குரு பெயர்ச்சி 2021-2022 -- கடகம்

கடகம் ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  கடகம் ராசிக்கு 6ம் வீடாகிய ரணம்,ருண ஸ்தானாதிபதி மற்றும் 9ம் வீடாகிய பாக்கிய ஸ்தானத்திற்கு உரிய குரு பகவான் தங்கள் ராசிக்கு  8ம்வீடான அட்டமஸ்தானத்தில் அமர்ந்து 5-ஆம் பார்வையால் தங்களின் ராசியின் 12ம் இடத்தையும் , ஏழாம் பார்வையால் தங்களின் தனஸ்தானமாகிய 2ம் இடத்தையும் , 9-ஆம் பார்வையால் சுகஸ்தானமாகிய 4ம் இடத்தையும் பார்க்கிறார்.

இதுநாள் வரை இருந்து வந்த குருவின் பார்வை விலகுவதாலும் கஷ்டத்தைத் தரும் எட்டாம் வீட்டில் குரு அமர்வதாலும் ஒரு சில இடைஞ்சல்களை சந்திக்க உள்ளீர்கள். நினைப்பது ஒன்றாகவும் நடப்பது ஒன்றாகவும் அமைவதால் மன வருத்தம் உண்டாகும். மூத்த சகோதர வகையில் சில சஞ்சலங்கள் உருவாகும்,, எதையும் அவசர முடிவுகள் எடுக்காமல் தங்கள் நலனில் அக்கறை கொண்டவர்களிடம் ஆலோசனை பெற்று முடிவு எடுப்பதே சிறந்தது, குரு பகவான் 12-ஆம் இடத்தை பார்வை செய்தாலும் சுபச் செலவுகள் அதிகரிக்கும், குரு பெயர்ச்சி காலத்தில் தங்கள் ராசிநாதன் சந்திரன் உச்சம் பெறுவதால் இந்த குருப்பயர்ச்சி தங்களுக்கு தடைகளைத் தாண்டியே நன்மைகளை தரும், சிலருக்கு புதிய வேலை வாய்ப்புகள் உருவாகும், புனர்பூசம் நட்சத்திரக்காரர்கள் சற்று அதிக எச்சரிக்கையுடன் செயல்படவேண்டிய காலம் இது, பூசம் நட்சத்திரகாரர்களுக்கு சனி தங்கள் ராசிநாதன் சாரத்தில் பயணம் செய்யும் காலத்தில் பெரிய அளவில் பாதிப்பு இருக்காது, செவ்வாய்சாரத்தில் பயணம் செய்யும் காலத்தில் எச்சரிக்கையாக இருப்பது மற்றும் அனாவசிய முடிவுகளை தடுப்பது, அடுத்தவர் பிரச்சனகளில் தலையிடாமல் இருப்பதே நல்லது, ஆயில்யம் நட்சத்திரகாரர்களுக்கு இந்த குருபெயர்ச்சி காலத்தில் புதன் நான்கில் இருப்பதால் வீடு வண்டி வாகனம் வாங்க கூடிய சூழல் அல்லது அதனை புதுப்பிக்க வேண்டிய சூழல் உருவாகும், தலையில் உருவாகக்கூடிய அனைத்து பிரச்சனைகளும் கண் காது மூக்கு உட்பட பிரச்சனை ஏற்பட்டால் உடனடியாக மருத்துவரை அணுகுவது நல்லது. சிலருக்கு வண்டி வாகனங்கள் பழுது பார்த்து புதுப்பித்தல் அல்லது புதிதாக வாகனம் வாங்கும் யோகமும் வரும், சிலருக்கு சொந்த வீடு அமைப்பு ஏற்படும்.

