோகத்திலேயே தம் எஞ்சிய வாழ்நாளைக் கழித்தனர். இதற்கு நஷ்ட ஈடாக அவர்கள் எத்துணை வசதிகளைப் பெற்றிடினும் புத்ர நஷ்டத்தை எவ்வாறு ஈடு செய்வது? அவர்களுடைய சோகச் சூழல்களே தசரதருக்குப் பெருங்கர்ம வினைகளாயின., இதனால் மேலும் கர்ம வினைகள் பெருகின. இது காரணமாகவே, தசரதர் பூவுடலை நீத்திடினும் ஆன்மா புனிதம் பெற பல ஆண்டுகள் ஆயின. அப்படியானால் அதுவரையில் ஸ்ரீராமர் அளித்த தர்ப்பணங்களின் சக்தி என்னவாயிற்று? சிரவணனை, அறியாமல் செய்த பிழையாக, அம்பெய்து கொன்றமையால் தசரதருக்கு ஏற்பட்ட பெரும் தீவினை கழிந்து அவரைக் கரையேற்ற உதவியது!

கலியுகத்தில் மாதமொரு முறை வரும் அமாவாசைத் தர்ப்பணமளிப்பதே சிரமமாகத் தோன்றுகின்றதல்லவா! ஆனால் ..,ஸ்ரீராமரும் லக்ஷ்மணரும் முறையோடு நித்ய தர்ப்பணாதி, சிராத்த, திவச, பூஜைகளைச் செய்து வந்தனர். ஸ்ரீஆஞ்சநேயர், ஸ்ரீராமதூதனாக ராவணனின் அரசவைக்குச் சென்றபோது ஆஞ்சநேயரின் வாலில் தீ வைத்திட, சீதையின் கற்புக்கனலே ஆஞ்சநேயருக்கு உஷ்ணத்தின் தன்மையைச் சிறிதும் உணராதவாறு குளிர்ச்சியைத் தந்தது என்பதை நாம் அறிவோம். சித்தர்களுக்கே உரித்தான ‘இருடிகள் ராமாயணம்’ பல அரிய, நாம் அறிந்திராத புராண நிகழ்ச்சிகளை அளிக்கின்றது.
ஆஞ்சநேயர் சீதாதேவியிடம் அரக்கர்கள் தம் வாலில் தீ வைத்த போது, அதன் வெப்பத்திலிருந்து தம்மைக் காத்தருளிய சீதாபிராட்டிக்குத் தம் நன்றித் துதியை அளித்திடுகையில், “ஆஞ்சனேயா! உன் நன்றியை ஏற்கும் தகுதி எனக்கில்லை. ஏனெனில் அக்னி பகவானே அரக்கர்கள் இட்ட தீயைத் தம்முள் ஏற்று உன்னைக் காப்பாற்றினார்”, என்று சீதா தேவி பணிவன்புடனும், அடக்கத்துடனும் தெரிவித்தனள். சீதாதேவியின் நிழலாயமைந்து காவல் காத்து நிற்பவரான ஸ்ரீஅக்னிபகவானை ஆஞ்சநேயர் தரிசித்து, “ஸ்வாமி! தாங்களே சீதாதேவியின் கருணையால் என்னை ரட்சித்தீர்கள். தங்களுக்கு நன்றியறிதலாக, அடியேனால் ஆக வேண்டிய பணி ஏதேனும் இருப்பின் நான் மிகவும் மகிழ்ச்சி அடைவேன்”, என்றார். அக்னி பகவானும் தம் பத்னியாம் ஸ்வாஹா தேவியுடன் தரிசனம் தந்து மகிழ்ந்து, “ஆஞ்சநேயா! ராம கார்யத்திற்கு நாங்களும் சேவை செய்கின்ற பாக்யம் உன் மூலமாகக் கிட்டியதே என ஆனந்திக்கின்றோம், என் பத்னியாம் ஸ்வாஹா தேவியின் ஒரு சில அபிலாசைகளைப் பூர்த்தி செய்வாயாக!’’, என்றார்..

அக்னி பகவானின் பத்னியான ஸ்வாஹா தேவியே ஹோமத்தில் ‘ஸ்வாஹா’ என நாமிடும் ஆஹூதிகளை அந்தந்த லோகத்திற்கு எடுத்துச் செல்லும் தெய்வீக சக்தி பெற்றவள்! “ஆஞ்சநேயா! மனிதர்கள், தேவர்கள், அசுரர்கள், தேவாதி தேவ மூர்த்திகளெனப் பலரும் நிகழ்த்துகின்ற ஹோமங்களின் ஆஹுதிகளை, அந்தந்த தெய்வமூர்த்திகளின் லோகங்களுக்கு எடுத்துச் செல்லும் பாக்யத்தைப் பெற்றுள்ளேன். அண்டசராசரத்தில் எவர், எங்கு ஹோமம் நிகழ்த்திடினும் நான் ஆங்கு உடனே பிரசன்னமாக வேண்டும். நீயோ காற்றினும் கடுகிச் செல்லும் சக்தியைப்  பெற்றுள்ளாய்! நவ வியாகரணங்களிலும் பாண்டித்யம் பெற்றுள்ளாய். எனவே பிரபஞ்சத்தின் ஸகல லோகங்களுக்கும் வெகு விரைவில் ஹோம ஆஹுதிகளை எடுத்துச் செல்லும் தவசக்தியை அடியேனுக்கு அருள்வாயாக”, என்றாள் ஸ்வாஹா தேவி. உடனே ஆங்கே ஸ்வதா தேவி பிரசன்னமானாள்.. உலகில் யார் எங்கு தர்ப்பணம் அளித்திடினும் அதனை அந்தந்த பித்ரு லோகத்திற்கு எடுத்துச் சென்று அளிக்கும் தேவியே ஸ்வதா தேவியாவாள். எனவே தான் பித்ரு தர்ப்பண மந்திரத்தில் மூதாதையரின் பெயரைச் சொல்லி “ஸ்வதா நமஸ் தர்ப்பயாமி!” என்று நாம் தர்ப்பணம் அளித்திட, அதனை அம்மூதாதையர் உறைகின்ற பித்ரு லோகத்திற்கு எடுத்துச் சென்று அளிப்பவளே ஸ்வதால் தேவி!
“ஆஞ்சநேயா! அடியேனுக்கு இந்தப் பிரபஞ்சமெங்கும் கந்தர்வர்கள், தேவர்கள், தேவர்கள், தேவமூர்த்திகள், மனிதர்கள் என எவர் எந்நேரத்தில் தர்ப்பணமளித்திடினும் அதனை அந்தந்தப் பித்ரு லோகங்களுக்கு எடுத்துச் செல்ல வேண்டிய பொறுப்பு உண்டு! எனவே எனக்கும் துரித கதியில் பித்ரு தர்ப்பணத்தினைப் பல்வேறு பித்ரு லோகங்களுக்கும் எடுத்துச் செல்கின்ற தவசித்தியினைத் தந்தருள வேண்டுகிறேன்”, என்று ஸ்வதா  தேவியும் வேண்டினள்.. ஸ்ரீஆஞ்சநேயர் திகைத்து நின்றார். “ஸ்ரீராமநாமம் தவிர நான் ஒன்றும் அறியேனே!’’, என்று உரைத்தவரும், அடக்கத்தின் தவப் பெருஞ்சின்னமானவரும், ஒன்பது (நவ) விதமான வியாகரணங்களை உய்த்துணர்ந்தவரும், நைஷ்டிக உத்தம பிரம்மச்சர்ய விரதம் பூண்டவருமான ஸ்ரீஆஞ்சநேயர்  ஸ்வாஹா, ஸ்வதா தேவியருக்குத் துரித கதிக்கான,
1. பூமி மற்றும் ஏனைய கிரஹங்களின் சுழற்சி ரகசியங்கள்
2. துரித கதிக்கு உதவும் சஞ்சீவி மலை மூலிகா பந்தன ரகசியங்கள்
3. அஷ்டமா சித்திகளைவிட சக்தி வாய்ந்த வாயுப் பிரமாண யோக நிலைகள்
4. மலைகள், பள்ளங்கள், நட்சத்திரங்கள், அண்டங்கள், சமுத்திரங்களைக் கடக்கவல்ல தவசித்தியைத் தரும் “ராக பாவ சப்த தியான நிலைகள்”
போன்ற வியாகரண ரகசியங்களைப் போதித்துச் சிறப்புச் செய்தார். இதற்காக ஸ்ரீஆஞ்சநேயர் பெற்ற பரிசு என்ன தெரியுமா? ஸ்வாஹா, ஸ்வதா தேவியர் ஆஞ்சநேயரிடம்,  “ஆஞ்சநேயா! நீ விரும்பும் போது எங்களுடைய இறைப்பணியை அதாவது ஹோம ஆஹுதியையும், தர்ப்பண சக்தியையும் எவருக்கும் எங்கும் அளிக்கும் சக்தியை உனக்கு வழங்குகிறோம்”, என்று ஆசி கூறினர்.
இது சர்வேஸ்வரன் நடத்தும் திருவிளையாடல் தானே!
தம் தந்தை தசரதருக்காகப் பல இடங்களில் நித்ய தர்ப்பணத்தை நன்கு நிகழ்த்தியவாறாக வந்த ஸ்ரீராம, லக்ஷ்மண மூர்த்திகள் ஓர் அற்புதமான திருத்தலத்தை அடைந்தனர். .... அதோ ஸ்ரீராம, லக்ஷ்மண மூர்த்திகள் எள் (திலம்) கொண்டு தர்ப்பணம் அளிக்கின்றனர். ஸ்ரீலக்ஷ்மணர் பித்ருஹோமத்தைப் பூர்ணாஹுதியுடன் நிறைவு செய்திட, அக்னியில் பஸ்மமான பூர்ணாஹுதியிலிருந்தும் , பூமியில் படிகின்ற தர்ப்பண நீரிலிருந்தும் ஒரு ஜோதி எழுகின்றது. ..... கண்ணிமைக்கும் நேரத்தில் ஜோதி விண்ணில் எங்கோ மறைந்து விட்டது. ஸ்ரீராம, லக்ஷ்மண மூர்த்திகள் ஆச்சரியத்துடன் விண்ணை நோக்கினர். அதுவரையில் அருகில் அமர்ந்திருந்த ஸ்ரீஆஞ்சநேயரையும் காணவில்லை! இருவரும் திடுக்கிட்டுச் சுற்றும் முற்றும் பார்த்தனர். வானில் பெரிய சப்தம்! அந்த ஜோதி எங்கு மறைந்ததோ, அதே இடத்திலிருந்து ஒரு பிரகாசமான மேக வட்டம் எழுந்தது!