 குடும்பம் நிதி பொருளாதாரம்

 குரு தங்கள் 2-ஆம் இடத்தைப் பார்ப்பதால் பொருளாதாரத்தில் முன்னேற்றம் இருந்தாலும் சிலருக்கு பொறாமையாக இருக்கும், வரவுகள் ஒருபக்கம் இருக்க செலவுகளும் கூடிக் கொண்டே இருக்கும்.தொழில்முறையில் யாரிடமும் உங்கள் எதிர்ப்பினைக் காட்டாதீர்கள். நேரம் சரியாக இல்லை என்பதை உணர்ந்து அமைதியாக செல்லுங்கள். மேல் அதிகாரிகளுடன் சண்டை போடாமல் அனுசரித்து செல்ல வேண்டும், வெளியில் சந்திக்கும் பிரச்னைகள் காரணமாக உண்டாகும் கோபத்தினை குடும்பத்தினரிடம் காட்டுவதால் அவர்களது வெறுப்பிற்கு ஆளாகலாம். கடன் பிரச்னைகள் தலையெடுக்கும் என்பதால் கொடுக்கல் வாங்கலில் சிறப்பு கவனம் தேவை. சிக்கனத்தைக் கையாள்வதும் மிக அவசியமாகும், மனைவி அல்லது கணவன் வழி உறவுகளில் சில விரிசல்கள் ஏற்படும் ஏற்பட வாய்ப்பு உண்டு. சிரமமான சூழல் நிலவுவதால் தொழிலை விரிவுபடுத்தவும் அல்லது மேற்கொண்டு  புதிய தொழிலை தொடங்கவும் வேண்டாம்,, உங்கள் குடும்பத்தினர் உங்கள் கருத்துக்களை புரிந்து கொள்வார்கள் என எண்ண வேண்டாம், உங்கள் குடும்பத்தினர் கருத்துக்கு இணங்க செயல்பட வேண்டிய காலமிது, ராசி ஒருபுறமிருக்க தங்களுக்கு தசா புத்தி சரியாக இருந்தால் சிலருக்கு திருமணம் அமையும்

 மாணவர்கள்

 குரு தனது ஏழாம் பார்வையால் 4-ஆம் இடத்தைப் பார்க்கும் பொழுது அவ்விடத்தில் வித்யாகாரகன் புதன் இருப்பதால் கல்வியில் மிகுந்த முன்னேற்றத்தை ஏற்படுத்தும், ரொம்ப நாளாக நீட் போன்ற தேர்வுக்கு முயற்சி செய்தவர்கள் கிடைக்க வாய்ப்பு உள்ளது. தேர்வு எழுதும் பொழுது அவசரம் காட்டும் பட்சத்தில் உங்களுக்கு மதிப்பெண் குறைய வாய்ப்புள்ளது,, புதனுடன் செவ்வாய் சேர்ந்து இருப்பதால் சிவில் சம்பந்தப்பட்ட இன்ஜினியரிங் படிப்புகள் மற்றும் ஆய்வுகள் பற்றிய படிப்புகள் மேற்கொள்பவர்கள் கனவு நனவாகும்.கணிதவியல், கணிப்பொறி அறிவியல்,  வணிகவியல் பாடங்களைச் சேர்ந்த மாணவர்கள் நல்ல முன்னேற்றம் காண்பார்கள்.

 தொழில்

 தங்களின் தங்களின் தொழில் காரகர் செவ்வாய்க்கு குருவின் பார்வை இருப்பதால், புத்திசாலித்தனத்துடன் இருந்தால் மட்டுமே புதிய தொழில் தொடங்க வேண்டும், யாரையும் நம்பி கூட்டு தொழில் ஆரம்பிக்க வேண்டாம்,, குருவின் எட்டாம் இடத்து அமர்வினால் தொழில்முறையில் மந்தமான சூழலை உணர்வீர்கள். ஒரு சிலர் உங்கள் வளர்ச்சியைக் கண்டு பொறுக்காது வேண்டுமென்றே உங்களுக்கு அவப்பெயரை உண்டாக்க முயற்சிப்பார்கள். தொழில்முறையில் யாரிடமும் உங்கள் எதிர்ப்பினைக் காட்டாதீர்கள். தொழிலில தடைகளை தாண்டி சமாளிக்க வேண்டிய சூழல் உருவாகும், ஒருபுறம் தங்களுக்கு கண்டகச்சனி நடந்து கொண்டிருக்க கூட்டாளிகளுடன் மிகுந்த கவனத்துடன் செயல்பட வேண்டும், ஒப்பந்தங்கள் சரியாக இருக்கின்றனவா அல்லது ஒப்பந்தங்கள் புதுப்பிக்கப்பட்டு உள்ளனவா என்றும் சரி பார்த்துக் கொள்ள வேண்டும், இந்த குரு பெயர்ச்சியில் நீங்கள் நீங்களாக இருந்தாலே நன்மையானது, பிறர் தலையிட்டால் உங்கள் நிலை பலவீனமடையும் என்பதை கவனத்தில் கொள்ள வேண்டும்

 பரிகாரம்

 பௌர்ணமி அன்று மீனாட்சியம்மன் கோவில் சென்று வழிபட தங்களுக்கு குரு பெயர்ச்சி காலத்தில் ஏற்படும் அனைத்து துன்பங்களும் விலகி, மகிழ்ச்சியை தரும் பெயர்ச்சியாக உங்களுக்கு அமையட்டும்