மேக வட்டத்தைச் சுமந்தவாறு, ஸ்ரீராமநாம ஜபத்துடன் ஸ்ரீஆஞ்சநேயர் ஆங்கே பிரசன்னமானார். இதையெல்லாம் இவ்வாறு விவரிக்கின்றோமே தவிர இவை அனைத்தும் கண்ணிமைக்கும் நேரத்தை விட குறைந்த காலத்தில் நிகழ்ந்து விட்டன! ஸ்ரீஆஞ்சநேயர், கைகூப்பி நின்றார். மேகவட்டம் விரிந்தது! அதனுள்... ஜடாயு கழுகு ஸ்ரீராம, லட்சுமணரை வணங்கித் துதித்தவாறு எழுந்தது. அதன்மேல் ஸ்ரீதசரதர்! ஸ்ரீராம, லக்ஷ்மணர்கள் தம் தந்தையை தண்டமிட்டு வணங்கிட, “ஸ்ரீராமச்சந்திரா! ஸ்ரீலக்ஷ்மணா! நீங்கள் இதுகாறும் எனக்காகச் செய்து வந்த தர்ப்பண பூஜாபலன்கள் இன்று பரிபூர்ணம் அடைந்தன. ராமா! இன்று நீ பிறந்த திதியான நவமி திதியும் கூடியுள்ளது என்னுடைய பெரும்பாக்யமே! இன்று தான் இந்தத் தசரதனுக்கும், ஜடாயுவுக்கும் கர்மவினைகள் நீங்கி, புண்ய, பாவம் அற்ற நிலை ஏற்பட்டுள்ளது. ஸ்ரீராமா! இந்த ஈஸ்வர வருட நவமி திதியில் அடியேனுக்கும், ஜடாயுவிற்கும் மோட்சம் கிட்டுவதற்கு நீ சிரத்தையோடு அளித்து வந்த நித்ய தர்ப்பண பூஜையும், பித்ரு ஹோமமும் ஆகும். இவற்றின் உத்தராங்கப் பரிபூர்ணப் பலன்களாக யாமிருவரும் மோட்சநிலை பெற்றோம். இதில் எவ்வித ஐயமும் இல்லை. எனவே இத்தலத்தில் ஸ்ரீராமநவமியன்று  தர்ப்பணம், பித்ருஹோமம் மற்றும் தான, தர்மங்களைச் செய்வோர் பலவிதமான அதிஅற்புதப் பலன்களைப் பெறுவார்கள்”, என விளக்கினார் தசரதர். இத்தலமே திலதைப்பதி என்னும் கோயிற்பத்து, திருவாரூர் அருகே உள்ளது. திலம் என்றால் எள் என்று பொருள். ஸ்ரீராம, லக்ஷ்மண மூர்த்திகள் நித்ய தர்ப்பண, பித்ரு ஹோம பூஜைகளைப் பல இடங்களில் செய்து, இந்தத் திலதைப்பதியிலும் செய்திடவே, இத்தலத்தில் தான் அவை பரிபூரணமடைந்து ஜடாயுவும் தசரதரும் மோட்ச நிலையை அடைந்தனர்.

 திலதர்ப்பணபுரி என்கிற திலதைப்பதியில் ஸ்ரீராமநவமி 

வரும் ஸ்ரீராமநவமியினை புதன்கிழமை திலதைப்பதி திருத்தலத்தில் அபிஷேக ஆராதனைகளுடனும், ஹோமம், அன்னதானம், வஸ்த்ரதானம், ஜாதி, இன, பேதமின்றி ஏழைகளுக்கு மாங்கல்ய தானம், ஏனைய பிற தானங்களுடன் கொண்டாடுவது பல அரிய பலன்களைப் பெற்றுத் தரும். இன்று பித்ரு ஹோமம், பித்ரு தர்ப்பணங்கள், சிராத்தம், திவசங்களுடன் மூதாதையர்களுக்கான பூஜைகள் மிக மிக விசேஷமானது ஆகும். இங்கு ஸ்ரீராமநவமி அன்று மூதாதையர்களுக்கான தர்ப்பண பூஜைகளோடு, கழுகாய்ப் பிறந்த ஜடாயுமேல் அன்பு கொண்டு அதற்கும் ஸ்ரீராம, லக்ஷ்மணர் தர்ப்பணம் அளித்தனரல்லவா? அதைப் போல் நாம் அறிந்தோ அறியாமலோ, தெரிந்தோ, தெரியாமலோ அனைவர்க்கும் தர்ப்பணம் அளிப்பது சிறப்புடையது.. நாம் உண்டு களித்த மீன், நண்டு, ஆடு, மாடு , கோழிகள் எத்தனை, எத்தனை?  எத்தனை கோடி தாவரங்களை உணவாக உண்டு நாம் ஆனந்தித்து இருக்கின்றோம்!! ஸ்ரீராமரைப் போல் இங்கு ஸ்ரீராம நவமி அன்று உற்றார், சுற்றம், அயலார் மட்டுமின்றி அனைத்து வகையான பிராணிகள், தாவரங்கள் போன்று அனைத்து ஜீவன்களுக்கும் தர்ப்பணம் அளிப்பது சிறப்புடையதாகும். எத்தனையோ பேர் இல்லத்தில் பூனை, நாய், கிளி, புறா, முயல், மான், பசு, எருமை, மயில் போன்றவற்றை வளர்த்து அவை மடியும் போது கண்ணீர் விடுகின்றனர்.. வெறும் கண்ணீரானது அவ்வுயிர்களுக்கு எவ்வித மேன்மையும் தராது. இதற்குப் பதிலாக நாம் வளர்த்து நம் கண் முன்னரே மடிந்த பிராணிகளுக்கு மட்டுமின்றி , நாம் வளர்த்த, நாம் பயன்பெற்ற பூச்செடிகளுக்கும், தென்னை, மா, பலா போன்ற மரங்களுக்கும் தர்ப்பணங்களை அளிப்பது பெறற்கரிய பாக்யமாகும்.

ஏனைய தலங்களில்....

ஸ்ரீராமநவமியைத் திலதைப்பதியில் கொண்டாடுவது எவ்வளவு மகத்துவம் வாய்ந்தது என்பதை நன்கு விளக்கியுள்ளோம். ஏனையோர் ஸ்ரீராமர் பூஜித்த தலங்களில் (திருப்புல்லாணி, ராமேஸ்வரம் போன்றவை), ஸ்ரீராமர் மூலவராக விளங்கும் தலங்களிலும் (புள்ளபூதங்குடி, மதுராந்தகம், கும்பகோணம், தில்லை விளாகம், வடுவூர், தஞ்சாவூர்), புனிதமான ஆற்றங்கரையிலோ, திருக்கோயில் திருக்குளத்திலோ, தீர்த்தக் கிணறுகளிலோ முறையான தர்ப்பண பூஜை, ஹோமங்களை நிகழ்த்தி ஸ்ரீராமருக்கும், ஸ்ரீஆஞ்சநேயருக்கும், அபிஷேக ஆராதனைகள் செய்வது சிறப்புடையதாகும்..

பலாபலன்கள் :-

 ஸ்ரீராம நவமியை மேற்கண்ட முறையில் கொண்டாடிட,
1. இதுவரையிலும் முறையாகத் தர்ப்பணங்களைச் செய்யாதோர்க்கு ஓரளவு பிராயச்சித்தம் கிட்டும்.

2.  தாய், தந்தை, தாத்தா, பாட்டி போன்றோர் இறக்கும் போது அருகினில் இருக்கும் பாக்யத்தைப் பெறாதோர் ஸ்ரீராமநவமி அன்று திலதைப்பதி தலத்தில் முறையான பூஜைகளை, தர்ப்பணங்களைச் செய்திட தகுந்த பிராயச்சித்தம் கிட்டும்.

3. மூதாதையர்களோ, தாய் தந்தையரோ செய்த தவறுகளினால் சாபங்களோ, தோஷங்களோ, அல்லது பிறருக்குப் பெருந்துன்பங்களோ ஏற்பட்டிருப்பின் இப்பூஜை முறைகள் தக்க பரிகாரங்களைத் தந்து குடும்பத்தினரைக் காப்பாற்றும்.

4. பல சமயங்களில் அறியாமல் செய்கின்ற பிழைகளால் பெரும் துன்பங்கள் விளைகின்றன. இதனால் ஏற்படும் அவதூறு பழிகளிலிருந்து மீட்சி பெற இப்பூஜை பெரிதும் உதவுகின்றது.

5. இப்புனிதத் திருநாளில் தர்ப்பணத்தின் மகிமையை அறியாத ஏழை எளியோர்க்கும் இதன் பலன்கள் சென்றடையுமாறு நாம் தேவையான உதவிகளைச் செய்வது மிகச் சிறந்த மகேசன் சேவையாக அமைகின்றது.

6.ஸ்ரீராமநவமி பூஜையின் முத்தாய்ப்பாக ஸ்ரீஆஞ்சநேய ப்ரபாவம் ஒன்று அமைகின்றது. அதாவது இன்று அளிக்கப்படும் தர்ப்பண பூஜைகளின் சக்தியையும், ஹோமங்களின் ஆஹுதியையும் ஸ்ரீஸ்வாஹா, ஸ்ரீஸ்வதா தேவதையரின் பூரண அனுக்ரஹத்தைப் பெற்று, இவற்றை அந்தந்த பித்ரு லோகங்களுக்கும், தேவாதி தேவலோகங்களுக்கும் அளிப்பவர் ஸ்ரீஆஞ்சநேய மஹாப்ரபு எனில் நாம் எத்தகைய பாக்யம் செய்திருக்க வேண்டும்!

ஸ்ரீஆஞ்சநேயரின் அதிஅற்புதப் பணி : 

திலைதப்பதியில் ஸ்ரீராம, லக்ஷ்மண மூர்த்திகள் தர்ப்பணம் இடுகையில் ஓர் ஜோதி வெளிப்பட்ட வைபவத்தை முன்னர் கண்டோம் அல்லவா? அதனை மீண்டும் இங்கு தொடர்கின்றோம். கண்ணிமைக்கும் நேரத்தில் ஆஞ்சநேயர் அந்த ஜோதிப் பிரவாகத்துடன் சென்று மீண்டும் வருகையில் ஒரு மேக வட்டத்தைச் சுமந்து வந்தாரல்லவா? இதன் பொருள் என்ன?
இறைலீலையாக ஸ்ரீஆஞ்சநேயர், நவமி திதியான அன்று திலதைப்பதி திருத்தலத்திலே ஸ்ரீராம, ஸ்ரீலக்ஷ்மண மூர்த்திகள் ஜடாயுவுக்கும், தசரதருக்கும் உரிய தர்ப்பண பூஜைகளைச் செய்யும் போதுதான் ஸ்ரீஸ்வாஹா, ஸ்வதா தேவிகளிடமிருந்து தாம் பெற்ற வரத்தை நினைவு கூர்ந்தார். “..... நீ விரும்புகையில் எங்களுடைய இறைப்பணியை ஏற்றுச் செய்திடலாம்“ என்ற அருள்வாக்கினை நினைவு கூர்ந்த ஆஞ்சநேயர், அன்று ஸ்ரீராமரும், ஸ்ரீலக்ஷ்மணரும் அளித்த பித்ரு தர்ப்பண சக்தியை ஜடாயுவும், தசரதரும் வசித்த லோகங்களுக்கு எடுத்துச் செல்வதுடன், ஸ்ரீலக்ஷ்மணர் செய்த ஹோமத்தின் பூர்ணாஹுதியைப் பித்ரு லோகங்களுக்கும் எடுத்துச் செல்லும் பாக்யத்தைப் பெற விரும்பி இரண்டு தேவியரையும் தம் மனமுருகப் பிரார்த்தித்தார். ஸ்ரீஸ்வாஹா, ஸ்ரீஸ்வதா தேவியர் மகிழ்ந்து, பரிபூர்ணமான ஆனந்தத்துடன் ஸ்ரீஆஞ்சநேயரை நன்கு ஆசீர்வதித்து அனுப்பினர். ஸ்ரீஆஞ்சநேயர், ஸ்ரீராமரின் திருக்கரங்களிலிருந்து வழிந்த எள்ளையும், நீரையும் சூட்சுமமாகத் தம்முடைய கமண்டலத்தில் ஏந்தி ஜடாயுவின் ஆன்மா உறைந்த கந்த பர்வத ஸ்ரீபுரம் லோகத்திற்கும், தசரதர் நிலைத்திருந்த ஸ்ரீவாசிஷ்ட வைகுந்தபுரி லோகத்திற்கும் எடுத்துச் சென்று சமர்ப்பித்தார்.
ஜடாயுவிற்கும், தசரதருக்கும் என்னே பெரும் பாக்கியம்! தர்ப்பண சக்தியையும், ஆஹுதிகளையும் ஸ்ரீஆஞ்சநேயரே சுமந்து வருகின்றார் என்றால் என்னே அதன் மஹிமை! திலதைப்பதி திருத்தல மகிமையால் ஸ்ரீராமர் பிறந்த நவமி திதியிலேயே ஜடாயுவும், தசரதரும் ஸ்ரீஆஞ்சநேய ப்ரபாவத்தின் மூலமாக மோட்சநிலை பெற்றனர். இத்திருத்தலத்தில் நிகழ்ந்ததால் இந்த புராண வைபவத்தால் ஸ்ரீஆஞ்சநேயர் ஸ்வச்சித்த தில தர்ப்பண அனுக்கிரக சக்தியைப் பெற்றார். இதன் மூலமாக ஸ்ரீராமநவமியன்று திலதைப்பதியில் அபிஷேக, ஆராதனைகளுடன் பித்ருஹோமம், பித்ரு தர்ப்பணம் போன்றவற்றை முறையாகச் செய்வோருக்கு ஸ்ரீஆஞ்சநேயரே ஸ்ரீஸ்வதா, ஸ்ரீஸ்வாஹா தேவியர்களின் பரிபூரண ஆசியோடு அவரவருடைய பித்ரு லோகங்களுக்கு எடுத்துச் சென்று அளிக்கின்ற பாக்கியத்தைப் பெற்றுத் தருகிறார். ஸ்ரீஆஞ்சநேயரின் பூஜையுடன் தான் ஸ்ரீராமநவமி பூஜை பரிபூரணம் அடைகின்றது.

 நண்பர் ஒருவரின் மிக அற்புதமான பதிவு இது, 

 அன்புடன்

 கார்த்திக் நம்பெருமாள் பக்தன்

🌹🌹 திருமணம் நடைபெற வரமருளும் பவானி ஜெயந்தி

🌹🌹 திருமணம் நடைபெற வரமருளும் பவானி ஜெயந்தி

 யார் சித்திரை மாதத்தில் பவானி அம்மனை தரிசனம் செய்து நமஸ்காரம் செய்கிறாரோ அவர் வாழ்க்கையில் சோகத்தை ஒருகாலும் அடையமாட்டார், ஆனந்தத்துடன் ஏ இருப்பார் என்கிறது காசிகாண்டம். 

 சித்திரை மாதம் வளர்பிறை அஷ்டமி அன்று அவதரித்தாள் இதுவே பவானி ஜெயந்தி என்று கொண்டாடப்படுகிறது. பவம் என்றால் சம்சார கட்டிலிருந்து நம்மை காப்பாற்றுவதால் இந்த அம்மனுக்கு பவானி எனது பெயர். 

 இன்றைய தினத்தில் பவானி ஸ்வரூபத்தில் இருக்கும் அம்பாளை பூஜை செய்து பவானி அஷ்டோத்திர அர்ச்சனை செய்து நமஸ்கரித்து பிரார்த்தனை செய்து கொள்ளலாம், தீர்க்க சௌபாக்கியம் உண்டாகும் காஞ்சி மகா பெரியவா அவர்களிடம் ஒருவர், தனது மகளுக்கு நல்ல மாப்பிள்ளை அமைந்து விரைவில் திருமணம் நடைபெற என்ன செய்ய வேண்டும் என கேட்க, காஞ்சி பெரியவாளும் பவானி அம்மனை பூஜை செய்து செய் என்று கூறி பவானி அம்மன் படத்தை வழிபட்டு வரச் சொன்னாராம், விரைவில் விவாகமும் நடைபெற்றதாம். 

 விரைவில் திருமணம் நடக்க பவானி அம்மனை பூஜை செய்ய வேண்டும் என்பது நமக்கு இதன் மூலம் தெரிகிறது. பவானி அம்மன் ஜெயந்தி தினத்தில் கீழ்க்கண்ட சுலோகத்தை 108 முறை சொல்லி பவானி அம்மனை பிரார்த்திக்கலாம். 

சரண்யே ! வரேன்யே ! சுகாருந்யே மூர்த்தே !

ஹிரன்யோத ராத் யை ரகந்யே ! சுபுந்யே !

பவாரன்ய பீதேஷ்ஷ மாம் பாஹி பத்ரே !

 நமஸ்தே நமஸ்தே நமஸ்தே பவானி !

 அன்புடன்

 கார்த்திக் நம்பெருமாள் பக்தன்

🌹🌹 அசோகா அஷ்டமி - ராமாயணம் ஓர் பார்வை

 🌹🌹 அசோகா அஷ்டமி - ராமாயணம் ஓர் பார்வை

 சோகம் என்றால் துன்பம், துன்பத்திற்கு மேஎதிரிடையான சொல் அசோகம், அதாவது துன்பம் இல்லாதது, பங்குனி மாதம் அமாவாசையிலிரந்து எட்டாம் நாளில் வரும் அஷ்டமி இதில் துன்பத்தை போக்கி இன்பத்தை தரும் சக்தி உள்ளதால் இந்த நாளுக்கு அசோகா அஷ்டமி என பெயர், 

 பொதுவாக இந்த நாள் ராம நவமி இன்றோ அல்லது அதற்கு முந்தைய நாளும் வருவது வழக்கம். அசோகா அஷ்டமி அன்று அசோகா அஷ்டமி அன்று பெண்களின் துன்பத்தை விளக்கும் சில செயல்களை செய்யலாம், அதாவது அன்று மருதாணி மரங்களை பயிர் செய்யலாம், மேலும் வளர்ந்து இருக்கும் மருதாணி மரம் இருக்குமிடம் சென்று தண்ணீர் ஊற்றி மூன்று முறை வலம் வந்து அந்த மரத்திலிருந்து ஏழு இலைகளை முட்கள் இல்லாமல் பறித்துக் கொண்டு சாப்பிடலாம். 

 இன்றைய தினத்தில் மருதாணி மரத்தை நாம் தியானித்து, 

 மருதாணி மரமே, உனக்கு அசோகம் என்ற துன்பத்தை போக்குபவள் எனக்கு அல்லவா, மது என்னும் வசந்த காலத்தில் இனி உண்டாகி இருக்கிறாய் நான் உனது அருளைப் பெறுவதற்காக உனது இலைகளை  சாப்பிடுகிறேன்,  நீ பலவிதமான துன்பங்களை சந்தித்து இருந்தபோதிலும் எனது குணங்களை விளக்கி வசந்தகாலம் போல் துன்பம் அற்றவனாக என்னை எப்போதும் பாதுகாப்பாக என்று கூறி மருதாணி மரத்தை மூன்று முறை வலம் வந்து வணங்கலாம். 

 மேலும் அன்றைய தினத்தில் 7 மருதாணி இலைகளை சாப்பிடுவதால் நமது உடலில் தங்கியிருக்கும் பல நோய்களும் துன்பங்களுக்குக் காரணமான பாவங்களும் விலகும் என்று லிங்க புராணம் கூறுகிறது, 

 மருதாணி மரத்துக்கு வடமொழியில் அசோக மரம் என்று பெயர், அவன் சீதாதேவியை அபகரித்துச் சென்று தனது தேசம் ஆனால் இலங்கையில் அந்தபுரத்தில் அசோக மருதாணி மரங்கள் அடர்ந்த காட்டில் கையை சிறை வைத்தான், அங்கு இலங்கையிலுள்ள அரக்கிகளை சீதைக்கு பாதுகாப்பாக அமர்த்தி சீதையை பயமுறுத்தும் படி பணித்தான். அரச கட்டளையை ஏற்ற அந்த அரக்கர் பெண்களும் ஒவ்வொரு நாளும் பல வகைகளில் சீதையை கடுஞ்சொற்களால் பயமுறுத்தி துன்புறுத்தினார்கள் இதனால் பதிவிரதையான சீதாதேவி இலங்கையில் வசித்த காலங்களில் ஒவ்வொரு நாளும் மிகவும் துன்பத்தை அனுபவித்து வந்தாள், அத்துடன் கணவனை விட்டு பிரிந்து தான் அனுபவிக்கும் அப்படி பட்ட துன்பங்களை மனம் விட்டுச் சொல்லி கதறி அழக்கூட இலங்கையில் யாருமில்லை என ஏங்கினாள், ஆனாலும் தனது துன்பங்களை தான் இருக்கும் அசோக வனத்தில் இருக்கும் மருதாணி மரங்கள் இருக்கும் அசோகவனத்தில் மருதாணி மகன்களிடம் புலம்பித் தீர்த்தாள், அந்த சீதாதேவியின் புலம்பலை கருணையோடு கேட்ட மருதாணி மரங்களும் கிளைகளும் இலைகளும் சீதையை சமாதானப்படுத்தினர், அத்துடன் அந்த மருதாணி மரங்களும் சீதாதேவியை துன்பத்தில் இருந்து விடுவிக்குமாறு கடவுளை அத்தனை செய்தனரம். 

 இறுதியில் ஸ்ரீராமர் சேனையுடன் இலங்கை வந்து ஸ்ரீ ராம ராவண யுத்தம் நடைபெற்ற யுத்தத்தில் ஸ்ரீராமர் ஜெய ராமராக வெற்றியடைய சீதையை அழைத்துக் கொண்டு அயோத்திக்குச் சென்று சாம்ராஜ்ய பட்டாபிஷேகம் செய்து கொண்டார் ராமர், அப்போது சீதாதேவி தான் இலங்கையில் இரந்து போதுதான் துன்பத்தில் இருந்து விடுவிக்க வேண்டும் என்று கடவுளிடம் பிரார்த்தனை செய்த மருதாணி மரங்களை நோக்கி தங்களுக்கு என்ன வரம் வேண்டும் என்று கேட்க, அந்த அசோக மரங்களான மருதாணி மரங்களும்.... 