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும், 

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர்

குரு பெயர்ச்சி 2021-2022 -- மிதுனம்

 மிதுனம் ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  மிதுனம் ராசிக்கு 7ம் வீடாகிய களத்திர ஸ்தானாதிபதி மற்றும் 10ம் வீடாகிய ஜீவன ஸ்தானத்திற்கு உரிய குரு பகவான் தங்கள் ராசிக்கு  ஒன்பதாம் வீடான பாக்கிய ஸ்தானத்தில் அமர்ந்து 5-ஆம் பார்வையால் தங்களின் ராசியையும், ஏழாம் பார்வையால் தங்களின் தைரிய வீரிய ஸ்தானமாகிய மூன்றாம் பாகத்தையும், 9-ஆம் பார்வையால் பூர்வ புண்ணிய ஸ்தானத்தையும் பார்க்கிறார்.

 பொதுவாக குரு பார்க்க கோடி நன்மை என்பார்கள்,, குரு தனது சிறப்பு பார்வையால் உங்கள் ராசியையும் பூர்வ புண்ணிய ஸ்தானத்தையும் பார்ப்பது உங்கள் ராசிக்கு இந்த குருபெயர்ச்சி மிகுந்த பொற்காலம் என்றே கூறலாம், குரு ராசியை பார்க்கும் பொழுது முதன்மையாக தங்களின் ஜீவனத்திற்கு ஏதேனும் உதவி புரியும் வகையில் வேலையில்லாதவர்களுக்கு ஏதாவது ஒருவகையில் வேலையை அமர்த்தி வைப்பார் வைப்பார், ஆசிரியர் பணியில் முயற்சி செய்பவர்களுக்கு நன்மையை ஏற்படுத்தும் இது, சுய தொழில் செய்பவர்கள் மிகுந்த லாபத்தை காணலாம், அதேசமயம் ராசியை பார்க்கும் குருவால் தங்கள் வீட்டில் நிச்சயம் மழலைச் சத்தம் கேட்கும் அதாவது குழந்தை இல்லாதவர்களுக்கு குழந்தை உருவாகும், கடந்த அதிசார பெயர்ச்சி தடைபட்ட திருமணங்கள் எல்லாம் இந்த குருபெயர்ச்சியில் நடக்கும், குரு 5-ஆம் இடத்தைப் பார்க்கும் பொழுது இக்காலகட்டத்தில் பித்ரு காரியங்கள் செய்பவர்களுக்கு மிகுந்த நன்மையை ஏற்படுத்தும், காரணம் 5ஆம் பாவகத்தை தர்மகர்மாதி என்று சொல்லக்கூடிய குரு மற்றும் சனி இருவரின் பார்வை ஐந்தாம் இடத்தில் விழும் பொழுது தை மாதம் வரக்கூடிய அமாவாசையில் தர்ப்பணம் செய்வது உங்கள் தங்களுக்கு வரத்தை அருள்வார்கள்,, சிலருக்கு சகோதரர்களே தங்கள் திருமணத்தை நடத்தி வைப்பார்கள், நட்பு வட்டாரத்தில் நல்ல மதிப்பு கிடைக்கும், உங்களை வெறுத்து ஒதுக்கிய உறவினர்கள் அனைவரும் உறவாடுவார்கள், அவர்கள் போலி என்பதை நீங்கள் மறந்து விடக்கூடாது, இந்த குரு பெயர்ச்சியில் தங்கள் குடும்பத்தின் தெய்வ அனுக்கிரகம் வலிமை பெற்று ஓங்கும், 

 குரு அவிட்டம் நட்சத்திரத்தில் பயணம் செய்யும் பொழுது புதிய தொழில் மற்றும் அதிகமான லாபத்தை காணலாம், சதயம் நட்சத்திரத்தில் பயணம் செய்யும் பொழுது பெண்கள் விவகாரங்களில் எச்சரிக்கையாக இருப்பது நல்லது, ராகு கேது பெயர்ச்சி வரையாவது பெண்களிடம் பழக வேண்டாம், சனி இரண்டாம் இடத்தை பார்க்கும் போது தற்சமயம் குரு விலகி இருப்பதால் குடும்பத்தில் அவ்வப்போது சண்டை சச்சரவுகள் வந்துகொண்டே இருக்கும், இருப்பினும் குரு ராசியை பார்ப்பதால் அனைத்து பிரச்சினைகளையும் எளிதாக சாதித்துக் காட்டுவீர்கள், குரு தனது சுய சாரத்தில் பயணம் செய்யும் பொழுது திருவாதிரை நட்சத்திரக்காரர்களுக்கு மிகுந்த நன்மையை ஏற்படுத்தும், தொழிலை விரிவு செய்யலாம், 