 பதிவிரதையான தங்களுக்கு ஏற்பட்ட துன்பம் இனிமேல் யாருக்கும் குறிப்பாக எந்த ஒரு பதிவிரதை பெண்களுக்கும் ஏற்படக்கூடாது என்று சொல்ல, தாயாரான தேவி சீதையின் உன்னை யார் ஜலம் விட்டு வளர்த்து வருகிறார்களோ பூஜிக்கிறார்களோ உனது இலைகளை யார் சாப்பிடுகிறார்களோ அவர்களுக்கு எந்த ஒரு துன்பமும் நேராது என்று ஸ்ரீராமரின் அனுமதியுடன் வரம் அளித்தாள், திருமணம் போன்ற சுப நிகழ்ச்சிகளில் மருதாணி இலைகளை மணப்பெண்களின் கைகளில் வைத்து அழகு பார்ப்பார்கள், அவ்வாறு சீதாதேவியின் மருதாணி மரங்களுக்கு வரமளித்த நாளே  அசோகா அஷ்டமி நாள் ஆகும். 

 அன்புடன்

 கார்த்திக் நம்பெருமாள் பக்தன்

27 நட்சத்திரங்கள் பற்றிய ஒரு அலசல் ஆய்வு....

 🌷🌷 ஸ்ரீ காவன் காத்தாயி ஜோதிட நிலையம்🌷🌷

===========================================

🙏🙏 கார்த்திக் 🌹நம்பெருமாள்-புகழ்🌹 🙏🙏

 பலரும் கேட்டுக் கொண்டதற்கு இணங்க 27நட்சத்திரங்கள் பற்றிய ஒரு அலசல் ஆய்வு. 🙏🙏 கார்த்திக்- நம்பெருமாள் பக்தன் 🙏🙏

அஸ்வினி நட்சத்திரக்காரர்கள் எமகண்ட காலத்தில் அவ்வப்போது குதிரைகளுக்கு கொள்ளு மற்றும் இராசாளி பறவைகளுக்கு தானிய வகைகள்  வழங்கி வரும் பொழுது தங்களின் சகலவித அனைத்து தோஷங்களும் நீங்கும். 

👍அன்புடன் கார்த்திக்- நம்பெருமாள் பக்தன்👍

பரணி நட்சத்திரக்காரர்கள் யானைக்கும் யானை பாகனுக்கு உணவு தானம் வழங்குவதும், காகத்திற்கு அன்னம் அளிப்பதும், வீட்டில் நெல்லி மரம் வளர்ப்பதும் தங்களுக்கு ஏற்படும் அனைத்து தோஷங்களையும் நிவர்த்தி செய்யும். 🙏அன்புடன்  ஆஸ்ட்ரோ ஆர்கே🙏

கிருத்திகை நட்சத்திரக்காரர்கள் ஆட்டுக்கறி உண்பதை தவிர்த்து, அத்தி மரம் வளர்த்து, மயில்களுக்கு இரைஅளித்து வர தங்கள் ஜாதகத்தில் உள்ள அனைத்து தோஷங்களும் நிவர்த்தி பெற்று வாழ்க்கையில் புதிய உச்சத்தை தொடலாம். மேலும் தங்கள் சகோதர சகோதரிகளுக்கு ஆதரவாக இருந்து செயல்படுங்கள்.

🙏அன்புடன் ஆஸ்ட்ரோ ஆர்கே🙏

ரோகிணி நட்சத்திரக்காரர்கள் நாகத்தை வணங்கி புற்றுக்கு பால் ஊற்றுவதும், நாவல் மரத்திற்கு நீர் விடுவதும், நாவல் மரத்தை தலவிருட்சமாகக் கொண்ட கோவில்களுக்கு செல்வதும், வீட்டில் ஆந்தை படம் ஒன்றை வாங்கி வைத்து அதனை தினசரி பார்ப்பதும் தங்களுக்கு ஏற்படும் அனைத்து தோஷங்களும் நீங்கி வாழ்வில் வளம் பெற்று இன்புறலாம். 

 🌹அன்புடன் ஆஸ்ட்ரோ ஆர் கே🌹

மிருகசீரிடம் நட்சத்திரக்காரர்கள் புற்றுக்கு பால் வார்ப்பது, கோழி மற்றும் சேவலுக்கு இரை போடுவதும், பிராமணர்கள், குழந்தைகள்,  சன்னியாசிகளுக்கு ஆடை மற்றும் உணவு தானம் அளிப்பதும் நல்ல பலன் தரும். மேலும் கோழி இறைச்சி தவிர்ப்பதும், உலக்கையால் உரலை இடிக்காமல் இருப்பதும் அவசியம். 

 🙏அன்புடன் ஆஸ்ட்ரோ ஆர்கே🙏

திருவாதிரை நட்சத்திரக்காரர்கள் பாம்புகளுக்கு பால் கொடுப்பதும், நாய்களுக்கு துரோகம் இழைக்காமல் இருப்பதும், புற்று மாரியம்மனை வணங்குவதும், ஆடலரசன் சிவபெருமான் உள்ள திருத் தலங்களான மதுரை சிதம்பரம் குற்றாலம் திருநெல்வேலி உள்ளிட்ட திருத்தலங்களுக்குச் சென்று வருவது தங்கள் வாழ்வில் ஒரு நல்ல மாற்றத்தை ஏற்படுத்தி நன்மையை ஏற்படுத்தும், 🌷அன்புடன் கார்த்திக் ரவிச்சந்திரன்🌷

புனர்பூசம் நட்சத்திரக்காரர்கள் பூனைக்கு தீங்கு விளைவிக்காமல் இருப்பதும், மூங்கில் மரங்களை நட்டு வளர்ப்பது, மூங்கில் மரங்களை தலவிருட்சமாகக் கொண்ட கோவில்களுக்கு செல்வதும், அன்னப்பறவை யுடன் கூடிய சரஸ்வதி தாயாரை வணங்குவதும், ஆட்டு இறைச்சி தவிர்ப்பதும், தங்களுக்கு ஏற்படும் அனைத்து தோஷங்களையும் நீக்கி வாழ்வில் நல்ல முன்னேற்றத்தை ஏற்படுத்தும். 

🌷அன்புடன் ஆஸ்ட்ரோ ஆர்கே🌷

பூசம் நட்சத்திரக்காரர்கள் தனது நட்சத்திர விலங்கான ஆடுகளை வளர்ப்பதும், ஆடுகளை உணவில் எடுத்துக்கொள்ளாமல் இருப்பதும், அரச மர விநாயகரை 108 முறை வலம் வருவதும், ((நீர்காகம்)) காகத்திற்கு அன்னம் படைப்பதும், திருச்செந்தூர் முருகனை வழிபடவும் தங்கள் ஜாதகத்தில் உள்ள அனைத்து தோஷங்களையும் நிவர்த்தி செய்து நல்ல முன்னேற்றத்தை ஏற்படுத்தும் 🙏🙏அன்புடன் ஆஸ்ட்ரோ ஆர்கே🙏🙏

ஆயில்யம் நட்சத்திரக்காரர்கள் பூனைக்கு தீங்கு விளைவிக்காமல்ம், புன்னை மரத்தை நட்பு வளர்ப்பதும், கிச்சிலி போன்ற பறவைகளுக்கு உணவளிப்பதும், புற்றுகளுக்கு பால் வார்ப்பதும், திங்கட்கிழமை ஆயில்யம் நட்சத்திரம் கூடிய நாளில் ராகு காலத்தில் ராகு பகவானுக்கு பால் அபிஷேகம் செய்வதாலும் சகல தோஷங்களும் நிவர்த்தி பெற்று வாழ்க்கையில் முன்னேற்றம் அடையலாம்.

 ❤அன்புடன் அஸ்ட்ரோ ஆர்கே❤

மகம் நட்சத்திரக்காரர்கள் ஆலமர விநாயகரை வணங்குவதும், கருட பகவானையும் கருட தரிசனம் செய்வதும், எமதர்மராஜாவிற்கு சிறப்பு அர்ச்சனை செய்வதும், பித்ரு தேவதைகளான முன்னோர்களை வணங்குவதும், தினசரி சூரிய நமஸ்காரம் செய்வதும், இரண்டு மற்றும் நான்கு கால் பிராணிகளை வளர்ப்பதும் தங்களுக்கு ஏற்படும் அனைத்து வித தோஷங்களையும் நிவர்த்தி செய்து வாழ்க்கையில் முன்னேற்றத்தை ஏற்படுத்தும், 

 ❤அன்புடன் ஆஸ்ட்ரோ ஆர்கே❤

பூரம் நட்சத்திரக்காரர்கள்  விநாயகருக்கும் விநாயகர் வாகனத்திற்கும் சிறப்பு அபிஷேகம் செய்வதும், கருடனை வணங்குவது, ஸ்ரீரங்கம் கருடபகவானுக்கு சிறப்பு ஆராதனை செய்வதும், பலா மரத்தை தலவிருட்சமாகக் கொண்ட கோவிலுக்கு செல்வதும், வருடம் ஒருமுறை காஞ்சி காமாட்சி மற்றும் ஸ்ரீவில்லிபுத்தூர் ஆண்டாள் தாயாரையும் தரிசனம் செய்துவர தங்கள் ஜாதகத்தில் ஏற்படும் அனைத்து தடைகளும் நிவர்த்தி பெற்று வாழ்வில் வளம் பெறலாம்.  🌹அன்புடன் ஆஸ்ட்ரோ ஆர்கே🌹

உத்திரம் நட்சத்திரக்காரர்கள் பொதுவாக பசு மாடுகளுக்கு அகத்திகீரை வெல்லம் பச்சரிசி போன்ற உணவளிப்பதும், அலரி அல்லது இலந்தை மரத்திற்கு நீர் ஊற்றுவது, இந்த நட்சத்திரத்தில் பிறந்த மகாலட்சுமி தாயாரையும் தேவகுரு பிரகஸ்பதியையும் வணங்குவதும், ஸ்ரீரங்கத்தில் உள்ள லக்ஷ்மி அம்சமாக இருக்கும் வில்வ மரத்தை வலம் வந்து வணங்கலாம்.மேலும் உத்திரமும் வெள்ளிக்கிழமையும் சேரும் நாளில் வீட்டில் அஷ்ட லக்ஷ்மி பூஜை செய்வதில் நல்ல முன்னேற்றத்தை தரும். 🌹ASTRO RK🌹

அஸ்தம் நட்சத்திரக்காரர்கள் பருந்து பறவை விருந்து வைப்பதும், பெண் எருமைக்கு உணவளிப்பதும், திருப்பைஞ்சீலி சென்று எமதர்மராஜா வணங்குவதும், தினசரி சூரிய பகவானை வணங்குவது உடன் காயத்ரி தேவியின் காயத்ரி மந்திரம் சொல்லுவதும், அத்தி மரம் வளர நீர் ஊட்டுவதும், சூரிய பகவான் மனைவி மக்கள் என குடும்பத்துடன் இருக்கும் கோவில்களுக்குச் சென்று வணங்குவதும் தங்கள் வாழ்வில் எல்லையற்ற இன்பத்தைப் பெற்று தரும்... 

❤ அன்புடன் ஆஸ்ட்ரோ ஆர்கே❤

சித்திரை நட்சத்திரக்காரர்கள் புலியுடன் கூடிய ஐயப்பனை வணங்குவது,, வில்வமரம் தலவிருட்சங்கள் செல்வதும் வில்வ மரம் நட்டு வளர்ப்பது, மரங்கொத்திப் பறவைக்கு உணவளிப்பதும்,, தேவதச்சன் விஸ்வகர்மா ஆலயம் செல்வது,ஸ்ரீரங்கம் சக்கரத்தாழ்வாரை வணங்கி 16 நெய்தீபம் ஏற்றுவதும்,ஆண்டுக்கொருமுறை சுதர்சன ஹோமம் செய்வதால் தங்களுக்கு ஏற்படும் அனைத்து இன்னல்களும் நீங்கி சக்கரத்தாழ்வாரின் 16 ஆயுதங்கள்  உதவியுடன் 16 செல்வங்களுடன் வாழலாம். ❤ASTRO RK❤

சுவாதி நட்சத்திரக்காரர்கள் எருமைக்கு உணவளிப்பதும், மருத மரத்திற்கு நீர் ஊற்றுவதும், தேனீ கூடுகளை பராமரிப்பதும், தினசரி தேன்கூடு படத்தைப் பார்த்து வருவதும், மருதமலை முருகனை தரிசிப்பதும், தனது காலடியின் கீழ் எருமை மாட்டுடன் இருக்கும் காளிதேவியை வணங்குவதும்,  செவ்வாய்க்கிழமை சுவாதி நட்சத்திரத்துடன் கூடிய ராகுகாலத்தில் நரசிம்ம பெருமாளை வணங்குவது தங்களுக்கு ஏற்படும் அனைத்து துன்பங்களும் நீங்கி நல்வாழ்வு பெறலாம். 

 🔔🔔அன்புடன் ஆஸ்ட்ரோ ஆர்கே🔔🔔

விசாகம் நட்சத்திரக்காரர்கள் விளாம் மரம் நட்டு வளர்ப்பதும், செங்குருவி போன்ற பறவைகளுக்கு உணவளிப்பது, புலி மேல் அமர்ந்த ஐயப்பனை வணங்குவதும், மதுரைக்கு அருகே உள்ள திருமோகூர் கஜேந்திர வைபவம்,  காஞ்சிபுரம் கருட சேவை தரிசனம் செய்வதும், திருச்செந்தூர் கடற்கரையில் சந்தன மலையில் அமைந்திருக்கும் சுப்பிரமணிய சுவாமியை தரிசனம் செய்வதும் தங்களுக்கு ஏற்படும் அனைத்து நோய்களும் தோஷங்களும் நீங்கி நல்வாழ்வு பெறலாம். 

 🙏🙏அன்புடன் ஆஸ்ட்ரோ ஆர்கே🙏🙏

அனுஷம் நட்சத்திரக்காரர்கள் மான் பொம்மை அல்லது படம் வீட்டில் வைப்பதும், மகிழ மரம் நட்டு வளர்ப்பது, வானம்பாடி பறவைக்கு உணவு வைப்பதும், லட்சுமி நாராயணனை வணங்குவதும், திருநறையூர் உள்ள நாச்சியார்கோவில் சென்று பெருமாளுக்கு உடைய கல் கருடவாகன சேவையை தரிசனம் செய்வதும், பிராமணர்களுக்கு நல்லெண்ணை தானம் செய்வதும் வாழ்க்கையில் நல்ல முன்னேற்றத்தை ஏற்படுத்தி தரும். 

🔔🔔ASTRO RK🔔🔔

கேட்டை நட்சத்திரக்காரர்கள் மான்கள் படத்தை அவ்வப்போது பார்த்து வருவதும், திருச்சி அருகே திருப்பராய்த்துறை சென்று சிவபெருமானை வழங்குவதும், திருவிடந்தை ஊரிலுள்ள ஸ்ரீ லட்சுமி வராக பெருமாளையும், ஸ்ரீமுஷ்ணத்தில் உள்ள ஸ்ரீ பூவராக பெருமானையும் வணங்கிவர தடைப்பட்ட அனைத்து சுப காரியங்களும் இனிதே நிறைவேறும். 

 🔔அன்புடன் ஆஸ்ட்ரோ ஆர்கே🔔

 🔔கார்த்திக்- நம்பெருமாள் பக்தன்🔔

மூலம் நட்சத்திரகாரர்கள் நாய் இனங்களுக்கு துரோகம் இழைக்காமல் பிஸ்கட் போன்ற உணவு அளிப்பதும்,, மரா மரம் வளர்ப்பதும்,, பருந்துகளுக்கு உணவளிப்பதும்,, பிரதி மூலம் நட்சத்திரத்தில் ஸ்ரீ ஆஞ்சநேயரை வழிபட மற்றும் ஸ்ரீராமஜெயம் சொல்ல அனைத்து தோஷங்களும் விலகப் பெற்று மகிழ்ச்சியான வாழ்க்கையை அடையலாம். 

 🔔🔔அன்புடன் கார்த்திக்- நம்பெருமாள் பக்தன் 🔔🔔

பூராடம் நட்சத்திரக்காரர்கள் குரங்குகளுக்கு பழங்கள் தருவதும்,  வஞ்சி மர தலங்களுக்கு செல்வதும்,  கௌதாரி பறவையை பார்த்து வருவதும், வருணபகவான் உள்ள கோவில்களுக்கு சென்று வருவதும், தங்கள் பிறந்த ஜென்ம நட்சத்திரத்தன்று திருவானைக்காவல் ஜம்புகேஸ்வரர் சமேத அகிலாண்டேஸ்வரி தாயாரை வழிபட்டு வர சகல தோஷங்களும் நீங்கி வாழ்க்கையில் உயர்ந்த நிலையை அடையலாம்

 🔔அன்புடன் கார்த்திக்- நம்பெருமாள் பக்தன் 🔔

உத்திராடம் நட்சத்திரக்காரர்கள் பசுக்களுக்கு அகத்திக்கீரை வழங்கி வர குழந்தை பாக்கியமும், கீரிப்பிள்ளை படத்தைப்பார்த்து வர நன்மைகளும், பலா மரம் வளர்ப்பதும், வலியான் பறவைகளுக்கு உணவளிப்பதும், ஸ்ரீரங்கத்தில் உள்ள விஸ்வேஸ்வரர் வணங்குவதும், பிள்ளையார்பட்டி பாண்டிச்சேரி மணக்குள விநாயகர், உட்பட அனைத்து விநாயகர் கோவில்கள் சென்று வணங்குவதும், யானைகளுக்கு வாழைப்பழம் வழங்குவதும் சகல நன்மைகளும் தரும், 

 🔔அன்புடன் கார்த்திக்- நம்பெருமாள் பக்தன் 🔔

திருவோணம் நட்சத்திரக்காரர்கள் குரங்குகளுக்கு வாழைப்பழம் வழங்கும், வீட்டில் எருக்கு விநாயகர் வைப்பதும், நாரைகளுக்கு உணவளிப்பதும், செவ்வாய் பகவானை வணங்குவதும், ஸ்ரீலட்சுமி ஹயக்ரீவர் மற்றும் திருமலை சீனிவாச பெருமாள் உருவம் கொண்ட ஸ்ரீ மகாவிஷ்ணு வணங்குவதும், சிராவண மற்றும் ஏகாதசி விரதம் இருப்பது தங்களுக்கு அனைத்து நன்மைகளையும் பெற்று தரும், 

🔔 அன்புடன் கார்த்திக்- நம்பெருமாள் பக்தன் 🔔

அவிட்டம் நட்சத்திரக்காரர்கள் அத்ரவன், அணிலன், அனலன், ஆபன், சோமன், துருவன், பிரத்யூசன்,  பிரபாசன் ஆகிய அஷ்டவசுக்கள் வணங்குவதும், சிங்கம் உருவம் கொண்ட படங்களை பார்ப்பது, வன்னிமர தலங்கள் சென்று வணங்குவதும், பொன்வண்டு பார்ப்பதும், அனந்த கோலத்தில் இருக்கும் பெருமாளை வணங்குவதும், சப்த கன்னியர்களை வணங்குவதும் தங்கள் வாழ்க்கையில் மிகுந்த நன்மையை ஏற்படுத்தும், 

 🔔அன்புடன் கார்த்திக்- நம்பெருமாள் பக்தன் 🔔

சதயம் நட்சத்திரக்காரர்கள் காக்கைக்கு அன்னமிட்டு முன்னோர்களை வழிபடுவதும், குதிரைகளுக்கு கொள்ளு தருவதும், கடம்ப மரம் தலவிருட்சமாகக் கொண்ட குளித்தலை கடம்பவனேஸ்வரர் வணங்குவதும், திருப்பைஞ்சீலி சென்று யமதர்மராஜாவை வணங்குவதும், எருமை மாட்டிற்கு அவ்வப்போது அகத்திக்கீரை தருவதும், முன்னோர்களுக்கு செய்ய வேண்டிய கடமைகளை தவறாமல் செய்வதும் தங்கள் வாழ்க்கையில் நன்மையை ஏற்படுத்தும். 

 அன்புடன் கார்த்திக் 🌹நம்பெருமாள்-புகழ்🌹

பூரட்டாதி நட்சத்திரகாரர்கள் வியாழக்கிழமைகளில் லட்சுமி குபேர பூஜை செய்வதும், சிங்க வாகனத்தில் இருக்கும் காளி தெய்வத்தை வணங்குவது, உள்ளான் பறவைகளுக்கு உணவளிப்பதும், சித்தர்கள் ஜீவ சமாதிக்கு அமாவாசை பவுர்ணமி நாட்களில் சென்றுவர தங்கள் வாழ்வில் அனைத்து வளங்களும் பெற்று வாழலாம். 

 அன்புடன் கார்த்திக் 🌹நம்பெருமாள்-புகழ்🌹

உத்திரட்டாதி நட்சத்திரக்காரர்கள் பசுபதீசுவரர் மற்றும் பசுக்களை வணங்குவதும், வேப்ப மரம் வளர்த்து வருவதும், கோட்டான் பறவைகளுக்கு உணவளிப்பதும், தங்கள் ஜென்ம நட்சத்திர நாளில் கோ பூஜை செய்வதும், பசுக்கள் வழிபட்ட சிவாலயங்கள் சென்று வழிபடுவதும், காமதேனு  கோவில்களுக்கு செல்வதும் தங்களுக்கு ஏற்படும் அனைத்து இடர்களையும் நீக்கி வாழ்க்கையில் புதிய முன்னேற்றத்தை ஏற்படுத்தும். 

 அன்புடன் கார்த்திக்- நம்பெருமாள் பக்தன்

ரேவதி நட்சத்திரக்காரர்கள் யானைக்கு வாழைப்பழம் கரும்பு வழங்குவதும், சிவபெருமானுக்கு இலுப்பை எண்ணெயால் தீபம் ஏற்றுவதும், தாங்கள் பிறந்த தமிழ் மாதம் ஜென்ம நட்சத்திரத்தன்று ஸ்ரீ ரங்கநாதர் மற்றும் ரங்கநாயகி தாயாரையும் வழிபட தங்கள் வாழ்வில் வசந்தம் உண்டாகும். 