 குடும்பம் நிதி பொருளாதாரம்

 10-க்குடைய குரு 9-ல் அமர்வதால் சகோதரரடன் தொழில் செய்ய வாய்ப்பு உருவாகும், சின்ன சின்ன சண்டைகள் குடும்பத்தில் இருந்தாலும் சுமுகமாக முடியும்,  குரு பெயர்ச்சியின் போது ஆறாம் அதிபதி செவ்வாய் ஆட்சி பெறுவதால் குரு அவிட்டம் சாரத்தில் பயணம் செய்யும் காலத்தில் தொழிலில் அதிக லாபத்தை காணலாம், நகை தொழில், டீக்கடை, வட்டிக்கடை, கமிஷன் ஏஜென்சி, நல்ல முன்னேற்றத்தை காணலாம, திருமணத் தரகர்கள் நல்ல கமிசனை எதிர்பார்க்கலாம், 

 கல்வி 

 குரு பெயர்ச்சியின் பொழுது ராசிநாதன் புதனை குரு பார்ப்பதால் புத்தி சாதுரியம் மேலோங்கும், கல்வியில் கணிதப் பாடங்கள் அசால்டாக வரும், கணினி துறையில் புதிய கண்டுபிடிப்புகள் உருவாகும், புதிய மென் பொருள்கள் விலை அதிகமாக உயரும், கண்டுபிடிப்புகள் சார்ந்த ஆராய்ச்சி படிப்பு மேற் கொள்பவர்களுக்கு காலகட்டம் மிக சாதகமாக அமையும்,  நீங்கள் நினைத்துப் பார்க்காத அளவிற்கு 10ஆம் மற்றும் பன்னிரண்டாம் வகுப்பு எழுதுபவர்களுக்கு எளிமையாக இருக்கும், 

 தொழில்

 பிறரை எதிர்பார்த்து கையேந்தி கடன் வாங்கும் நிலை இருக்கும் காலகட்டம் நீங்கி சுய சம்பாத்தியத்தில் லாபம் காணும் காலம் இது, மனைவி வழியில் வருமானம் பெருகும், தொழிலில் மனைவியின் ஆலோசனை உயரும், ரியல் எஸ்டேட் தொழில் மேலோங்கும், வட்டி கடை, போட்டோஷாப், போன்றவை சிறப்புடன் செயல்படும், தொழிலில் மிதுன, கன்னி லக்னத்தில் பிறந்து மிதுன ராசியை கொண்டு குரு தசா நடப்பார்கள் நிம்மதி பெருமூச்சு விடும் காலமாகும், வரும் வாய்ப்புகள் எல்லாத்தையும் இந்த ராசிக்காரர்கள் பயன்படுத்திக்கொள்ள வேண்டும், குருவின் சிறப்பு பார்வை கிடைக்க மீண்டும் எட்டு வருடங்கள் காத்திருக்க வேண்டும், இந்த குரு பெயர்ச்சியை சிறப்பாக பயன்படுத்துங்கள், 

 பரிகாரம்

 ஸ்ரீரங்கம் சென்று ராமானுஜர் வழிபட்ட பிறகு ஸ்ரீரங்கநாதரையும் ரங்கநாயகி தாயாரையும் வழிபட குரு பெயர்ச்சி தங்களுக்கு பொற்காலம் என்றே கூறலாம்,  

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம் பெருமாள் பக்தன்

 லாலாபேட்டை கரூர், 

குரு பெயர்ச்சி 2021-2022 -- ரிஷபம்

 ரிஷப ராசி நண்பர்களுக்கு அன்பான வணக்கங்கள்

திருக்கணித பஞ்சாங்கப்படி குரு பகவான் 20.11.2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  ரிஷபம் ராசிக்கு 8ம் வீடாகிய அட்டமாதிபதி மற்றும் 11ம் வீடாகிய லாப ஸ்தானத்திற்கு உரிய குரு பகவான் தங்கள் ராசிக்கு  நட்பு வீடான சனி வீட்டில் 10ல் தங்களின் 2ம் வீடாகிய தன ஸ்தானத்தையும், 4ம் வீடாகிய சுக ஸ்தானத்தையும்,  6ம் வீடாகிய ரோக ஸ்தானத்தையும் பார்க்கிறார்.