 அன்புடன் கார்த்திக் நம்பெருமாள் பக்தன் 

 🙏🙏ஜாதகம் கணிக்க, திருமண பொருத்தம் பார்க்க🙏🙏

🌷🌷 அன்புடன் astro RK🌷🌷

அங்காள பரமேஸ்வரி அம்மன் 108 போற்றி

 🌷🌷 ஸ்ரீ காவன் காத்தாயி ஜோதிட நிலையம்🌷🌷

============================================

🌹 🌿 ஸ்ரீ அங்காள பரமேஸ்வரி அம்மன் 108 போற்றி🌿🌹

 வெள்ளி, செவ்வாய் கிழமைகளில் கீழே கொடுக்கப்பட்டுள்ள அங்காள பரமேஸ்வரி அம்மன் 108 போற்றியை சொல்லி வந்தால் தடைகள் நீங்கி வளமான வாழ்க்கை கிடைக்கும்

1. ஓம் அங்காள அம்மையே     போற்றி

2. ஓம் அருளின் உருவே     போற்றி

3. ஓம் அம்பிகை தாயே     போற்றி

4. ஓம் அன்பின் வடிவே     போற்றி

5. ஓம் அனாத ரட்சகியே     போற்றி

6. ஓம் அருட்பெருந்ஜோதியே     போற்றி

7. ஓம் அன்னப்பூரணியே     போற்றி

8. ஓம் அமுதச் சுவையே     போற்றி

9. ஓம் அருவுரு ஆனவளே     போற்றி

10. ஓம் ஆதி சக்தியே     போற்றி

11. ஓம் ஆதிப்பரம் பொருளே      போற்றி

12. ஓம் ஆதிபராசக்தியே     போற்றி

13. ஓம் ஆனந்த வல்லியே     போற்றி

14. ஓம் ஆன்ம சொரூபினியே     போற்றி

15. ஓம் ஆங்காரி அங்காளியே     போற்றி

16. ஓம் ஆறுமுகன் அன்னையே     போற்றி

17. ஓம் ஆதியின் முதலே     போற்றி

18. ஓம் ஆக்குத் சக்தியே     போற்றி

19. ஓம் இன்னல் களைவாளே     போற்றி

20. ஓம் இடர்நீக்குவாளே     போற்றி

21. ஓம் இமயத்து அரசியே     போற்றி

22. ஓம் இச்சா சக்தியே     போற்றி

23. ஓம் இணையிலா தெய்வமே     போற்றி

24. ஓம் இரவு பகலாகி இருப்பவளே     போற்றி

25. ஓம் இயக்க முதல்வியே     போற்றி

26. ஓம் இறைவனின் இறைவியே     போற்றி

27. ஓம் இகம்பர சுகமே     போற்றி

28. ஓம் ஈசனின் தாயே     போற்றி

29. ஓம் ஈஸ்வரி தாயே     போற்றி

30. ஓம் ஈகைப் பயனே     போற்றி

31. ஓம் ஈடில்லா தெய்வமே     போற்றி

32. ஓம் ஈசனின் பாதியே     போற்றி

33. ஓம் ஈஸ்வரி அங்காளியே     போற்றி

34. ஓம் ஈசனின் இயக்கமே     போற்றி

35. ஓம் ஈஸ்வரி ஆனவளே     போற்றி

36. ஓம் ஈகை குணவதியே     போற்றி

37. ஓம் உண்மை பொருளே     போற்றி

38. ஓம் உலகை ஈன்றாய்     போற்றி

39. ஓம் உலகில் நிறைந்தாய்     போற்றி

40. ஓம் உருவம் ஆனாய்     போற்றி

41. ஓம் உமை அம்மையே     போற்றி

42. ஓம் உயிரே வாழ்வே     போற்றி

43. ஓம் உயிராய் இருப்பாய்     போற்றி

44. ஓம் உடலாய் அ¬ந்தாய்     போற்றி

45. ஓம் உமாமகேஸ்வரியே     போற்றி

46. ஓம் ஊனுயிர் ஆனாய்     போற்றி

47. ஓம் ஊக்கம் அருள்வாய்     போற்றி

48. ஓம் ஊழ்வினை அறுப்பாய்     போற்றி

49. ஓம் ஊரைக்காப்பாய்     போற்றி

50. ஓம் ஊழலை ஒழிப்பாய்     போற்றி

51. ஓம் ஊக்கமாய் நிறைவாய்     போற்றி

52. ஓம் ஊடல் நாயகியே     போற்றி

53. ஓம் ஊழ்வினை களைவாய்     போற்றி

54. ஓம் ஊற்றும் கருணை மழையே     போற்றி

55. ஓம் எங்கும் நிறைந்தாய்     போற்றி

56. ஓம் எங்களை காப்பாய்     போற்றி

57. ஓம் எண்குண வல்லி     போற்றி

58. ஓம் எழில்மிகு தேவி     போற்றி

59. ஓம் ஏழிசைப் பயனே     போற்றி

60.ஓம் ஏகம்பன் துணைவி     போற்றி

61. ஓம் ஏகாந்த ருபிணியே     போற்றி

62. ஓம் ஏழையை காப்பாய்     போற்றி

63. ஓம் ஐங்கரன் தாயே     போற்றி

64. ஓம் ஐயனின் பாகமே     போற்றி

65. ஓம் ஐயம் தெளிந்தாய்     போற்றி

66. ஓம் ஐம்பொறி செயலே     போற்றி

67. ஓம் ஐம்புலன் சக்தியே     போற்றி

68. ஓம் ஒருமாரி உருமாரி     போற்றி

69. ஓம் ஒன்பான் சுவையே     போற்றி

70. ஓம் ஒலி ஒளி ஆனாய்     போற்றி

71. ஓம் ஒப்பில்லா சக்தி     போற்றி

72. ஓம் ஒழுக்கம் அருள்வாய்     போற்றி

73. ஓம் ஒங்காரி ஆனாய்     போற்றி

74. ஓம் ஒங்காரி அங்காளி     போற்றி

75. ஓம் ஓம்சக்தி தாயே     போற்றி

76. ஓம் ஒருவாய் நின்றாய்     போற்றி

77. ஓம் ஒங்கார சக்தியே     போற்றி

78. ஓம் கல்விக் கடலே     போற்றி

79. ஓம் கற்பூர வல்லி     போற்றி

80. ஓம் கந்தன் தாயே     போற்றி

81. ஓம் கனகாம்பிகையே      போற்றி

82. ஓம் கார்மேகன் தங்கையே     போற்றி

83. ஓம் காளி சூலியே     போற்றி

84. ஓம் காக்கும் அங்காளியே     போற்றி

85. ஓம் சங்கரி சாம்பவீ     போற்றி

86. ஓம் சக்தியாய் நின்றாய்     போற்றி

87. ஓம் சாந்தவதியே     போற்றி

88. ஓம் சிவகாம சுந்தரி     போற்றி

89. ஓம் சினம் தணிப்பாய்     போற்றி

90. ஓம் சிங்க வாகனியே     போற்றி

91. ஓம் சீற்றம் கொண்டாய்     போற்றி

92. ஓம் சுந்தரவல்லி     போற்றி

93. ஓம் சூரசம்மாரி     போற்றி

94. ஓம் தாண்டவ ஈஸ்வரி     போற்றி

95. ஓம் தாட்சாயணிதேவி     போற்றி

96. ஓம் திரிபுரசுந்தரி     போற்றி

97. ஓம் தீபச் சுடரொளியே     போற்றி

98. ஓம் நடன நாயகி     போற்றி

99. ஓம் நான்மறைப் பொருளே     போற்றி

100. ஓம் நீலாம்பிகையே     போற்றி

101. ஓம் நீதிக்கு அரசி     போற்றி

102. ஓம் பஞ்சாட்சரியே     போற்றி

103. ஓம் பம்பை நாயகியே     போற்றி

104. ஓம் பார்வதா தேவி     போற்றி

105. ஓம் பாம்பின் உருவே     போற்றி

106. ஓம் பார்புகழும் தேவியே     போற்றி

107. ஓம் பிணிக்கு மருந்தே     போற்றி

108. ஓம் பிறவி அறுப்பாய்     போற்றி.

 🙏🙏ஜாதகம் கணிக்க, திருமண பொருத்தம் பார்க்க🙏🙏

🌷🌷 அன்புடன் கார்த்திக்

மூன்று வகையான செல்வங்கள்..,

 🌷🌷 ஸ்ரீ காவன் காத்தாயி ஜோதிட நிலையம்🌷🌷

============================================

 கார்த்திக் 🌹நம்பெருமாள்-புகழ்🌹 

மூன்று வகை செல்வங்கள்..!

லட்சுமி செல்வம் :

பாற்கடலை, மந்தார மலையை மத்தாகவும், வாசுகி பாம்பைக் கயிறாகவும் கொண்டு தேவர்கள் வாலையும், அசுரர்கள் தலையையும் பிடித்துக் கடைய, சந்திரன், ஐராவதம், காமதேனு, தன்வந்திரி இவர்களுடன் மகாலட்சுமியும் வெளிப்பட்டாள். இந்த மகாலட்சுமிதான் இந்திரன் இழந்த செல்வத்தை மீண்டும் அவனுக்குக் கொடுத்தாள்.

மேலும் குபேரனை அளகாபுரிக்கு அதிபதியாக ஆக்கினாள். கிருஷ்ணனின் நண்பனான குசேலனுக்கு அளவற்ற நிதியைக் கொடுத்தாள். இவளின் கடைக்கண் பார்வை தன்மேல் விழாதா என ஏங்கித் தவிக்கும் உள்ளங்கள் பல. இந்த மகாலட்சுமியின் அருளைப் பெற்றவர்களுக்கு பதினாறு வகையான பேறுகளும் வந்து சேரும்.

லட்சுமி செல்வத்தைப் பெற்றவர்களுக்கு மதி மயக்கம் தோன்றாது. இந்த செல்வம் வளர்பிறை சந்திரனைப் போன்று ஓங்கி வளரும். இயல்பிலேயே கொடை உள்ளம் கொண்டவர்களின் மீதுதான் லட்சுமியின் கடைக்கண் பார்வைபடும்.

குபேர செல்வம் :

குபேரனின் தகப்பனார் ஒரு ரிஷி. தாயாரோ அசுர குலத்தை சேர்ந்தவர். குபேரன் ராவணனுக்கு சகோதர முறை. அந்த சகோதரனாலேயே இவரது நகரம் கைப்பற்றப்பட்டு விட, லட்சுமியின் அருளால் தனி நகரத்தை ஏற்படுத்தி கொண்டார். இவர் தவம் செய்து அந்தத் தவ பலத்தினால் சங்கநிதி, பதுமநிதி போன்ற நவநிதிகளுக்கும் அதிபதியானார்.

குபேரனை ஒருவர் மனமுருகிப் பிரார்த்தித்தால், குபேரன் வழங்கும் குபேர செல்வம் அந்த பக்தருக்கு திடீர் செல்வமாக வந்து சேரும். அதாவது லாட்டரி, அறக்கட்டளை ஏற்படுத்தி அடையும் சுய லாபம் போன்றவையே அச்செல்வங்கள். திடீரென இந்த செல்வம் எப்படி ஒருவருக்கு வந்ததோ அதைப் போன்றே விரைவில் மறைந்துவிடவும் செய்யும்.

எனவே, இத்தகைய செல்வத்தை பெற்றவர்கள் மிகுந்த எச்சரிக்கையோடு மரம் நடுதல், அன்னதானம், படிக்கும் குழந்தைகளுக்கு இலவசக் கல்வி வழங்குதல், ஏழைப் பெண்களுக்கு திருமணம் செய்து வைப்பது போன்ற பொதுக் காரியங்களுக்கு செலவழிக்க வேண்டும். 

இந்திர செல்வம் :

போகி என்ற பண்டிகையை இந்திரனை முன் வைத்தே கொண்டாடுகிறோம். கிழக்கு திக்கின் அதிபதியாகத் திகழும் இந்திரன், தேவர்களின் தலைவனும் கூட, இந்திரனைப் பிரார்த்திப்பவர்கள் வெகு சிலரே. பசு, வீடு, அரச போகம் மற்றும் பொன், பொருட்சேர்க்கை போன்றவை இந்திர சம்பத்தின் அடையாளங்கள்.

இந்திரன் அருளால் அடையும் செல்வம் மூன்று தலைமுறைகள் வரை வருவது அரிதிலும் அரிது. சிலருக்கு ஒரே தலைமுறையில் கூட மறைந்துவிடும். இந்தச் செல்வம் நிலைக்க விரும்புபவர்கள் கிரிவலம் வருதல், குல தெய்வத்தைப் பூஜித்தல் போன்ற நற்காரியங்களில் ஈடுபட்டால் நன்மை உண்டாகும்.

 🙏🙏ஜாதகம் கணிக்க, திருமண பொருத்தம் பார்க்க🙏🙏

🌷🌷 கார்த்திக்

சூரியன் சனி சேர்ந்து பார்க்கும் பாவகம்...

 🌷🌷 ஸ்ரீ காவன் காத்தாயி ஜோதிட நிலையம்🌷🌷

============================================

 கார்த்திக் 🌹நம்பெருமாள்-புகழ்🌹 

சூரியன் சனி இருவரும் சேர்ந்து இருப்பது அல்லது இவர்கள் இருவரும் சேர்ந்து ஒரு பாவகத்தை பார்ப்பது பற்றிய ஆய்வு. 

🌹 பொதுவாகவே நாம் சூரியன் என்றவுடன் தலைமை பண்பு, முதலமைச்சர், பிரதமர், ஐஏஎஸ், ஐபிஎஸ், குடும்பத் தலைவரான அப்பா என அடுக்கிக்கொண்டே செல்வோம்.. 

 

🌹அதேபோல சனி என்றவுடன் சூரியனுக்கு நேர் மாறாக அவர்கள் தலைமையின் கீழ் வேலை செய்யும் பணியாட்கள், சூரியனின் அதிகார வரம்பிற்கு உட்பட்டு வேலை செய்பவர்கள். வீடுகளில்,  ஏன் துப்புரவு பணி வீடு கூட்டுதல் கூட தலைமை ((கணவருக்கு)) கிடையாது அவர்கள் தலைமையின் கீழ் மனைவிகள் மற்றும் மற்ற குடும்பத்தினர் மட்டுமே.

🌹 இவர்கள் இருவரும் ஒரு இணையத்தில் இணைந்து பணியாற்ற இயலாது,  இவர்கள் இருவரும் சேர்ந்து ஒரு பாவகத்தில் இருப்பார்கள் எனில் அந்தப் பாவகம் சம்பந்தப்பட்ட உறவு துண்டிக்கப்படுகிறது, பொதுவாகவே நாம் படித்திருப்போம் பலரும் கூறக் கேட்டிருப்போம், சூரியன் சனி சேர்ந்திருந்தால் தந்தை மகனுக்கு ஆகாது என...

🌹 உதாரணமாக ஒரு பெண்ணின் ஜாதகத்தில் சூரியன் மற்றும் சனி சேர்ந்து எட்டில் இருப்பதாக வைத்துக் கொள்ளுங்கள், எட்டாம் பாவகம் பெண்ணிற்கு கணவரின் குடும்ப ஸ்தானம் என்பதால் சூரியன் சனி இணைந்து இருப்பது மட்டுமில்லாமல் சூரியன் சனி பார்க்கும் இடமான இரண்டாம் பாவகம்  முழுமையாக கெடுகிறது,, எவ்வாறு கெடுக்கிறது எனில் அந்தப் பெண்ணின் கணவருடனான தாம்பத்ய சுகம் கிடைக்க தராமை, குழந்தையின்மை, விவாகரத்து, போன்றவை ஏற்பட்டு மன உளைச்சல் மிகத்தீவிரமாக இருப்பதற்கு வழிவகை செய்யும். பெண்ணாக இருந்தாலும் சரி ஆணாக இருந்தாலும் சரி இது போன்ற ஜாதகர்கள் கணவர் மனைவிக்கு துரோகம் இழைத்தவர் ஆகவே இருப்பார்கள்.

🌹 சூரியன் சனியின் பார்வையைப் பற்றி பார்ப்போம்...

சூரியன் 11 இல் இருந்து ஏழாம் பார்வையாக மற்றும் சனி எட்டில் இருந்து பத்தாம் பார்வையாக ஐந்தாம் இவர்கள் இருவரும் பார்ப்பார்கள், இருவரும் அந்த பாவகத்தை பார்க்கும் பொழுது முழுமையாக கெடுகிறது, பூர்வீக சொத்தில் பிரச்சனை, குழந்தை தாமதம் அல்லது குழந்தையின்மை, பங்காளிகளுடன் ஆன சண்டைகள் சகோதரச் சண்டைகள், தாய் வழி சாபம், மாமன்ளுக்கு விரயச் செலவு போன்றவை அதிகமாக நிகழ்கிறது.

🌹 அதே போல இவர்கள் இருவரும் எட்டாம் பாவத்தில் இருந்து பார்க்கும் பொழுது 7-ஆம் பார்வையாக 2-ஆம் இடத்தையும் பார்ப்பதால் கணவன் மனைவி குழந்தை என அந்த பாவகம் குடும்ப ஸ்தானத்தை முழுமையாக அடையாது, அதாவது ஏதாவது ஒரு குறை இருந்து கொண்டே இருக்கும் ஒன்று கணவர் இருக்க மாட்டார் மனைவி இருக்கமாட்டார் அல்லது குழந்தை இருக்காது இதுபோல ஏதாவது ஒரு பிரச்சனை அந்த பாவத்தை சார்ந்து இருந்துகொண்டே இருக்கும்

🌷 இதுபோன்ற அமைப்புள்ள ஜாதகர் வீட்டில் திடீரென நிகழும் அசம்பாவிதங்கள் மற்றும் கண்டங்கள் காரணமாக  குடும்பங்களில் சஞ்சலங்கள் ஏற்படுவதை காணலாம்

🌹 இதற்கெல்லாம் தீர்வுதான் என்ன...?? 

 கண்டிப்பாக உண்டு... என்னவென்றால் தில ஹோமம் செய்யப்படுதல் மிக அவசியம், வருஷ திதி சிரார்த்தம் மிக மிக அவசியம், அம்மாவாசை தினங்களில் பித்ரு பூஜை சார்ந்த முன்னோர் வழிபாடு செய்யப்படுதல் வேண்டும். மேலும் குடும்பத்தாருடன்

(( ஒருவர் கூட விடுபடக் கூடாது அனைவரும் வரவேண்டும் )) சேர்ந்து குலதெய்வத்திற்கு பொங்கலிட்டு வஸ்திரம் சாற்றி நெய் விளக்கேற்றி வழிபாடு செய்யப்பட வேண்டும்.

🌹 பலரும் சூரியன் சனி இணைந்த பாவகத்தை மட்டுமே ஆய்வு செய்து இருப்பார்கள்.. அவர்கள் இருவரும் சேர்ந்து பார்க்கும் பாவகத்தின் பிரச்சனைகளை நான் கூறிவிட்டேன்.. வெளிப்படையாகவே அனைத்து பலன்களும் சொல்ல இயலாது, உங்களால் ஓரளவு இதனை யூகித்துக் கொள்ள இயலும்.

 🌷இவர்கள் பார்க்கும் பொழுது அந்த பாவத்தை சுபக்கிரகங்கள் பார்த்தால் பிரச்சனை கொடுத்து நல்ல தீர்வை காட்டும்,, அதாவது விபத்தை கொடுத்து அதற்கான மருத்துவத்தையும் கொடுக்கும்,, சுப கிரகங்கள் சூரியன் சனி பார்க்கும் பாவகத்தை பார்க்க வில்லை எனில் என்ன மருத்துவத்தை மேற்கொண்டாலும் பயனில்லை

 ஓம் நமோ நாராயணாய

 🙏🙏ஜாதகம் கணிக்க, திருமண பொருத்தம் பார்க்க🙏🙏

🌷🌷 அன்புடன் astro RK🌷🌷

அந்த 96 நாட்கள்...

 கார்த்திக்🌹நம்பெருமாள்-புகழ்🌹 

 அந்த 96 நாட்கள்..... 

 யுகாதி              4

 அமாவாசை-  12

 மாதபிறப்பு    12

அஷ்டகா         12

மன்வாதி        14

வைத்ருதி-      13

வ்யதீபாதம்     13

மஹாளயம்     16

 ஆக மொத்தம்  96. 

அஷ்டகா மார்கழி, தை, மாசி ,பங்குனி மாதங்க்களில் க்ருஷ்ன பக்ஷ சப்தமி, அஷ்டமி, நவமி திதிகளீல் வரும்.

 இந்த 96 நாட்களில் வீட்டில் எந்தவித சுபகாரியங்களும் நிகழ்த்த படாமல் நமது வீட்டில் இறந்த முன்னோர்களுக்கு சிரார்த்தம் செய்ய சகலவித பாவங்களும் தோஷங்களும் நீங்கி ((உதாரணமாக செவ்வாய் தோஷம் ராகு தோஷம், குரு சாபம் போன்ற எல்லா தோஷங்களும் சாபங்களும் )) சகல செல்வங்களுடன் முன்னோர்கள் ஆசியுடன் நாம் சிறப்புடன் வாழலாம். 