 பொதுவாக இந்த குருபெயர்ச்சி தங்கள் ராசிக்கு பத்தில் அமர்ந்து இடம் கொடுத்த சனி பகவான் ஆட்சி பெற்று இருப்பதால் தொழிலில் தாங்கள் நினைக்கும் அளவிற்கு முன்னேற்றத்தை எதிர்பார்க்கலாம், குரு தனது ஐந்தாம் பார்வை தன ஸ்தானத்தில் செலுத்துவதால் குடும்பத் தேவைகள் பூர்த்தியாவதுடன் குடும்பத்தில் குதூகலத்துடன் சுபகரியங்கள் உண்டாகும், அதேசமயம் சனி 3-ஆம் இடத்தைப் பார்ப்பதால் எந்த செயலையும் செய்ய துணிச்சல் இன்றி தயக்கம் செய்வீர்கள்,,  குரு தனது ஏழாம் பார்வையாக 4-ஆம் இடத்தைப் பார்க்கும் பட்சத்தில் லக்னத்திற்கு சுபகரக தசா புத்திகள் நடப்பவர்களுக்கு வண்டி வாகனம் மனை வீடு யோகம் ஏற்படும்,, 8-க்குடைய குரு பத்தில் அமர்வதால் தொழிலில் அலைச்சல் அதிகம் ஏற்படும், இருப்பினும் 11 க்கு உரிய குரு 10ல் அமர்வதால் உழைப்பிற்கு ஏற்ற ஊதியம் கிடைக்கும் கிடைக்கும்,, குரு தனது 9-ஆம் பார்வையால் 6-ஆம் இடத்தில் செலுத்துவதால்   சிலருக்கு புதிய உத்தியோகம் கிடைக்க வாய்ப்பு உண்டு, அதே சமயம் குரு பெயர்ச்சியின் போது தங்கள் ராசிநாதன் சுக்கிரன் எட்டில் மறைவதால் எதிலும் போராடி வெற்றிபெற வேண்டிய சூழ்நிலை ஏற்படும்,, குருவின் பார்வை உங்கள் ராசிக்கு இல்லாதபட்சத்தில் எங்கும் அவசர முடிவுகள் எடுக்க வேண்டாம், நிதானத்துடன் முடிவெடுத்து செயல்படுவதே நன்மையை தரும், ராசிக்கு ஆறாம் அதிபதியான சுக்கிரன் எட்டில் மறைவதால் அதிர்ஷ்ட வாய்ப்புகள் ஏற்படும் பட்சத்தில் தக்கவைத்துக் கொள்ள வேண்டும், பெண்கள் மாதவிடாய் காலத்தில் எச்சரிக்கையாக இருக்க வேண்டும், சிலருக்கு சர்க்கரை நோய், கருப்பபை சார்ந்த பிரச்சனைகள் இருக்கும், எதிலும் தடாலடியான முடிவுகள் எடுக்காமல் யோசித்து செயல்பட வேண்டும். 

 குரு கும்ப ராசி அவிட்டம் நட்சத்திரம் செவ்வாய் சாரத்தில் பயணம் செய்யும்பொழுது சிலருக்கு திருமண பேச்சுவார்த்தை தடைபட்டு ராகு சாரத்தில் பயணம் செய்யும் பொழுது இனிதாக இனிதாக அமையும், புதிய பொருள் சேர்க்கை உருவாகும்,, குரு தனது சுய சாரத்தில் பயணம் செய்யும் பொழுது அதிக அலைச்சல் உருவாக்குவதுடன் மன உளைச்சல் ஏற்படும். சிலருக்கு நோய்கள் குணமாகும், வயிறு சம்பந்தப்பட்ட பிரச்சனை இருந்தாலும் உடனே தீர்வு ஆகிவிடும்,, இந்த ராசியில் பிறந்தவர்கள் எளிதில் செரிமானமாகக்கூடிய எந்த வகை உணவையும் எடுத்துக் கொள்ளலாம்,, உடனடி உணவை எடுத்துக் கொள்ளக்கூடாது, எண்ணெய் சார்ந்த பலகாரங்கள் தவிர்ப்பது நல்லது, 

 குடும்பம் நிதி மற்றும் பொருளாதாரம்

 குடும்பத்தில் சந்தோஷம் நிலவுவது உடன் பொருளாதார முன்னேற்றங்கள் உருவாகும், குரு அவிட்டம் நட்சத்திரத்தில் பயணம் செய்யும்பொழுது உத்தியோகத்தர்கள் கவனத்துடன் இருத்தல் அவசியமாகும், குரு சதயம் நட்சத்திரத்தில் பயணம் செய்யும்பொழுது பங்குனி 30 தேதி வரை சற்று சிரமமான சூழல் உருவாகும் அதன் பிறகு நிலைமை சீரடையும், குடும்பம் மற்றும் குழந்தைகளின் எதிர்கால நலன் கருதி வங்கியில் பணத்தை சேமிக்கலாம் தவிர சீட்டு கம்பெனிகளில் போட்டால் ஏமாற்றமே அடைவீர்கள், குறைந்த முதலீட்டில் அதிக லாபம் தரும் காலமாகும்,, விற்காத நிலங்கள் விற்கும். 

 மாணவர்கள்

 தங்களின் நாலாம் வீடாகிய சிம்மத்தை குரு பார்ப்பதால் கல்வியில் மாணவர்களுக்கு நல்ல முன்னேற்றம் இருக்கும், அட டேய் இவ்வளவு விஷயங்கள் இருக்கிறதா கல்வியில் என்று வியக்கும் அளவிற்கு புத்தி மேலோங்கும், சில மாணவர்கள் அரசு துறை சார்ந்த கல்வி களுக்கும் முக்கியத்துவம் தருவார்கள, அதேசமயம் 4 க்கு உரிய சூரியன் ஏழில் இருந்து ராசியை பார்ப்பதால் உயர் கல்வியில் முன்னேற்றம் உருவாகும், பொது அறிவு மேலோங்கும் ஞாபக திறன் அதிகமாகும், தொழிற் கல்வியில் முன்னேற்றமும் அறிவியலில் புதிய கண்டுபிடிப்பும் இருக்கும்.

 தொழில்

 குரு பத்தாம் பாவகம் கும்பம் ஆகிய தமக்கு சம வீட்டில் அமர்ந்து இருப்பதால் தொழில் தொழிலில் ஏற்றத்தாழ்வுகள் இருக்கும், அதே சமயம் இடம் கொடுத்த சனி ஆட்சி பெறுவதால் புத்தி சாதுர்யத்துடன் செயல்பட்டால் அதாவது பிறரை நம்பி செயல்படாமல் தாமாக செயல்பட்டால் நல்ல முன்னேற்றம் உடன் லாபத்தையும் அடையலாம். ஜவுளித்துறை, மளிகைக் கடை, தகவல் தொடர்பு துறையில் நல்ல முன்னேற்றத்தை காணலாம், சுயதொழில் நல்ல முன்னேற்றத்தை தரும், நகை கடைக்காரர்களுக்கு பாதுகாப்பு அதிகம் தேவை, டயர் மற்றும் பிளாஸ்டிக் சார்ந்த தொழில் கவனம் அவசியம் இருக்க வேண்டும், குருவை செவ்வாய் பார்ப்பதால் வெளியில் சற்று அதிக கவனத்துடன் செயல்பட வேண்டும், முன்னரே கூறியது போல வேலையாட்களையும் கவனித்து வந்தால்  நன்மை அடையலாம்.

 பரிகாரம்

 இந்த குருப்பெயர்ச்சி காலம் ஆரம்பத்தில் திருப்பதி ஏழுமலையானை தரிசனம் செய்து அங்கு கொங்கணர் முனிவரை தியானம் செய்து வழிபட இந்த குரு பெயர்ச்சி மகிழ்ச்சியை தங்களுக்கு அள்ளி வழங்கும், 

 நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன் 

கார்த்திக் நம் பெருமாள் பக்தன்

 லாலாபேட்டை கரூர்

குரு பெயர்ச்சி 2021-2022 -- மேஷம்

 மேஷ ராசி நண்பர்களுக்கு அன்பான வணக்கங்கள்

 திருக்கணித பஞ்சாங்கப்படி குரு பகவான் 20 11 2021 சனிக்கிழமை அன்று மகர ராசியில் இருந்து கும்ப ராசிக்கு பெயர்ச்சி ஆகிறார்,,  இந்த குரு பெயர்ச்சியில்  மேஷ ராசிக்கு 9ம் வீடாகிய பாக்கிய ஸ்தானாதிபதி  மற்றும் 12ம் வீடாகிய விரையாதிபதி ஆகிய குரு பகவான் தங்களின் 3ம் வீடாகிய தைரிய வீர்ய ஸ்தானத்தையும் 5ம்  வீடாகிய பூர்வ புண்ணிய ஸ்தானத்தையும் 7ம்  வீடாகிய களத்திர ஸ்தானத்தையும் வீட்டை பார்க்கிறார்.