 இந்த 96 நாட்களில் வீட்டில் சுத்தமாக இருந்து அதாவது தம்பதியினர் கள் உடலுறவு கொள்ளாது இருந்து, வீட்டில் அசைவம் சமைக்காமல் இருந்து, வீடு வாசல்களில் கோலம் போடாமல் இருந்து, இதுபோல சிரார்த்த சுத்தங்களை நாம் மேற்கொண்டோம் ஆனால் சகல செல்வம் உடன் வாழலாம், 

 இதன் மூலம் நமக்கு கிடைப்பது காலாகாலத்தில் திருமணம், சரியான நேரத்தில் வேலை வாய்ப்புகள், சந்தான பாக்கியம் அதாவது குழந்தை பாக்கியம் போன்றவைகள் தங்களுக்கு உறுதியாகக் கிடைக்கும்,  

 இந்த 96 நாட்களில் சிராத்தம் செய்ய இயலாதவர்கள் அந்த நாட்களில் குப்த காலத்திலும் அல்லது பித்ரு காலத்திலும் பசு மாட்டிற்கு அகத்தி கீரை,  வெல்லம் கலந்த பச்சரிசி, காகத்திற்கு எள் கலந்த சாதம், பசியால் வாடும் ஏழை ஒருவருக்கு உணவு இவற்றில் ஏதாவது ஒன்று முழு மனதுடன்  செய்தாலே முறையான சிரார்த்த பலன்கள் செய்ததற்கு சமமாகும். 

 இந்த 96 நாட்கள் சிரார்த்தம் செய்பவர்கள் ஆவணி மாதத்தில் வரும் ஆவணி முழக்கம் நாளன்று பங்காளிகளுடன் ஒன்றுகூடி குலதெய்வ வழிபாட்டை மேற்கொண்டால் தங்களுக்கு நவக்கிரகம் மட்டுமல்ல எந்த கிரகமும் தங்களுக்கு தடையாக செயல்படாது. 

 பித்ரு வழிபாடு + குலதெய்வ வழிபாடு = சிவபெருமான் மற்றும் விஷ்ணு பகவானால் பேரருள் கிடைக்கும். 

 அன்புடன்

 கார்த்திக்நம்பெருமாள்-பக்தன்

கேந்திராதிபத்திய தோஷம்

 கார்த்திக்🌹நம்பெருமாள்-புகழ்🌹 

கேந்திராதிபத்திய தோஷம்

1, 4, 7, 10 பாவங்கள் கேந்திர பாவங்கள் ஆகும்.  இவற்றின் அதிபதிகள் கேந்திராதிபதிகள் ஆவார்கள். ஒன்றாம் பாவமாகிய லக்னம் கேந்திரம் மற்றும் திரிகோணம்  ஆனாலும், இந்த பாவம் பெரும்பாலும் கேந்திர பாவமாகவே கருதப்படுகிறது.

 

கிரஹங்கள் பொதுவாக லக்ன வாரியாக சுபர் மற்றும் அசுபர் என்று பிரிக்கப்பட்டுள்ளன. இந்த கிரஹங்கள், தங்களது தசா புக்தியின் போது நல்ல மற்றும் தீய பலன்களை முறையே வழங்குகின்றன.  இதே கிரஹங்கள்  கேந்திராதிபதியாக வரும்பொழுது தங்களது நல்ல மற்றும் தீய பலன்களை   மாறி வழங்குகின்றன. அதேசமயம்,  இந்த கிரஹங்கள்  கோணாதிபதியாக வரும்பொழுது சுபர் ஆனாலும் அசுபர் ஆனாலும் நல்ல பலன்களை தருகின்றன.  குரு,  சுக்கிரன்,  வளர்பிறை சந்திரன், சுபர்களுடன் சேர்ந்த புதன் ஆகியோர் சுப கிரஹங்கள் ஆவார்கள்.  சூரியன், செவ்வாய், சனி, ராகு,  கேது, தேய்பிறை சந்திரன் அசுபர்களுடன் சேர்ந்த புதன் ஆகியோர் அசுப கிரஹங்கள் ஆவார்கள்.

 

சுக்கிரன் சந்திரனுடன் 3, 4, 6, 12 வீடுகளில் சேர்ந்திருந்தால்  பலம் பெறுகிறது. சூரியனுடன் சேராத புதன் தனுசு ராசியில் பலம் பெறுகிறது. விருச்சிக ராசியில் குரு பலம் பெறுகிறார். 3, 6, 11 வீட்டு அதிபதிகள் சுபராக இருந்து மேலும் கேந்திர அதிபதிகளுடன் இருப்பது  பாப கேந்திராதிபதி என்று கருதப்படுகிறது.  இதே கிரஹங்கள் கோணாதிபதிகள் கூட இருந்தால் ராஜ யோகத்தை கொடுப்பார்கள்.

 

மேஷம்,  மகரம் மற்றும் துலாம் இராசிகளுக்கு சந்திரன் முறையே 4, 7, 10  பாவ அதிபதியாக வருவதால் கேந்திராதிபத்திய தோஷம் அடைகிறார். இங்கு சிறிதளவே தீய பலன்கள் நடக்கின்றன – அதாவது தாயின் ஆரோக்கியம்,  ஜாதகரது திருமணம்,  மற்றும் வேலைவாய்ப்பு. ஆகியவற்றில் சிறிதளவு பாதிப்பு ஏற்படுகிறது.

 

பாவிகளால் பாதிக்கப்படாத புதனுக்கு  மிதுனம்,  கன்னி,  தனுசு,  மீனம் ஆகிய இராசிகளில் கேந்திராதிபத்திய தோஷம் ஏற்படுகிறது. இவர் மிதுனம் மற்றும் கன்னியில் அமரும்போது அந்த வீடுகள் உச்ச அல்லது ஆட்சி வீடாக அமைவதால் கேந்திராதிபத்திய தோஷம் செயல்படாது.

 

மீன லக்னத்திற்கு 7 ஆம் வீட்டில் புதன் உச்சம் அடைந்தாலும் ஜாதகருக்கு 4 மற்றும் 7-ம் வீட்டு வேலைகள் சரிவர நடக்காது.

 

மிதுனம் மற்றும் கன்னி லக்னங்களுக்கு குரு கேந்திராதிபத்திய தோஷம் அடைகிறார். மேலும் இவர் ஏழாம் வீட்டு அதிபதி ஆகி மாரக தோஷம் அடைகிறார். இந்த காரணங்களால் அவர் கடுமையான விளைவுகளை ஏற்படுத்துவார்.

 

குருவும்,  புதனும் ஒருவருக்கொருவர் பாதகாதிபதி ஆகிறார்கள். மேலும் இவர்கள் லக்னாதிபதிக்கு பகை கிரஹமாகவும் ஆகிறார்கள். குருவானவர் கேந்திர வீடுகளில் அமர்ந்து அது உச்ச அல்லது ஆட்சி வீடானால் ஹம்ச மஹா புருஷ யோகம் ஏற்படுகிறது.  இதனால் ஜாதகருக்கு நன்மையே உண்டாகும். மேலும் இந்த குரு திரிகோண ஸ்தானங்களிலோ உபசய ஸ்தானங்களிலோ அமர்ந்தால் கெட்ட பலன்கள் நீங்கி நன்மையே நடக்கும். அதேசமயம் தனுசு அல்லது மீன இராசியில் மாந்தி அமர்ந்தால் குரு பாபகராக செயல்படுவார்.

 

சிம்ம லக்னத்துக்கு 3 மற்றும் பத்தாம் வீட்டு அதிபதியான சுக்கிரன் கேந்திராதிபத்திய தோஷம் பெற்று வேலை சம்பந்தமான பிரச்சினைகளை கொடுப்பார்.

 

கடக லக்னத்திற்கு நான்காம் வீட்டு அதிபதி சுக்கிரனும் கேந்திராதிபத்திய தோஷம் அடைகிறார் இது சுக ஸ்தானம் ஆக இருப்பதால் குடும்ப சூழ்நிலையில் பிரச்சனை உருவாகும்  மேலும் இவர் பதினொன்றாம் வீட்டு அதிபதி ஆகவும் வருவதால் குடும்ப வாழ்க்கையில் சந்தோஷம் இருக்காது

 

மேஷம் மற்றும் விருச்சிக லக்னங்களுக்கு சுக்கிரன் மாரக அதிபதியாக வருவதால் அதிக கஷ்டங்களை கொடுப்பார்.  இவர் ஏழாம் வீட்டு அதிபதியாக அமைந்து அது அவருடைய மூல திரிகோண வீடாகவும் இருப்பதால் திருமண விஷயங்களில் கண்டிப்பாக பிரச்சனை ஏற்படும்.

 

கேந்திராதிபத்திய தோஷம் ஆனது இயற்கை சுபர்களுக்கு மட்டுமே உண்டு மேலும் இது கிரஹம் அமரும் வீட்டையும் பொறுத்து மாறும்.  இராசி கட்டத்தில் ஒரு கிரஹம் கேந்திராதிபத்திய தோஷம் அடையும்போது வர்க்க சக்கரங்களில் அவை நன்கு அமைந்தாலும் தீய பலன்களையே கொடுக்கும். இந்த தோஷத்தின் பலனானது கிரஹத்தின் தசை காலங்களில் அதிகமாகவும் புக்தி காலங்களில் குறைவாகவும் வெளிப்படும். ஒரு கிரஹம் கேந்திராதிபத்திய தோஷத்தை அடைந்து மற்றொரு கேந்திர அல்லது உபசய வீட்டின் அதிபதியுடன் அமரும் போது இந்த தோஷம் பாதிப்பை ஏற்படுத்துவதில்லை. இதேபோல் பாதகாதிபதிகள் 6, 8, 12 வீடுகளில் அமரும் போதும், ஜாதகத்தில் மஹா புருஷ யோகம் ஏற்படும் போதும் கேந்திராதிபத்திய தோஷம் ஏற்படுவதில்லை.  மற்றும் தனம் அல்லது ராஜ யோகங்களை இவை பாதிப்பதில்லை. இந்த தோஷம் குருவுக்கு அதிகமாகவும் சுக்கிரனுக்கு அதற்கு அடுத்த படியாகவும் கெடுதல் செய்யும். புதனுக்கும் சந்திரனுக்கும் இதைவிட குறைந்த கெடுதல் பலன்களே நடக்கும். கேந்திரம் அல்லது திரிகோண அதிபதியுடன் சேரும்போது தோஷ பாதிப்பு அதிகமாக இருக்காது. மேற்கூறிய காரணங்களினால் கேந்திராதிபத்திய தோஷத்தை ஒரு பெரிய பாதிப்பாக எடுத்துக்கொள்ள வேண்டியதில்லை.

 

கேந்திராதிபதி நான்காம் வீட்டில் இருக்கும்போது, அதுவும் முக்கியமாக மேஷ லக்னத்திற்கு, அதனுடைய தசா காலங்களில் கெட்ட பலனை ஏற்படுத்துகிறது. மகர மற்றும் கும்ப லக்ன காரர்களுக்கு நான்கு மற்றும் பத்தாம் வீட்டு அதிபதிகள் 5 மற்றும் 9 வீடாகிய திரிகோணத்தையும் ஆட்சி செய்வதால் கேந்திராதிபத்திய தோஷம் பாதிக்காது. மகா புருஷ யோகம் அமையும் நிலையில், சுக்கிரன் கேந்திராதிபத்திய தோஷத்தை கொடுக்க மாட்டார்

🙏🌹🌹🌹🙏🙏🙏