 பொதுவாக இந்த குருபெயர்ச்சி தங்களுக்கு பதினொன்றில் அமர்ந்து வெற்றியை தரும் குரு பெயர்ச்சியாக அமைகிறது,, எதையும் முன்கூட்டியே திட்டமிட்டு செயல்படுவதன் மூலம் எளிதாக வெற்றியை பெறலாம்,, குரு 5ஆம் பார்வையாக 3-ஆம் இடத்தைப் பார்ப்பதால் புதிதாக எதையும் சாதிக்கும் ஒரு தைரியம் உங்களுக்கு கிடைக்கும், சகோதரர்களிடம் இருந்து வந்த மனக்கசப்பு நீங்கி நட்பு பாராட்டும் வகையில் உதவி கிடைக்கும், பணியிட மாற்றம் ஏற்படும், மேலும் குரு 7-ஆம் பார்வையாக ஐந்தாம் இடத்தை பார்ப்பதால் சிலருக்கு மழலைச் செல்வம் போராடியே கிடைக்கும்,, காரணம் தங்களின் ஐந்தாம் அதிபதி சூரியன் குரு பெயர்ச்சி அன்று ராசிக்கு கேதுவுடன் எட்டில் மறைகிறார்,,  ஆகவே கரு உற்பத்தியான பின் மிக அதிக கவனத்துடன் இருப்பது அவசியமாகிறது, சிலருக்கு பாகபங்கு பிரிவினை ஏற்பட்டு சுமூக முடிவு ஏற்படும். குரு தனது 9ம் பார்வையால் ஏழாம் இடத்தை பார்ப்பதால் திருமணம் சம்பந்தப்பட்ட அனைத்து முடிவுகளும் சுமூகமாக முடியும்,, உங்களுக்கு  நண்பர்கள் உதவியால் முன்னேற்றங்கள் உருவாகும்,, உண்மையான நண்பர்கள் யார் என்பது தெரியவரும். ஏழாம் இடத்தை சனி தனது பத்தாம் பார்வையாக பார்த்தாலும் குரு தனது 9ம் பார்வையால் செலுத்துவதால் ஆரம்பத்தில் எந்த ஒரு காரியங்களும் தாமதமாக இருந்தாலும் இறுதியில் வெற்றியைத் தரும். சிலருக்கு கண் சம்பந்தமான பிரச்சனைகளும், அடிவயிறு மற்றும் சிறுநீரகம் சம்பந்தமான பிரச்சனைகளும் உருவாகும். 

குரு கும்ப ராசி அவிட்டம் நட்சத்திரம் செவ்வாய் சாரத்தில் பயணம் செய்யும் பொழுது மேஷராசி யினருக்கு ஓரளவு நன்மையை பெற்றுத்தரும், பணியில் நிரந்தரம் பெறுவீர்கள், அதேசமயம் சதயம் நட்சத்திரம் ராகு சாரத்தில் பயணம் செய்யும் பொழுது தங்களுக்கு குடும்பம் சார்ந்த அனைத்து பிரச்சனைகளை நிவர்த்தி அடைவதுடன் வீட்டிற்கு தேவையான புதிய பொருட்கள் மற்றும் அலங்காரப் பொருட்கள் வாங்கும் சூழ்நிலைகள் உருவாகும், வெகு நாட்களாக திருமணம் ஆகாதவர்களுக்கு குறிப்பாக அஸ்வினி நட்சத்திரக்காரர்களுக்கு திருமணமாகும், குரு தனது சுய சாரத்தில் அதாவது பூரட்டாதி நட்சத்திரத்தில் பயணம் செய்யும்பொழுது தந்தையின் ஆலோசனையையும், உயரதிகாரிகள் ஆலோசனையும் தங்களுக்கு மிகுந்த நன்மையை பெற்றுத் தருவதுடன், சுபம் சார்ந்த செலவுகளும் ஏற்படும். 

 குடும்பம், நிதி மற்றும் பொருளாதாரம்

 இதுநாள் வரை தங்களது இரண்டாம் இடத்தை பார்த்து வந்த குருபகவான் ஓரளவுக்கு குடும்பத்தின் பொருளாதாரத்தை உயர்த்தி தந்து இருப்பார்,, தனஸ்தானத்தில் ராகு இருந்தாலும் குருவின் பார்வையால் தங்களுக்கு நன்மையாகவே அனைத்தும் அமைந்தது, இருப்பினும் இந்த குருபெயர்ச்சியில் ராகு மீது குருவின் பார்வை இல்லாததால் தொழில் மற்றும் பொருளாதாரத்தில் பேராசை கொள்ளாமல் சிக்கனமாக உடன் வாழ்வது சிறப்பானது,, குடும்பத்தில் தடாலடியான முடிவுகள் எதுவும் எடுக்க வேண்டாம்,, சனி தனது மூன்றாம் பார்வையால் பன்னிரெண்டாம் இடத்தை பார்ப்பதால் செலவுகள் ஒரு பக்கம் இருந்து கொண்டே இருக்கும், பன்னிரண்டாம் வீடு குரு 11-ல் அமர்வதால் செலவுகள் சுபமாக அமையும்.. வண்டி வாகனத்தில் செல்லும் பொழுது அதீத எச்சரிக்கை மிக அவசியமாகிறது, 

 மாணவர்கள்

 குரு பத்தில் அமர்ந்து தங்களின் நான்காம் பாவகத்தை பார்க்கும் பொழுது மாணவர்கள் கல்வி திறன் மேம்பட்டு இருந்தது,, அதேசமயம் நான்காம் பாவகத்தில் குரு தொடர்பில்லாமல் சனி மட்டுமே பார்ப்பதால் பார்ப்பதால் சிலருக்கு கல்வி தடை ஏற்படும், ஞாபக மறதி அதிகம் உருவாகும், ஆகவே தினசரி பாடங்களை எழுதிப் பார்த்து படித்து வருதல் அவசியமான ஒன்றாகும்,, உயர்கல்வி படிப்பவர்கள் நல்ல முன்னேற்றம் அடைவார்கள்,, ஆராய்ச்சி படிப்புகள் மேலோங்கும்,, பள்ளி மாணவர்கள் கவனத்துடன் படிக்க வேண்டும், மருத்துவம் சார்ந்த படிப்புகள் மேலோங்கும்.

 தொழில்

 சனி ஆட்சி பெற்று பத்தில் பலத்துடன் இருப்பதால் தொழில் முன்னேற்றம் உருவாக்கம் அதற்கு தகுந்தார்போல் குரு பதினொன்றில் அமர்ந்திரப்பதால் லாபமும் திருப்திகரமாக அமையும்,, சிலருக்கு தொழிலை விரிவுபடுத்த வேண்டும் என்ற எண்ணம் இருக்கும்,, புதிய நண்பர்களை உருவாக்கிக்கொண்டு உங்கள் தொழிலினை அபிவிருத்தி செய்துகொள்ள முயற்சிப்பீர்கள். இயந்திரங்கள், எலக்ட்ரிகல், எலக்ட்ரானிக்ஸ் போன்ற துறைகளில் பணிபுரிபவர்கள் மிகுந்த முன்னேற்றம் காண்பார்கள். உழைப்பிற்கேற்ற ஊதியமும் நல்ல தனலாபமும் தொடர்ந்து இருந்து வரும். உத்யோகஸ்தர்கள் உடனுக்குடன் சுறுசுறுப்பாக செயல்படுவதன் காரணமாக மேலதிகாரிகளிடம் நற்பெயரை அடைவதோடு மட்டுமல்லாது முக்கியமான வேலைகள் மீண்டும் மீண்டும் உங்களிடமே ஒப்படைக்கப்படுகின்ற நிலைக்கு ஆளாவீர்கள்.

 பரிகாரம்,, 

 ஏழை மாணவர்கள் கல்விக்கு உதவி செய்யுங்கள், விபத்தில் அடிபட்டவர்களுக்கு ஏதாவது ஒரு வகையில் உதவி செய்யுங்கள், லட்சுமி நரசிம்மரை வழிபட்டு நீர்மோர், தயிர் சாதம் அன்னதானம வழங்குவதால் இந்த குரு பெயர்ச்சியில் 60 சதவிகித நன்மையை பெறலாம்.

நம்பெருமாள் நல்லாசி தங்கள் குடும்பத்தினர் அனைவருக்கும் கிடைக்கட்டும்

 அன்புடன்

 கார்த்திக் நம்பெருமாள் பக்தன்

 லாலாபேட்டை கரூர்